عندي مشكله في الاوبترا

[echo7]

العربيه مره واحده وأنا ماشي بنقل الغيار صوت الموتور بقي عالي ومفيش سحب وبعد عده محاولات مشت وحسيت بريحه شياط .ريحت العربيه شويه لاني كنت مسافر وبعدين مشت عادي .لما وصلت أديت العربيه لاخي لانه خبره في العربيات وانا مش فاضي لظروف عملي وقله حركتي بالسياره راح لميكانيكي قله محتاجه ديسك و اسطوانه (العربيه كانت عمله 20000 الف كيلو). المهم تم تغير الديسك و الأسطوانه و العربيه مشت تمام لمده شهرين و بعدين عملت نفس الحركه تاني و الحمد لله عملتها قبل البيت بحاجات بسيطه.
بعد الملاحظات : انا أستخدامي خفيف جدا للسياره يعني نقدر نقول بسافر بيها حوالي 100 كيلو مره كل اسبوعين ثلاته و باقي الوقت مركونه.تاني حاجه ريحه الشياط و عدم السحب حصلت معايا مرتين بعد اختناق مروري يعني العربيه ماشيه ببطء لفتره طويله. الملحوظه الأخيره انا شريها مستعمله وكانت عمله 15 الف كيلو و الصيانات كانت في التوكيل

[ma8rabye]

هو الطبيعى انه يحصل كده لو انت بتدوس على الدبرياج كتير وفى اوقات علط...يعنى بعد ما بتطلع بالعربية بتركن رجلك على الدبرياج....اعتقد ان ده السبب الوحيد او انك بتجيب قطع غيار وحش

[medo500]

ياريت تعرفنا طريقة سواقتك ازاي ياباشا وفعلا الاسطوانة والديسك اكتر حاجة تجيب اجلهم تحميل الرجل علي الدبرياج والعربية ماشية حتي لو تحميلة بسيطة او انك زي ما قال الاخ مغربي بتجيب قطع غيار مش اصلية

[dido_sif]

حصل عندى موضوع ريحة الشياط ده وقالى ديسك واسطوانة ومصدقتوش مع ان العربية كانت عاملة 75000 ك وبعد الفحص طلعت الريحة من سير الكاتبنة بسبب ان بلية الكاتينة قفشت مع انى كنت مغيرهم فى 55000 كيلو وانا مصدقتش ان الريحة دى ديسك واسطوانة علشان الريحة كانت طلعة من الناحية اللى مفيهاش الفتيس .

[yehiabeah]

لو بتحمل رجلك على طول على الدبرياج تعمل كدة

[yehiabeah]

قصدى لو طول ما انت ماشى محمل رجلك عليها