بالله عليكم أفيدونى فى مشكلة كبيرة فى شراء أوبترا 2008

[capooahmed]

انفد بجلدك من الحوار ده حتى لو هتاخدها ب30 الف جنيه
ده مش مجرد راشة شنب او مغيرة السدر ، دى مغيرة نص كامل، بلااااااش منها خالص وحاول تاخد فلوسك بأي طريقة تانية غير العربية
او على الاقل يبيع هو العربية لحد تانى وتاخد انت فلوسك

شكرا لحضرتك وانا خلاص رجعتها والراجل هيرجع الفلوس الاسبوع دا ان شاء الله

[capooahmed]

السلام عليكم اليووم حضل شئ غريب ولكن الحمد لله ،،،،،انا بعد ما رجعت العربية لصاحبها من يوم الثلاثاء اليوم كنت بسأله على العربية فين فقال لى انها مع واحد صاحبه هيروح بيها فرح وبعدينواحنا مروحين من الشغل اتصل بيه صاحبه اللى أخد العربية وبلغه أنه عمل حادثة على أول طريق بلبيس الزقازيق ونزلنا نشوف العربية وكان المنظر صعب اللى حصل ان العربية فردة الكاوتش الامامية اللى قدام السواق انفجرت والعربية خبطت فى عمود كهرباء من جمبها الشمال العمود عمل الجانب الشمال على شكل قوس للداخل ومكان اللحام اللى فى العتب من وقت ما أتغير النص (قبل كدا) الصاج انفصل عن بعضه والجانب الايمن كمان الخبطة أثرت عليه والكرسى اليمين من الداخل اتعوج والتابلوه أجزاء منه اتكسرت والزراير اتفكت بس الحمد لله مفيش حد مصاب اصابة كبيرة وساعتها تخيلت المشكلة اللى كنت هقع فيها لولا صلاة الاستخارة ثم نصائح حضراتكم وانا بشكركم مرة تانية وربنا يكفيكم شر الطريق

[hugan]

اشكر الله

[capooahmed]

اشكر الله

الحمد لله