اوبترا اتوا ولا سونيك

[Hosam_Optrawy]

انا تعبتكم معايا .. انا عندى اسنفسار كمان هو ممكن اركب للاوبترا 2013 الايموليزر فى التوكيل

وكمان ممكن اعمل مفتاح مشفر للعربية بحيث انة هو الوحيد اللى يدور العربية

أعتقد لأ

[Hosam_Optrawy]

وفتيس الأفيو الأتو ياباني Aisin وإحتمال فتيس السونيك كمان!!!

السونيك زى الكروز GM-Opel

[drmagieed]

السونيك زى الكروز GM-Opel

شاكر جدا للتوضيح

[motsh]

يا جماعه هو انا ممكن اركب جنوط اسبور للاوبترا .. لانى قريت اكتر من موضوع ان مش مستحب اركب جنوط اسبور لو العربية مش نزلة اصلا بجنوط اسبور الكلام دة صح ولا لا

[Hosam_Optrawy]

يا جماعه هو انا ممكن اركب جنوط اسبور للاوبترا .. لانى قريت اكتر من موضوع ان مش مستحب اركب جنوط اسبور لو العربية مش نزلة اصلا بجنوط اسبور الكلام دة صح ولا لا

اه عادى تركب والعربيه اصلا كانت بتنزل بره بجنوط سبور اصلى مقاس 15 و 14 وموجوده فى الحرفيين استيراد

[motsh]

ان شاء الله انا توكلت على الله وهشترى اوبترا

[motsh]

يا جماعه انا عرفت ان فى مفتاح ممكن يتعمل يفصل كهرباء العربية علشان السرقة وكدة الفكرة دى كويسة وهل لو عملتة ممكن اخرج برة ضمان العربية

[motsh]

معلش يا جاعه انا اسأتلى كتير بس ارجوكم تعزرونى انا اول مرة اشترى عربية .. كنت عايز اعرف هو فى حاجة بتيجى مع العربية يعنى زى الكريك مثلا واية اهم حاجة ابص عليها وانا بستلم العربية

[Hosam_Optrawy]

يا جماعه انا عرفت ان فى مفتاح ممكن يتعمل يفصل كهرباء العربية علشان السرقة وكدة الفكرة دى كويسة وهل لو عملتة ممكن اخرج برة ضمان العربية

للاسف معنديش فكره عن الموضوع

معلش يا جاعه انا اسأتلى كتير بس ارجوكم تعزرونى انا اول مرة اشترى عربية .. كنت عايز اعرف هو فى حاجة بتيجى مع العربية يعنى زى الكريك مثلا واية اهم حاجة ابص عليها وانا بستلم العربية

تراجع على كل حاجه فى العربيه انها شغاله تكييف وانوار وازاز ومرايات وكله , وتبص لو فيها خرابيش او حكات , العربيه بيبقى معاها الطاسات والكوريك ومفتاح ومفك , تبص على الاستبن , تبص طبعا على الكيلومتر

[motsh]

متشكر جدا يا استاذ حسام وان شاء الله اول ما هجيب العربية هقولكم اية انطباعى عنها اية

[Hosam_Optrawy]

بالتوفيق ان شاء الله

[drmagieed]

اه عادى تركب والعربيه اصلا كانت بتنزل بره بجنوط سبور اصلى مقاس 15 و 14 وموجوده فى الحرفيين استيراد

طيب في جنوط سبور إستيراد للأفيو ... وسعرها كام ... وبتفرق في أداء العربية عن الجنوط الحديد إللي فيها؟؟؟