اوبترا اتوا ولا سونيك

[motsh]

السلام عليكم
اولا انا سعيد انى انضميت الى هذا المنتدى الرائع
ثانيا انا ان شاء الله ناوى اشترى عربية محتار بين الاوبترا اوتو 2013 او السونيك انا عارف ان فى فرق كبير جدا فى الشكل بس بصراحة اهم حاجة تهمنى الثبات ومتانة العربية ياريت تفيدونى

[Hosam_Optrawy]

لو عايز تخليك فى المتجرب والمعروف والمنتشر والاقتصادى يبقى اوبترا

عايز الحديث خليك فى السونيك عربيه محترمه بس مانتشرتش خالص بسبب سعرها

[motsh]

يعنى من ناحية الثبات على السرعات العالية ومتانة العفشى علشان تناسب شوارع مصر الجديدة انت راي حضرتك انى اجيب اوبترا

[Hosam_Optrawy]

يعنى من ناحية الثبات على السرعات العالية ومتانة العفشى علشان تناسب شوارع مصر الجديدة انت راي حضرتك انى اجيب اوبترا

انا مجربتش السونيك بس العربيه اساسياتها GM-Opel وتقفيل كورى مايعيبهاش غير ان شكلها من ورا مش اوى ومفيهاش ABS

الاوبترا كويسه بس لو هانتكلم على نقطة العفشه تحديدا فالمساعدين بتوعها بتبدأ تتعب وتجيب زيت ابتداء من 40 الف كم وانت طالع انت وحظك , بس تغييرهم مش مكلف جوز المساعدين المونرو فى حدود 500-600 جنيه والاصلى الجوز بالف , وقطع غيارها بشكل عام سواء الاصلى او غيرها تعتبر من ارخص العربيات الزيرو

اما السونيك فحاجتها هاتبقى اغلى بس معرفش كام

[moaaz]

استاذ حسام جابلك من الاخر ...بس انا لو مكانك هجيب سونيك بصراحة ..هبقى راكب اوبل بعلامة شيفورلية بس هتعب ف قطع الغيا ر ....والله حيرة بردوا ..استخير ربنا و شوف دى ودى على الطبيعة

[angel83]

بس هوه فعلا يا استاذ حسام افضل مساعدين للاوبترا هوه المونرو ولا فيه افضل من كده وهل بيعيش بردوه زي الاصلي 40 الف كيلو ؟ عايزين حاجه بتاعت شقه يعني الماني امريكي كده يعني وهل بتغير اليايات مع المساعدين ولا مش شرط؟؟؟؟؟؟

[Hosam_Optrawy]

بس هوه فعلا يا استاذ حسام افضل مساعدين للاوبترا هوه المونرو ولا فيه افضل من كده وهل بيعيش بردوه زي الاصلي 40 الف كيلو ؟ عايزين حاجه بتاعت شقه يعني الماني امريكي كده يعني وهل بتغير اليايات مع المساعدين ولا مش شرط؟؟؟؟؟؟

انا مليش تجارب شخصيه مع انواع المساعدين بس عندى مساعد جاب زيت وناوى ان شاء الله اغير الاتنين بمونرو

من تجارب اعضاء تانيه ومن الخبره بتاعنا ابو يحيى بينصح بمونرو من حيث الكفاءة والعمر الافتراضى والثبات

فى انواع تانيه ارخص وانعم زى ال kyb والماندو

[drmagieed]

السونيك عربية أحدث من الأوبترا رغم إن الأوبترا عربية متينة وإقتصادية لكن شكلها تقليدي شوية ... أحس السونيك أفضل من حيث الشكل الخارجي والداخلي يعيبها شكلها من ورا مش حلو ... وعموما الإتنين مافيش فيهم abs لكن أعتقد السونيك فيها إيرباج ... أنا لو منك سونيك بدون تردد لو بتقارن الإتنين ببعض... مجرد رأي شخصي!!!

[motsh]

شكرا يا جماعة على اهتمامكم .. بس انا قريت فى المنتدى ان الفتيس الاوتوماتيك بتاع الاوبترا يبانى هل فعلا دة صح وموجود فى 2013

[Hosam_Optrawy]

شكرا يا جماعة على اهتمامكم .. بس انا قريت فى المنتدى ان الفتيس الاوتوماتيك بتاع الاوبترا يبانى هل فعلا دة صح وموجود فى 2013

ايوه صح الفتيس هو هو من ساعة مانزلت فتيس يابانى من شركة Aisin

[abou-yahia]

السونيك اكيد عربيه محترمه وأفضل في المجمل من الأوبترا في المجمل

مع الأخذ في الاعتبار أن السونيك مفيش تجارب عمليه معاها في مصر

وليه مفكرتش في الكروز

[drmagieed]

وفتيس الأفيو الأتو ياباني Aisin وإحتمال فتيس السونيك كمان!!!

[motsh]

متشكر جدا يا جماعه على اهتمامكم .. الحقيقة اللى مخلينى مركز مع الاوبترا انى شوفتها مع اصدقائى وجربتها بصرحها جامدة

[motsh]

انا تعبتكم معايا .. انا عندى اسنفسار كمان هو ممكن اركب للاوبترا 2013 الايموليزر فى التوكيل

[motsh]

وكمان ممكن اعمل مفتاح مشفر للعربية بحيث انة هو الوحيد اللى يدور العربية