تسعير اوبترا 2005

[ahmedhilmy]

شباب السلام عليكم
معروض عليه اوبترا 2005 اوتو فبريكه بالكامل ما عدا اكصدام امامي في السقف بعض العضعضه من حيوانات الشارع اول يد من الزيرو و تبع نفس المرور بتاعي عداد 61 الف و كسور تعمل كام في حاله عدم استقرار سوق السيارات اللي احنا فيه ده لاني حاسس ان المطلوب مبالغ فيه

و هل في اي ملاحظات عليكم علي المودي ده و لا زيه زي اي اوبترا جزيل الشككر

[adham_gouda]

اختيار ممتاز يامستر احمد وياريت تحضر مقابلة دايو بوم الخميس ويكون هذا السؤال محور الجلسة انا معرفش السعر كام ولكن سمعت عن عربية نفس المواصفات بس موديل 2010 كانت 70000 ونفس الكيلو مترات ولون اسود معرفش هل السعر مبالغ فية ولا لا عموما بالتوفيق ولا تنسى صلاة الاستخارة

[TOOLA]

بص يا باشا, احنا فى العيلة عندنا لسه شاريين 2 اوبترا مانيوال 2006, الحالة عامة جيدة, واحدة فابريقة بالكامل ماعدا اكصدامات و عداد 120000 كم, و التانية راشة نضافة (ده اكيد و بالجهاز راشة من غير معجون) و عداد 97000 كم و مرفوعة بقالها سنتين و فيها شوية مصاريف بسيطة.

العربيتين خالصنين على 60,000 ج و يعتبرسعر كويس لأن الأوبترا الجديدة سعرها على تانى (110000 ديه الأوتو فى التوكيل مش فى المعارض, غاليا المعارض اغلى).

للعلم موديلات 2009 و 2010 الأوتو الفابريقة عداد قليل و حالة جيدة جدا الى ممتازة كانت بتتلكم من 78000 الى 82000 ج و ده من شهرين, اعتقد الأسعار عليت عن كده.

[ahmedhilmy]

اختيار ممتاز يامستر احمد وياريت تحضر مقابلة دايو بوم الخميس ويكون هذا السؤال محور الجلسة انا معرفش السعر كام ولكن سمعت عن عربية نفس المواصفات بس موديل 2010 كانت 70000 ونفس الكيلو مترات ولون اسود معرفش هل السعر مبالغ فية ولا لا عموما بالتوفيق ولا تنسى صلاة الاستخارة

ربنا يبارك فيك يا هندسه انا بقالي شهر بايع العربيه و شفت نص عربيات مصر لغايه دلوقتي مش لاقي حاجه محترمه ادعيلي ربنا ييسر في حاجه بنت ناس اما بخصوص المقابله مش متأكد اذا كنت هعرف اجي و لا لأ بس ان شاء الله احاول مفوتش جلستكم الجميله ان شاء الله

[ahmedhilmy]

بص يا باشا, احنا فى العيلة عندنا لسه شاريين 2 اوبترا مانيوال 2006, الحالة عامة جيدة, واحدة فابريقة بالكامل ماعدا اكصدامات و عداد 120000 كم, و التانية راشة نضافة (ده اكيد و بالجهاز راشة من غير معجون) و عداد 97000 كم و مرفوعة بقالها سنتين و فيها شوية مصاريف بسيطة.

العربيتين خالصنين على 60,000 ج و يعتبرسعر كويس لأن الأوبترا الجديدة سعرها على تانى (110000 ديه الأوتو فى التوكيل مش فى المعارض, غاليا المعارض اغلى).

للعلم موديلات 2009 و 2010 الأوتو الفابريقة عداد قليل و حالة جيدة جدا الى ممتازة كانت بتتلكم من 78000 الى 82000 ج و ده من شهرين, اعتقد الأسعار عليت عن كده.

يعني راي حضرتك دي بتتحرك في رينج كام

[TOOLA]

يعني راي حضرتك دي بتتحرك في رينج كام

اعتقد متوسط 65 الف جنيه الى 68 الف جنيه او 70000 جنيه اخرها على حسب حالة العربية, طبعا 70 الف من اسبوعين كنت هقولك غالية لكن فى حالة تذبذب السوق الحالى و غالبا استمرار سيناريو ارتفاع الأسعار اعتقد 70 الف جنيه لو الحالة جيدة جدا الى ممتازة و بدون وجود مصاريف من كاوتش او صيانة سيور و بلى تبقى صفقة مرضية خصوصا لو ناوى تعد بالعربية فترة.

ده رأيى الشخصى لأن محدش فاهم السوق رايح على فين

[ahmedhilmy]

اعتقد متوسط 65 الف جنيه الى 68 الف جنيه او 70000 جنيه اخرها على حسب حالة العربية, طبعا 70 الف من اسبوعين كنت هقولك غالية لكن فى حالة تذبذب السوق الحالى و غالبا استمرار سيناريو ارتفاع الأسعار اعتقد 70 الف جنيه لو الحالة جيدة جدا الى ممتازة و بدون وجود مصاريف من كاوتش او صيانة سيور و بلى تبقى صفقة مرضية خصوصا لو ناوى تعد بالعربية فترة.

ده رأيى الشخصى لأن محدش فاهم السوق رايح على فين

ياااه معقول الاسعار وصلت للدرجه دي 2005 انت كده قلقتني و كمان خد في اعتبارك انك اكيد هتغيرلها سيورها و زيتها لنه مهما البائع قال انه لسه عامي الكلام ده قريب الا انه في المستعمل الواحد مش بيبقي مطمن لازم يتاكد بنفسه و يظبط مواعيده من جديد للسيور و الفلاتر

[ysamerlabib]

باشا انا شاري 2007 اوتماتيك عداد 48000 كيلو فابريكة عدا الرفرف الشمال امامي والاكصدمات (معمولة في التوكيل بالفواتير) كنت شاريها اول شهر 12 اللي فات ب 64000.00 جم
والعربية زي الفل والحمد لله (كنت شاريها من واحد معرفة)
ربنا يباركلك وتلاقي حاجة كويسة