استشارة فنيه لرفع أداء الكروز الموتور القديم

[Hameditsh]

يا جماعه أنا دلوأتي الكروز عامله معايا 62000 كيلو بس حاسس إن أدائها اختلف عما كنت شاريها ... مش عارف حاسس انها مكتومة شويتين تلاته ... مع العلم إني بغير زيت المحرك باستمرار ولسه مغير زيت الفتيس من حوالي 2000 كيلو بس افتكرت من شويه اني مغيرتش فلتر الهواء بقالي ييجي 20000 كيلو وعلشان كده جه في دماغي إني استبدل OEM Car Air Intake بواحد K&N بحيث انها ترفع Horsepower حوالي 5.65 يعني احنا بنلعب في 112hp

بس كنت حابب اسأل هل ده هيثأئر Lifetime للموتور وكمان موقع الشركة مش جايب غير 1.4 Turbo & 1.8L بس لما فتحت الكتالوج وقارنت صورة 1.8 بالـ 1.6 لقيت ان Intake Box صورة هطبق الاصل.

69-4522TS - K&N 69 Series Typhoon Kits, Performance Intake Kit

[hmada9009_99]

يا جماعه أنا دلوأتي الكروز عامله معايا 62000 كيلو بس حاسس إن أدائها اختلف عما كنت شاريها ... مش عارف حاسس انها مكتومة شويتين تلاته ... مع العلم إني بغير زيت المحرك باستمرار ولسه مغير زيت الفتيس من حوالي 2000 كيلو بس افتكرت من شويه اني مغيرتش فلتر الهواء بقالي ييجي 20000 كيلو وعلشان كده جه في دماغي إني استبدل oem car air intake بواحد k&n بحيث انها ترفع horsepower حوالي 5.65 يعني احنا بنلعب في 112hp

بس كنت حابب اسأل هل ده هيثأئر lifetime للموتور وكمان موقع الشركة مش جايب غير 1.4 turbo & 1.8l بس لما فتحت الكتالوج وقارنت صورة 1.8 بالـ 1.6 لقيت ان intake box صورة هطبق الاصل.

69-4522ts - k&n 69 series typhoon kits, performance intake kit

نصيحه بلاش الفلتر الأسبور خالص ياعني عندي معدل في حجات كتير ماعاد الفلتر لأن الأتربه في الفلتر الأسبور هتخش بسرعه واكتر وسرعان ماهيتسد وهيكتم العربيه كتمه سوده وكمان التراب اللي دخل هيبوظلك الماتور

[MohammedAladel]

هو الفلتر السبور بيتسد بسرعة آه لكن كفاءة فى تنقية الهواء من الأتربة وبيتنضف على طول بمواد خاصة بيه وفيه نوع بيتسغسل بميه وصابون

أول مرة أعرف من حضرتك عن إنه بيدخل أتربة ع الموتور

هو لما يدخل هواء زيادة يعنى حرق أكتر يعنى استهلاك أعلى

[mido]

هوا زيادة يعنى مسام اكبر يعنى تراب اكتر و حرق اعلى و فى النهاية مش مستاهلة خالص بالذات لو هتجيب اللى بيركب مكان العادى من غير اى تغييرات
ممكن برضه تشوف الريفيوز عليه على النت

والله اعلم :)

[Ahmed_Ezz]

فى ناس يتزود اداء الموتور بأنها بتشيل فيشه ال 91 اوكتان من الموتور بس فى الموديلات الجديده مش فرقه لان الفتيس الجديد فارق اصلا فى الاداء

[abou-yahia]

نصيحه

لو حتغير الفلتر خد بالك انصحك تركب ال oem اللي هوه ذي الاصلي

33-2964 - K&N Replacement Filters, Replacement Air Filter

وده حيفرق معاك في RPM العالي فقط حتحس بفرق

ويمكن في الزحمه تحس انه كتم العربيه بس مش اوي

انصحك تغير البوجيهات ب NGK بلاتنيوم عمرها وحرقها افضل

وسوق بلشيفتات من اجل تحسين استهلاك البنزين داخل البلد

وشكرا