افيو 2006

[gadoo30]

شباب
قدامى افيو 2006 مانيوال كورى فابريكة برا وجوة 52000 كم مطلوب 55 الف جم
اية رايكم دام فضلكم

[AlGazar2]

سعر كويس و ممكن ينزل شويه خصوصا انها كورى مش مصرى

[gadoo30]

سعر كويس و ممكن ينزل شويه خصوصا انها كورى مش مصرى

واية رايك في العربية اصلى سمعت ناس بتشتكى منها
هى عايزة مساعدين امامى علشان فية تزييق ودة اللى قالة منصور في اخر صيانة

[AlGazar2]

العربيه مع دكتور بيدينى فى الجامعه و كان بيجى بيها كل يوم الجامعه لمده سنتين و بعد كده بيروح شغله و يروح بيته كل يوم بنفس العربيه فمفتكرش فيها مشاكل كتير زى الافيو المصرى و مشاكلها مش هتختلف عن المصرى كتير

بالنسبه للمساعدين التزييقه ممكن تبقى من حاجات كتير غير انها بايظه و مساعدينها معتقدش ان المونرو ليها هيعدى ال 600:700 جنيه و دول احسن من الاصلى

بالنسبه للتوكيل فى صيانه ال 70 الف تقريبا او 90 مثلا قالوا العربيه عايزه طنابير جديده و طقم رشاشات بالمسطره و العربيه حاليا عامله 149 الف و مغيرتش ولا ده ولا ده التوكيل بيقول على الحاجة الى حالتها اقل من 70 % انها عايزه تتغير و ده لانه مش دافع حاجة من جيبه لكن لو العربيه فى الضمان و التغيير على حسابهم بتبقى الحاجة زى الفل و عاديه و مش لازم تتغير شغل توكيلات بقى

[DEDOPETER]

ارى ان السعر مبالغ فيه فهى باى حال توبها (كما يقول التجار) لا تزيد عن 50الف وحسب مواقع بيع السيارات .
والسياره بوجه عام جيده جدا ولكن يعيبها عدم توافر بعض قطع الغيار(خصوصا الخارجيه) وصعوبه اعاده البيع فالشكل الجديد مرغوب اكثر
تمنياتى بالتوفيق فيما فيه الخير والصالح لك .

[drmagieed]

السعر ينزل حبتين يعني من 45-50 ألف حسب حالة العربية!!!وبالتوفيق إن شاء الله!!!

[gadoo30]

صاحبها رابط على 55 الف ومش عايز ينزل في السعر

[drmagieed]

صاحبها رابط على 55 الف ومش عايز ينزل في السعر

55 ألف يجيبوا واحدة مانوال كوري من 2007-2008 حالتها ممتازة!!!

[gadoo30]

السعر ينزل حبتين يعني من 45-50 ألف حسب حالة العربية!!!وبالتوفيق إن شاء الله!!!

بصفتك من ملاك الافيو 2007 واعتقد انها كورى بردة
اية رايك على فكرة العربية اللى بتكلم عليها بتاعة زميلى من الزيرو صيانة توكيل كل 5000 كم 4 فرد كاوتش وبطارية من سنة عاملة 52000 كم وكلة فبريكة وهم ماسك على 55 الف مش عايز يريح السعر شوية

[drmagieed]

ياباشا 2006 يعني شكل قديم يعني رينج سعر من 45-50 ألف 50 ألف ده يعني فبريكة مافيهاش مشاكل لكن لو دخلت في 55 ألف يبقي ممكن تجيب واحدة مانوال كوري الشكل الجديد موديل 2007-2008 في حدود 55-56 ألف. وبالتوفيق إن شاء الله!!!