بالصـــــور والتفاصيل تقريـــــرى الحصـــــرى لشيفرولية كروز فيس ليفت 2013

[hossam_elwani]

ياعم قول مسقعش ووحش وقعد ساعة !

Sent from my gt-n7100 using forum runner

ههههههه فهمك ياكبير

التكييف فعلا طلع زى الزفت انا كنت بقنع نفسى بالعافيه انه كويس

[mido]

هو التكييف فى الاول كان كويس الاسبوع ده مش عارف ماله مش مسقع بس اللى قاعد ورا كان مبسوط

بالنسبة لمقارنته مع السيراتو فا زيه مش احسن او اوحش

[esam_ayad]

ألف مبروك علي العربيه وربنا يديك خيرها ويكفيك شرها.
وللأسف العربيه اللي موجوده هنا في الكويت مافيش منها ماتور1600 سي سي وبتنزل بس بماتور1800 سي سي.
وسعر أول فئة 4795 دينار كويتي ( إضرب في 24 جنيه يعني العربيه أول فئة بـ114 ألف جنيه من غير جمارك )

[hossam_elwani]

ألف مبروك علي العربيه وربنا يديك خيرها ويكفيك شرها.
وللأسف العربيه اللي موجوده هنا في الكويت مافيش منها ماتور1600 سي سي وبتنزل بس بماتور1800 سي سي.
وسعر أول فئة 4795 دينار كويتي ( إضرب في 24 جنيه يعني العربيه أول فئة بـ114 ألف جنيه من غير جمارك )

ياه هو الديتار بقى بــ 24 !!!!!!

انت عارف هيا اصلا سعرها الاصلى قبل الضرائب وبعد الجمارك طبقا للفاتوره 124000 والباقى مابين تمن الضمان 6600 و18000 ضريبة مبيعات

يبقى كده الوكيل فى الكويت حرامى ههههههه

[esam_ayad]

ياه هو الديتار بقى بــ 24 !!!!!!
يبقى كده الوكيل فى الكويت حرامى ههههههه

أيوه يا باشا الدينار الكويتي يساوي حالياً 24 جنيه وشوية قروش.

وعموما برضو علشان تعرفو ان مش انتو بس اللي عندكو عمو غبور اللي مش أمور.
احنا مش عندنا عمو واحد بس احنا عندنا " إعمامنا غوابير اللي مش أمامير ". هههههههههههههههههه

[M.Yahia]

الف مبروك يا باشا و ربنا يديك خيرها و يكفيك شرها .

[midooo_119]

أيوه يا باشا الدينار الكويتي يساوي حالياً 24 جنيه وشوية قروش.

وعموما برضو علشان تعرفو ان مش انتو بس اللي عندكو عمو غبور اللي مش أمور.
احنا مش عندنا عمو واحد بس احنا عندنا " إعمامنا غوابير اللي مش أمامير ". هههههههههههههههههه

دول كده خوابير مش غوابير .. ربنا يتوب علينا من التجار دول

[hossam_elwani]

ملحوظه كمان عرفتها بعد تجربه اكتر

استهلاك البنزين لا يتأثر بتشغيل التكييف من عدمه واعتقد ان ده راجع لعزم الموتور

والغريب فى الموضوع ان العربيه موفره جدااااا فى البنزين لو كنت ماشى على طريق مفتوح على سرعة 100 بالتحديد ورجلك خفيفه جدا على الدواسه يعنى مجرد لمسه قراءة الكمبيوتر بتدينى 5.5 لتر لكل 100 كيلو يعنى اديها طريق مقتوح وممكن العربيه تعمل معاك 350 لتر فى الصفيحه !!!!!!!!!!!

ولكن تبقى الحقيقه المره الا وهى انا الطرق فى مصر زى الزفت وانسى حاجه اسمها طريق مفتوح تستمع بيه فى القياده وتوفر بيه بنزين

[dr_darsh]

ماشاء الله عليك بجد تقرير محترم جدا جدا ومفصل جدا وحيادى
والف مبروووووووووووووك على العربيه وربنا يحميهالك ويديك خيرها ويكفيك شرها
بس احب اوضح لحضرتك حاجه بالنسبه للأكر النيكل الخارجيه والتويترات اللى فى القوايم دى مش كانت بتنزل فى الهاى لاين أو ال ls دى كانت بتنزل فى التوب لاين او ال lt فقط زى عربيتى ( السابقه ) ودى الفئه اللى منصور لغاها فمش تزعل ان العربيه مش فيها الحكايه
بالنسبه لبطء استجابه دواسه البنزين ده عادى فى اى عربيه فيها دواسه كهربائيه وبالنسبه للفتيس ال 6 سرعات داخل المدينه ده عادى جدا لأى عربيه 6 سرعات الاوكتافيا نفس النظام علشان كده انا مش استغربت الكروز أول ما سقتها
بس بجد العربيه دى محترمه جدا صالونها جميل وخاماته جميله وشكلها انيق من بره ومن جوه والحمد لله الموديل الجديد بالموتور الجديد هينطق العربيه
ربنا يباركلك فيها ويبعد عنك عيون الحساد

[hossam_elwani]

شكرا لكل القائمين على منتدى شيفروليه على التثبيت

[Eng_Moh.Dewair]

5- توررشن مش z-link بس مش تورشن عادى زى السيراتو او الالنترا والفرق واضح فى الصور

ده التورشن الى فى الكروز عندنا



وده z-link زى الى فى الاسترا



تحياتى

على فكره ال z-link تورشين بيم مش ملتى لينك . و لو قارنت بين الصورتين هتلاقى تطابق بينهم . بوص كويس على البار اللى بالعرض و طالع منه ال zlink باينين اوى فى الصوره بتاعت عربيتك

[Eng.GEMI]

تقرير رائع و تقييم ممتاز....تسلم يا باشا على المجهود..

العربية بسم الله ما شاء الله عليها تحفة..خصوصا بالموتور الجديد..

مبروك عليك..ربنا يحفظهالك من العين و يباركلك فيها..

و مستنيين دايما تقاريرك و تقييماتك الرائعة..

[mgmhah]

بصراحة تقرير 100 100 تسلم إيديك , بس أنا كان عندى سؤال
بافكر أشتريها هاى لاين بس الناس بتقوللى التسارع مش كويس هو كدة المشكلة دى إتحلت ؟؟ ولا لسة الموتور ضعيف ؟؟؟

[hossam_elwani]

بصراحة تقرير 100 100 تسلم إيديك , بس أنا كان عندى سؤال
بافكر أشتريها هاى لاين بس الناس بتقوللى التسارع مش كويس هو كدة المشكلة دى إتحلت ؟؟ ولا لسة الموتور ضعيف ؟؟؟

التسارع معقول جدا وخصوصا بعد الموتور مايتفتح بعد 2000 كيلو

وهيا بالزبط زيها زى تسارع الاوكتافيا والفلورنس مفيش فرق كبير وشوف قد ايه الموديلين دول مغرقين البلد

يعنى انت لو بتاع جدا وحرق على طول الخط مش حتنفعك

[mbisar]

الف مبروك يا باشا