ياجماعة انا بجد والله محتاج مساعدتكم فى الأفيو

[bikoalby]

اها طب ممكن اعرف الافيو 2009 تقفيل كورى تعمل كام دلوقتى او حضرتك حجزتها بكام؟

تعمل 80000 فول اوبشن مانيوال اغلى الفين بس وانصحك احسن بكثير انا مجربتهاش بس اللى جربوها قالو كدة .

[bikoalby]

طيب وانا اعرف منين ان الطانبير عايزة تتغير
هل هى الريحه دى بس ولا وانا ماشى بلاقى حدفة

هو انا مش بفهم اوى فى العربيات بس المهندس بتاع منصور قلى انك بتحس ان الفرمل مرملة معاك مش فاهم اوى يعنى بس بيتهيقلى كأنك بتفرمل فى رملة ممكن .

[bikoalby]

اولا انا متشكر جدا بس انت مقتليش تاب اعمل ايه اتكل على الله واجيبها ولا اسأل تانى.

[reham2100]

اخوانى الاعزاء انا بفكر انى اشترى سيارة شيفرولية افيو 2009 اية رايكم يا جماعة اتوكل على الله ولا اشترى هيونداى فيرنا ممكن ارد ارجوكم سريعالانى متردد جدا وخصوصا انى انا نسبة المال معى متراوحة مابين الافيو والفيرنا وشكرا جزيلا

[Hosam_Optrawy]

الافيو كويسه ماشاء الله وفى مواضيع كتير عنها ممكن تفيدك
وممكن تبص برضه عالرينو كليو ب 74 الف
وانصحك بلاش فيرنا

[Amrrr]

يا جماعة حد يفيدني في موضوع الفرامل دة
انا هروح ان شاء الله اعمل صيانة ال 15000 واستفدت تمام من الكلام اللي قلتوه!! بس ناقص موضوع ريجة الفرامل دة انا مش عارف ازاي اعرف ان عندي مشكلة في الفرامل او الطنابير ؟؟؟

[Moh]

لو الطنابير فيها ريجه يبقى وأنت بتفرمل هتلاقي الدريكسون بيترج ( أو بيرعش ) ودي بتظهر عند الفرمله على سرعة عالية .

لو مفيش أي رعشة في الدركسيون عند الفرمله ، تبقي الطنابير تمام .

[Amrrr]

لو الطنابير فيها ريجه يبقى وأنت بتفرمل هتلاقي الدريكسون بيترج ( أو بيرعش ) ودي بتظهر عند الفرمله على سرعة عالية .

لو مفيش أي رعشة في الدركسيون عند الفرمله ، تبقي الطنابير تمام .

تمام يا باشا الحمد لله مافيش الرجة دي !!
انا بحس ان فراملها خفيفة شوية واني لازم ادوس جامد على الدواسة (بس اعتقد الموضوع دا نسبي ) لكن ماسكة نفسها وبتقف حتة واحدة

[احمد عز]

انا (اعوز بالله من كلمه انا )معايا افيو 2009 مفيهاش الكلام ده خالص والدليل على كده شوف منظر الناس الى بتحجز اللافيو فى معارض منصور دول بالطوابير واكيد كل واحد بسال قبل ما يروح يدفع شقى عمره فمفيش حاجه من الى انت بتقول عليها ظهرت معايا لحد دلوقتى و او حصل حاجه الضمان موجود

[fhlawe]

انا معايا افيو 2007 غيرت الطنابير و التيل عند 10000 و عند 14000 وعند 20000وعند26000وعند35000وعند 45000 و بعد كده اولت طيب اغير و اشتريهم من بره التوكيل و المشكله بتاعت الهزة خلصت بس فييه صفارة جامده لما الطنابير تسخن
انا زهقت نفسى الاقى طنابير و تيل كويس

[MEZAONLY]

انا معايا افيو 2007 زى الفل مفيهاش المشاكل دى خالص علشان كورى مش اكتر

[alisleman]

يا جماعة المشكلة مش موجودة ولا فى 2006 ولا 2007 المشاكل بدات من 2008 ولغاية دلوقتى مش عارفين يحلو حاجة ومعرفشى ليه بينتجوها
نصيحة انسى خالص ان فى سيارة اسمها افيو
فكر فى الاكسنت الجين تو

[aymaneid]

انا معايا افيو 2009 وى مافيهاش غير شوية زقزقة لما اخد مطب جامد ، لكن موضوع التيل وى الطنابير ما حصلتش معايا خالص ، انا لحد دلوقتى ماشى بيها 12000 كيلو .
انا ليا سؤال لكل الناس اللى بيقولوا المشاكل دى هو المواضيع دى كلها من الافيو التقفيل المصرى ولا الكورى ولا الاتنين بجد عاوز اعرف ؟؟؟؟؟؟؟؟؟

[abofaris]

ياجماعة انا شايف ان فيه تحامل كبير اوى على الافيو مش عارف ليه. انا معايا افيو 2009 عامل بيها 1000 كيلو وعملت صيانة مرتين و العربية زى الفل وبدون مبالغة لم اشعر بأى من المشاكل اللى الناس بتحكى عليها خالص. انا اظن و الله اعلم ان حسن الاستخدام ليه عامل كبير فى الموضوع ده.

[sherif26178]

يا أخى انا معايا افيو 2008 وعامل بيها 15000 ك، ولم أغير بها لا مساعدين ولا تيل على الرغم من أن التوكيل قالى انت محتاج تغير التيل عند 15000 بس قلتلو طيب اشوف التيل الأول، قالى وممكن يقعد معاك 1000 أو 2000 ك كمان

ولكن اليارس طبعاً افضل بس فى فرق فى السعر حوالى 10000 ج، لو معاك ادفعهم. بس أنا مصادفتش اى مشكلة من المشاكل المطروحة.