كاوتش الاوبترا

[totaman]

السلام عليكم ياشباب

دلوقتى احنا عندنا اوبترا 2008 والكاوتش عامل دلوقتى 52 الف كم

دلوقتى خلاص النقشة بتاعته راحت + انه بقى مزعج جدا واحنا ماشيين بالعربية

وكل تفاصيل الشارع حاسس بيها

الكاوتش اللى جاى فيها من الزيرو هانكوك

دلوقتى سالت على بريدجستون لقيته ب 600 جنيه للفردة

والهانكوك جديد نفس اللى كان راكب فيها ب 420 جنيه

دلوقتى معظم الناس مرشحة نوع اسمه كومهو بيشكروا فيه عن تجربة كذا واحد

ايه رايكو ياريت تفيديونى لو تعرفوا اسعاره كمان واروح فين فى اسكندرية افضل سعر

[waleedrahmy]

ال كومهو ممتاز جدا لو التصنيع الكوري
والهانكوك رائع ايضا

[mshmshm3]

البريدجستون مفيش احسن منه

[ahmad--ezzat]

الكومهو حلو وحمار شغل وطالاما هتجيب كاوتش
هات جنوط 15

[totaman]

ال كومهو ممتاز جدا لو التصنيع الكوري
والهانكوك رائع ايضا

شكرا ليك الهانكوك اللى فيها مش مريح وصوته عالى

يبقى كدة ممكن الكومهو يا ريت لو تعرف السعر

[totaman]

البريدجستون مفيش احسن منه

طبعا البريدجستون رائع ومفيش اتنين يختلفو عليه :d

بس بالنسبة الميزانية الفرده عامله 600 جنيه

وحتى لو مش ميزانية حرام تجيب فرده زى دى وكل يوم والتانى تلاقى فيها مسمار

شكرا لردك ياباشا

[totaman]

الكومهو حلو وحمار شغل وطالاما هتجيب كاوتش
هات جنوط 15

والله حاليا الظروف متسمحش بالجنوط

طيب وبالنسبة للكومهو صوته هادى ولا مزعج لان انا بجد شفت

الويل مع الهانكوك :d

وايه فكرتك فى الجنوط ال 15

[waleedrahmy]

شكرا ليك الهانكوك اللى فيها مش مريح وصوته عالى

يبقى كدة ممكن الكومهو يا ريت لو تعرف السعر

بص يا باشا
انا عملت مغامرة مع كاوتش جديد تايوني بتصنعه شركة كومهو بس ماركته اسمه ماتريكس
سعره حنين ونقشة الشجرة وطري جداااااا وكاوتش سرعات وانتاجه حديث جدااااا ونازل السوق جديد
وكنت خايف من المغامرة دي
لكن قررت اخوضها بعد ترشيح شديد من صاحب محل كاوتش صديقي
وطلع كاوتش ممتاز جداااااااااااا وريح العربية وليس له صوت

[medo500]

بص يا باشا
انا عملت مغامرة مع كاوتش جديد تايوني بتصنعه شركة كومهو بس ماركته اسمه ماتريكس
سعره حنين ونقشة الشجرة وطري جداااااا وكاوتش سرعات وانتاجه حديث جدااااا ونازل السوق جديد
وكنت خايف من المغامرة دي
لكن قررت اخوضها بعد ترشيح شديد من صاحب محل كاوتش صديقي
وطلع كاوتش ممتاز جداااااااااااا وريح العربية وليس له صوت

ياباشا نقشة الشجرة دي نقشة سيئة جداً وعن تجربة شخصية بعد ما تعدي الفردة ال10 الاف كيلو تبتدي تلم حصي ومسامير بالعبيط زي ماتكون مغناطيس

[medo500]

والله حاليا الظروف متسمحش بالجنوط

طيب وبالنسبة للكومهو صوته هادى ولا مزعج لان انا بجد شفت

الويل مع الهانكوك :d

وايه فكرتك فى الجنوط ال 15

انا جربت الهانكوك والكومهو الجوديير والتلاته بصراحة ماستريحتش معاهم يمكن الجوديير افضل شوية من الكومهو والهانكوك والسبب في كده بيخلي العربية تزحف مع الفرامل لأن الكاويتش مش طري اوي زي البريدجستون بيكون اطرى منهم هو والميشلان بصراحة كفائة عالية علي السرعات وفرامل ميه ميه خصوصا ان فرامل الاوبترا ضعيفة شويتين نصيحة لو بتسافر كتير وتمشي سرعات عالية وخصوصا علي طرق رديئة يبقي هات البريدجستون هاتحس بالفرق بجد

[hpxp]

السلام عليكم
بص ياريس بالذات في الكاوتش مشترترخص
امنا الكاوتش الفبريكه الي عندي كان كمهو حلو وكل حاجه
لكن بقي اتزنقت في فرامل مفاجئ كل سنه واانت طيب بيزحف بغباوة
فنصيحه هات بريدجيستون تورنزا gr90 وحطهم قدام علشان الفرامل وورا هات الي انت عايزة
بس بامانه البريدجيستون محترم جداااااا جداااااااا جداااااااااااااااااااااااااااااا انا لحد الان ماشي بيه 47 الف كيلو ومفيهوش الا خابور واحد وكان مسمار صلب ظويل جدا ومع العلم انا بمشي في طرق الله اعلم بيها عامله ازاي
واي استفسار انا تحت الخدمه

[totaman]

شكرا ياشباب لكل الردود

الحمد لله تم شراء ماركة اسمها Gt اندونيسى نقشتها حلوة

ومبدايا كدة حلوة فى المطبات وملهاش صوت الحمد لله

الفردة عملت 385 جنيه

+ 55 جنيه ترصيص وتركيب

دلوقتى بقى الكاوتش القديم نعمل فيه ايه ويجيب كام مع العلم ان حالته ممكن نقول من 65 الى 70 % ؟؟؟

[medo500]

شكرا ياشباب لكل الردود

الحمد لله تم شراء ماركة اسمها gt اندونيسى نقشتها حلوة

ومبدايا كدة حلوة فى المطبات وملهاش صوت الحمد لله

الفردة عملت 385 جنيه

+ 55 جنيه ترصيص وتركيب

دلوقتى بقى الكاوتش القديم نعمل فيه ايه ويجيب كام مع العلم ان حالته ممكن نقول من 65 الى 70 % ؟؟؟

الف مبروك ياباشا والgt كويس ربنا يستر علينا جميعا ان شاء الله والكاويتش القديم كان المفروض تشوف الي ركبلك الجديد هو الي يشتريه منك ولو حالته زي ما حضرتك بتقول ممكن الفرده تعملها 50 جنية

[totaman]

الف مبروك ياباشا والgt كويس ربنا يستر علينا جميعا ان شاء الله والكاويتش القديم كان المفروض تشوف الي ركبلك الجديد هو الي يشتريه منك ولو حالته زي ما حضرتك بتقول ممكن الفرده تعملها 50 جنية

شكرا لحضرتك جدا والله يبارك فيك

والنسبة للكاوتش القديم الراجل طبعا كاى صنايعى فطس الكاوتش

وكان عايز ياخده كده على اساس انه مش حلو ومش هيجيله بيعه

والدى قرر انه يديهم لحد محتاجهم كدة وده اللى حصل فعلا اداهم لواحد معرفة من غير فلوس :d

[medo500]

شكرا لحضرتك جدا والله يبارك فيك

والنسبة للكاوتش القديم الراجل طبعا كاى صنايعى فطس الكاوتش

وكان عايز ياخده كده على اساس انه مش حلو ومش هيجيله بيعه

والدى قرر انه يديهم لحد محتاجهم كدة وده اللى حصل فعلا اداهم لواحد معرفة من غير فلوس :d

ياباشا كده احسن وربنا يعوض عليك ان شاء الله