علاج التجريح و الخربشة

[Ahmed Mekawy]

السادة الافاضل.ممكن حد يقولى لو فى علاج للتجريح للجسم الخارجى.
للاسف واحد منه لله عملى خطوط جامدة جدا و كتيرة على الكبوت.النلس مش عارفة ان الواحد بيطلع عينة عشان يسدد تمن العربية.هل الحل ان الواحد يغطى العربيه كل مايركنها فى اى حته.حسبى الله و نعم الوكيل.

[arch_peter]

السادة الافاضل.ممكن حد يقولى لو فى علاج للتجريح للجسم الخارجى.
للاسف واحد منه لله عملى خطوط جامدة جدا و كتيرة على الكبوت.النلس مش عارفة ان الواحد بيطلع عينة عشان يسدد تمن العربية.هل الحل ان الواحد يغطى العربيه كل مايركنها فى اى حته.حسبى الله و نعم الوكيل.

للاسف انا ماعنديش حلول ليك ولكن حبيت اقولك انى باعانى نفس المشكلة مع عربيتى السودا والاسود بعيد عنك بيبان فيه اى حاجة
لو لقيت حل قول لنا

[Ahmed Selim]

أستعوضوا ربنا

الموضوع ده ملهوش حل

فى ناس ممكن تقولك أستعمل حاجة أسمها قلم بويه بس أنا رأيي تسيب العربية كده أحسن لأن شكل الحتت اللى معمولة بقلم البوية بيبقى يعععععععععععع :)
كان فى أختراع زمان عبارة عن مجموعة أقلام ( عاملة زى الروج - أحمر الشفايف ) بتتجاب وتعملها بطريقة معينة كده بس برضة مش فعالة عن تجربة

[ScOrPiOnE]

أخى الحبيب أى محل حدايد وبويات اشتري منه علبة كومباوند وهيا رخيصه جدا وبقطنه وعلى مكان التجريح امسح مع الضغط بلطف وهتلاحظ ان الخدوش بتختفى تدريجيا وتقدر بعد كده تلمع العربيه كلها بحاجه تانيه بتتباع اسمها بولش وبرضه بقطنه عشان القطن مش هيجرح فى العربيه حتى لو كان عليها تراب وربنا يحفظك ويباركلك فيها

[Eng.Mohamed Amen]

أخى الفاضل أحمد بصراحه الله يكون فى عونك وماتزعلش علشان ده شئ طبيعى

لما تكون راكن عربيتك ويجى فنان يعملك عليها رسم هندسى يبقى إنت أكيد فى مصر

مش هانقول غير حسبى الله ونعم الوكيل . ربنا ينتقم منهم وإن شاء الله ربنا مش هايسيب

العلاج زى ما قال الأخ Scorpione إنك تجيب علبه بولش + كومباوند

وللعلم علبه البولش فايدته إنه بيعمل معالجه الخدش بلون العربيه

إنما الكومباوند للتلميع فقط لا غير والأتنين تقريبا سعرهم 19 جنيه

الطريقه _ يتم وضع القليل من البولش أو على حسب سمك الخدش ويوضع معه الكومباوند ويتم مسحهم بالقطن الطبى بشكل دائرى خفيف . إوعى تضغط علشان متلاقيش البويه بتاعت العربيه طلعت مع تكرار المسح بالضغط الخفيف جدا وإن شاء الله
الخرابيش تتعالج ومش هايبقى ليها أى أثر إن شاء الله .

وشكرا .

[Ahmed Mekawy]

الاخوة الاعزاء انا عاجز عن الشكر للجميع.كل يوم يتاكد لى مدا احترام هذا المنتدى و اعضاءه

[Moh]

خد بالك أن الكمباوند دا " سنفرة "

يعني الفكرة أنه بياكل جزء من الدهان حول الخربشه ، فيبقى كله مستوى واحد

يعني لازم في الآخر جزء من دهان العربيه هيطلع في القطنه

والأفضل أنك تحدد حول مكان الخربشه بلزق ورق ( مثل الذي يستخدمه بتوع الدوكو ) علشان تأثير الكمباوند ما يتعداش مكان الخدش

وممكن بتاع الدوكو يقوم بالعمليه دى ، هو عنده خبرة أكيد

وكان الله في العون ، وربنا يحفظنا جميعا

[Moh]

وياريت تصور العربيه قبل وبعد المعالجة

وربنا يوفقك