تقريرى الحصرى المصــور لشيفرولية كــروز هاى لاين 2013 (فيس ليفت) من ارض مصر

[hossam_elwani]

[gdwl]السلام عليكم ورحمة الله وبركاته[/gdwl]

[gdwl]تقريرى الحصرى المصــور لشيفرولية كــروز هاى لاين 2013 (فيس ليفت) من ارض مصر على الواقع[/gdwl]



كنت فى زياره امبارح لموزع شيفروليه البلال موتورز اسكندريه وفوجئت بوجود ونزول الشيفروليه كروز بالتعديلات الجديده .. رغم ان كنت سألت قبل كده من اسبوع ادارة مبيعات شيفروليه واكدو ان التغيير فى الموتور بس ولكن التعديلات شملت كل ماهو آت ... (وده بيدل على ادارة المبيعات فى جزر منعزله عن ادارة الشركة الرئيسيه )

واليكم تفاصيل التعديلات

تم تغيير الاكصدام الامامي والفوجات والشبكه وسحب الفانوس للخلف بخلاف الكروز 2012









وتم تغيير شكل الاكصدام الخلفى وشكله شيك جدا عن القديم ورسم العربيه من ورا بجد



والمفاجئه الجميله جدا ... الجنوووووووووط 17 مقاس 17/215/50 نوعهم كومهو سيلس تقريبا

بس الاستبن جنط عادى

وعلى فكره العربيه ارتفاعها زاد الى 15 سم وكده اتعالجت جزئية انخفاض العربيه فى الموديل القديم وكانت الشكوى دائمه من انها بتحك فى اى مطب

والفرامل فى الفئه دى abs ديسكات ورا وقدام








والتغيير الرئيسى هو الموتور الايكوتك 115 حصان وهو نسخة طبق الاصل بشكل دقيق لكل التفاصيل لحوض وموتور الاسترا 2013 مفيش اى تغيير اماكن كل حاجه فى الحوض هيا هيا حتى مكان فلتر الهوا ودخلات خراطيم التكييف نفس المكان بالزبط الاتنين كانو واقفين جنب بعض وقارنت بينهم على الطبيعه





وهنا فيه عازل فى الكبوت



وكمان فيه للشنطه بس نسيت اصوره


اما من الداخل وكانت المفاجئه وهى تغيير الطابلوه وشكله بقه اشيك وفيه شاشه خاصه بمشغل الاسطوانات والراديو ومشترك معاها وظايف التكييف ودى شبيهه بالتكييف الديجتال ولكنه يدوى

ودرج التابلوه بيتقفل بمفتاح

والعربيه فى الفئه دى فيه 2 ايرباج





شكل الطاره



الفتيس استبترونيك ويقال انه مختلف عن موديل 2011



الشنطه بسعة 450 لتر والعربيه بيجى معاها طقم دواسات اصلى




العريبه شكلها اختلف للافضل وده من الواقع

شويه تفاصيل على الهامش

العربيه فيها ايموبلايزر

وكمان انذار ضد السرقه

والشنطه بتفتح من الريموت

والمفتاحين نسختين متطابقتين فى كل الوظايف (على شكل سلاح)

[gdwl]سعر العربيه 144000 للفئه الهاى لاين والفئه العاديه لم يتم تحديد سعرها ومنزلتش لحد دلوقتى فى المعارض (العهده على الراوى وهو صاحب المعرض) ويقال انها حتكون اقل 10000
[/gdwl]

[gdwl]الحاجات الى كنت بتمناها تكون موجوده[/gdwl]

بلوتوث

فتحة usb عشان فيها aux بس

مرايات ضم الالنترا مش احسن منها

نواكل فى مقابض الابواب لانهم كانو موجودين فى الفئه الهاى لاين 2012 ولكن اتشالو هنا وكانو بيدو شياكه للعربيه

مفيش مصفحه تحت الموتور وكنت اتمنى وجودها ومش عارف موجوده فى الموديل القديم ولا لا


وبعد انتهاء سرد التقرير

فى رأيكم العربيه دى وبعد الاضافات الجميله دى استردت مكانتها تانى فى السوق وحتسحب البساط من تحت الالنترا والسيراتو الشكل الجديد الى لسه منزلش والفلورنس الحاليه ولا لا ؟؟

وفى تقديركم هيا ولا الالنترا فى نفس الفئه السعريه مين يكسب لو انت بتشترى عشان انا بفكر فيها جدياًً


تحياتى للقسم والقائمين عليه

[Hosam_Optrawy]

الله عليك وعلى حصرياتك ياحسام باشا بجد تسلم ايدك

[hossam_elwani]

نسيت كمان اقول لكم ان نزول العربيه بموتور الايكوتيك بشرى لاصحاب الدايو لاستى كروز والى كانت مشكلتهم عدم توفر قطع غيار بسهوله

تحياتى

[hossam_elwani]

الله عليك وعلى حصرياتك ياحسام باشا بجد تسلم ايدك

تسلم ياغالى

ايه رأيك جبتلك الخبر الاكيد

[Hosam_Optrawy]

بخصوص سؤالك هى ولا الالنترا انا شخصيا افضل الكروز خصوصا بعد ارتفاع سعر الالنترا المبالغ فيه

الكروز اول فئه المفروض هاتبقى ب 135 , والهاى لاين 143

[S O P H O S]

ما شاء الله
تسلم ايدك تقرير رائع وبالتفصيل ..

[حماده المصري]

جميييييييييييل جداااااااااا


دلوقتي تقدر تنافس خصوصا بموضوع المتور ده

ولو كمان الفتيس مختلف التسارع هيختلف للاحسن بشكل جميل جدا

لانه بوجود مواتير زي هيونداي وتويوتا وهوندا

صعب عربيه تنزل المتور الضعيف ده وتبيع

[szaalouk]

الله ينور يا باشا
العربيه فعلا بقت تحفه

[Usama Nagi]

تسلم علي التقرير الجميل

العربيه احلوت قوي عن الأول و لو نازله بالسعر دا و الأوبشنز دي معقوله قوي

[hossam_elwani]

بخصوص سؤالك هى ولا الالنترا انا شخصيا افضل الكروز خصوصا بعد ارتفاع سعر الالنترا المبالغ فيه

الكروز اول فئه المفروض هاتبقى ب 135 , والهاى لاين 143

طيب هيا ولا السيراتو الشكل الجديد داخليا وخارجيا؟؟

[yasserelsayad]

مشكور يا باشا على التقرير
بس هى مش هتسحب البساط من حد لا جديد ولا قديم

[hossam_elwani]

مشكور يا باشا على التقرير
بس هى مش هتسحب البساط من حد لا جديد ولا قديم

ليه بتقول كده ؟؟

[yasserelsayad]

ليه بتقول كده ؟؟:u_thin1[1]:

يعنى هى مبتشدنيش ليها
حتى التابلوه الجديد دا بيحسسنى ان العربية موديل 2000 بالحتة اللى بتفتح من فوق دى زى الصنى كدا القديمة والشبكة الريش اللى فيها بالعرض دول خلوا العربية عجزت من قدام

[Amr Axel]

تسلم ايديك بصراحة العربية ما شاء الله جامدة جداااا من ساعة ما نزلت
بس لازم التجربة برده عشان نقدر نقارن بينها و بين العربيات اللي في فئتها لكن في الشكل الخارجي بينها و بين الالنترا و السيراتو بالنسبة ليا هي تكسب ثم السيراتو
لكن المهم ع الأرض ايه اخبارها هو ده اللي يفرق

[hossam_elwani]

يعنى هى مبتشدنيش ليها
حتى التابلوه الجديد دا بيحسسنى ان العربية موديل 2000 بالحتة اللى بتفتح من فوق دى زى الصنى كدا القديمة والشبكة الريش اللى فيها بالعرض دول خلوا العربية عجزت من قدام

سبحان الله فعلا اذواق

انا انطباعى عكسك تماما

على فكره الواقع بيفرق بنسنه عن الصور