لمبة الأعطال فالأفيو

[shereef]

إستلمت عربيتى إمبارح أفيو من التوكيل على ما مشيت بيها لحد البيت لقيت لمبة الأعطال الصفرا منورة رجعتلهم قالوا إن ساعات بتكون معلقة ؟!و هما بيبصوا عليها دايما قبل ما يسلموا العربية هل ده صحيح ؟ حصلت مع حد قبل كده؟؟ المهم حاولوا يظبطوها فالسريع بس فضلت منورة فقالوا اروح الصيانة جمبهم هنزلوا software يظبط الموضوع ؟ المهم أما جيت أشغلها النهاردة الصبح لقيتها مطفية هل ده معناه إن فى مشكلة فعلا ؟

[mohaismail]

روح الصيانة عشان تطمن اكتر انت جايب افيو مصرى ولا كورى ؟

[shady_elkady]

انا محصلتش معايا بس عموما لو نورت تانى روح توكيل الصحراوى و هينزلولك سوفت

[hazem76kd]

لا تنزعج اللى بيحصل ان هما بيرفعوا عداد السرعة وبيوصلوه عند الإستلام وتظل اللمبه منوره بعد توصيله لفترة قليله مفيش مشاكل انا لسه شارى افيو2009 وعملت معاى كده

[احمد عز]

انا حصل معايا الموضوع ده بس مش بالظبط وانا مسافر الاسكندريه وانا فى الطريق اللمبا نورت وبعد ما وصلت وريحت العربيه وشغلتها تانى كانت اللمبا طفت حصل معايا الموضوع ده مرتين فاتصلت بالسيلز الى سلمنى العربيه قالى انها مش مشكله هو كل الى حصل ان فى جزء فى العربيه مش بيبعت الزبزبه المطلوبه للكارت نتيجه تعطله او حدوث سخونيه فى هذا الجزء او مش بيعمل بالشكل المطلوب فالمبا بتنور بس فلمى تريح العربيه واللمبا طفت يبفى مفيهاش حاجه

[hazem76kd]

ممكن اعرف اول صيانة للأفيو بعد كام كيلو وأغير أول زيت على كام 1000 ولا 5000

[احمد عز]

اول صيانه الافيو بعد 5000 كيلو او 4 شهور ايهما اقرب

[hazem76kd]

شكراً يا افضل عضو
بس انا لسه شارى افيو 2009 وعملت 1000 كيلو ياترى اغير الزيت ولا استنى على اول صيانة دوريه 5000 واعمل الصيانه فين من فضلكم دلونى انا محتار

[hazem76kd]

انا حالياً 1100 كيلو واللزوجه بتاعت الزيت تكاد تكون معدومة اغيره ولا استنى صيانة ال5000

[احمد عز]

انا متشكر جدا على المدح ده بس يارب اكون استهله ويسعدنى ان يكون ليا صديق جديد

انا معايا افيو 2009 وعملت بيها 3800 ولا حطيت فيها اشايه فمتقلهش
اما بالنسبه للصيانه انا لسه معرفش بس الكل بيقول ان توكيل منصور الى فى الطريق الصحراوى سورى فى اللفظ زى الزفت وفى ناس زميلانا هنا فى المنتدى بيقولو ان اتوماستر احسن بكتييييييييييييير فانا حشوف انهى احسن وابلغك ان شاء الله

[hazem76kd]

شكرا ويشرفنى ان اكون صديق لك،
بالنسبة للزوجة الزيت الخفيفه مفيش منها مشاكل وفى اللى قال لى لازم تغير على 1000 علشان الزيت لم برادة التليين ، طبعاً انت عارف اول ماتجيب عربية كل زمايلك يبقوا خبراء سيارات عليك.
فى مشكلة تانيه ان انا قرصت عليها فى التليين والزيت بخر فمش عارف دى مشكله ولا اه

[احمد عز]

شكرا ويشرفنى ان اكون صديق لك،
بالنسبة للزوجة الزيت الخفيفه مفيش منها مشاكل وفى اللى قال لى لازم تغير على 1000 علشان الزيت لم برادة التليين ، طبعاً انت عارف اول ماتجيب عربية كل زمايلك يبقوا خبراء سيارات عليك.
فى مشكلة تانيه ان انا قرصت عليها فى التليين والزيت بخر فمش عارف دى مشكله ولا اه

بص الراجل الى كان بيسلمنى العربيه فى منصور قالى حاجه حلو قال متفتحش الكابوت غير فى صيانه ال5000 العربيه مش محتاجه ولا حتحتاج اى حاجه غير لو حبيت تزود المايه بتاعت بخاخه الزجاج او تتفرج عليها من جوه

اما بالنسبه للمشكله التانيه العربيه بتجي لحضرتك متلينه جاهزه يعنى متسمعش كلام حد يقول لك ان العربيه لازم تتلين ولا الكلام الفاضى ده ومتسمعش كلام اى حد على اى حاجه ولو فى حاجه يتقول فى موضوع فى المنتدى هنا يا تتصل بخدمه العملاء منصور 16424

[doc_semsem]

ياجماعه انقذونى النهارده حصل معايا حاجه غريبه كنت فى توكيل منصور اللى فى رابعه العدويه وغيرت زيت وانا مروح لقيت لمبه الاعطال قايده والعربيه بطلع ريحه عادم وحشه قوىىىىىىى مش عارف ليه والعربيه كلت بنزين ولا اكنى رحت اسكندريه دلونى يا أهل الخبره

[احمد عز]

ياجماعه انقذونى النهارده حصل معايا حاجه غريبه كنت فى توكيل منصور اللى فى رابعه العدويه وغيرت زيت وانا مروح لقيت لمبه الاعطال قايده والعربيه بطلع ريحه عادم وحشه قوىىىىىىى مش عارف ليه والعربيه كلت بنزين ولا اكنى رحت اسكندريه دلونى يا أهل الخبره

طب مرجعتش ليه يا باشا للتوكيل يل باشا

[patshi]

اللمبه دي كانت منوره فعلا اول لما استلمت العربيه و سالت هيا منوره ليه قالي متشغلشي بالك عتتطفي بعد 30 كيلو و ده اللي حصل فعلا :>