سعر فتيس الكروز

[hatchy]

انا لسه شارى كروز 2010 وسمعت ان العربيه دى من عيوبها ان الفتيس الاوتوماتيك بتاعها بيبوظ بسرعه
فهل من افاده عن تأكيد الكلام دة ولو حد يعرف سعر الفتيس جديد واستعمال يساوى كام وشكراً جزيلاً

[Hosam_Optrawy]

خليها على الله :) انت بس اهتم بالصيانه وغير الزيت فى ميعاده

الفتيس فى التوكيل اكيد غالى جدا ممكن يبقى فوق ال 50 الف لان بتاع الاوبترا كان ب 32 الف

اما الاستيراد هايكون ارخص من كدا بكتير يعنى تحت ال 10 الاف

وربنا يباركلك فيها ان شاء الله مايحصلش حاجه

[al_manara]

بتاع الاوبترا مرة شوفت واحد بيشترية كان ب 3000 جنية .
يعني دة اغلي من 3000 .

[hatchy]

الف شكررر لكم جميعا
بس ممكن يكون سعر العربيه كلها 130الف وسعر الفتيس بس 50 الف لو ده فعلا هيبقى غالى - - - السنين d:


يرجى مراعاة الألفاظ

م ع 5

[Shady Hafez]

واحد صاحبى مغير الفتيس ب 12 الف جديد

ربنا يباركلك فيها ان شاء الله

[devil_storm]

مسمعتش عن مشاكل فى فتيس الكروز و لو فيه حتبقى حالات فرديه مش عيب فى العربية

[hossam_elwani]

اكيد الى بيبوظ عنده الفتيس فى الكروز بيبقى عيب استخدام وعدم صيانه مش عيب عربيه لانها مش ظاهره

[hatchy]

شكراً جزيلا الله يطنمكوا

[Habd]

فعلا مع صاحبى و عمل بيها 70 الف و ظهر العيب و كان كنترول يونت الفتيس و تمنه مستعمل 5000 و الفتيس كله ب 40 الف ف التوكيل و غير الكنترول عند بتاع فتايس ورا منصور اللى ف ش الطيران و الميكانيكى فعلا قالوا ان العيب ده مشهور ف الكروز حتى لقى كروز كتير عنده بنفس العيب
عامة التزم بالصيانة و تغيير زيت الفتيس ف ميعاده لانه مغيرش الزيت و يمكن يكون هو ده السبب

[abou-yahia]

اكيد اي حاجه بنراعي الاستخدام السليم ليها بنحافظ علي ادائها وبنطيل عمرها

واكيد مشاكل الفتيس في الكروز اقل كتير جدا من مشاكل في عربيات تانيه اغلي واكثر شهره من الكروز

مش عارف احنا ليه مش مصدقين ان فيه عربيات بتضارع في ادائها عربيات اعلي منها

الكروز من العربيات ديه

[mido]

الصراحة دى احسن عربية كورى ممكن تتركب

[abou-yahia]

الصراحة دى احسن عربية كورى ممكن تتركب

قولنا كده قالوا اطلعوا بره القسم


انا بقول عليها الفنتازيا الكوري

[legend_mohsen]

الفتيس بيبوظ من الزيت ....الفتيس ده ماينفعش تزودله زيت او تحطله زيت نوعه مش معتمد...ومعتمد دي مش موجود غير في التوكيل....لما تعرف ان موبيل عمله زيت مخصوص لنوع الفتيس ده و مش موجود غير في التوكيل ....تعرف العربيات دي كلها جابت فتيس ليه

[mido]

الفتيس بيبوظ من الزيت ....الفتيس ده ماينفعش تزودله زيت او تحطله زيت نوعه مش معتمد...ومعتمد دي مش موجود غير في التوكيل....لما تعرف ان موبيل عمله زيت مخصوص لنوع الفتيس ده و مش موجود غير في التوكيل ....تعرف العربيات دي كلها جابت فتيس ليه

دى معلومة جديدة
بس ده معناه ان اى عربية تجيب فتيس لازم تكون خرجت بره الضمان و صاحبها بطل يوديها التوكيل

[A_M_T]

لالالا

مش موبيل الوحيدة الى عملت زيت الفتيس ولا هو زيت الفتيس موجود فى التوكيل بس

مع احترامى لجميع الاراء طبعا

بس زي الفتيس بتاع العربية دريكسون 6 يجيب بقى موبيل فالفولين كاسترول لوكى مولى فابيا

المهم يكون يكون دريكسون 6

وطبعا ناس كتير بتفتى وصعب جدا انك تلاقى حد يعرف نوع الزيت المناسب للفتيس وطبعا منصور بية عاملة سر حربى علشان يخوف الناس ويخليهم ميغيروش زيت الا عندة

لكن احنا لو كلفنا نفسنا شوية ودورنا فى كتالوج العربية هنلاقى كل حاجة موجودة

الزيت المناسب والكميات

والاهم من دة ان محدش يتصرف من دماغة ويفتى ويحط اى نوع وخلاص

لان دور ع المعلومة واتأكد منها ومن مصدرها وبعدين توكل ع الله

الخلاص

غيرت اول تغيرة زيت ع 30 الف
حطيت النوع المناسب وهو دريكسون 6
نزلت الزيت القديم وحطيت 5 لتر زيت جديد
حافظت ع الصيانة الدورية للعربية

يبقى ان شاء الله باذنك يارب العربية هتكون تمام معاك غير كدة ماعودكش