ممكن تشاركونى الفرحة

[sarwatata]

السلام عليكم ورحمة الله وبركاتة
اخوانى اعضاء المنتدى انا عضو جديد عندكم من اول يوم حجزت فية سيارتى
الاوبترا 2008 منذ اسبوع وانا دخلت النت ابحث عن منتدى يعطينى معلومات عن الاوبترا وانا مقتنع جدا بها لان ابن خالتى عندو وحدة بقالها سنة وكل شوية يمدحلى فيها وانا ركبتها كذا مرة ومش حتصدقو لو قلتلكم انى قريت جميع المواضيع وجميع الردود فى منتداكم واستفدت منها كلها وعرفت حاجات مكنتش اعرفها قبل كدة وانا اليوم فى المساء سوف استلم السيارة ياريت الى عندوة معلومة علشان اخالى بالى منها يقالهالى وتحياتى ليكم نسيت اقول ان لونها سماوى كنت عايز فضى بس ملقتش الفضى قلت سماوى سماوى وبجد منتداكم رائع وشكرا لكم

[mina_ramsis]

يا باشا الف مبروك على العربية متنساش ولاعة السجاير علشان ساعات بيفكوها علشان ما تتسرقش و بينسوا يرجعوها تانى
اه صحيح نسيت تقول هيا مانيوال و لا اوتوماتيك

[tayson54]

الف مبروك وربنا يبارك لك فيها ويكفيك شرها ...تمم علي طقم العده وراجع الأنوار واتأكد انها شغاله العالي والواطي وشغل التكييف واطمن انه تمام وجرب زراير الشبابيك الكهربا اللي في كل الأبواب واتأكد انها شغاله كويس وشغل الأنذار وافتح واقفل العربيه من المفتاح بتاعها وجرب تفتح الشنطه من المفتاح برده وكمان جرب تفتحها من الزرار اللي في باب السواق ...الخلاصه جرب كل الزراير اللي في العربيه واتأكد انها تمام.
وبعدين لف حوالين العربيه ودقق فيها كويس علشان ميكنش فيه خرابيش او اي حاجه من دي وبعدين فيه حاجه مهمه جدا ...العربيه بيجي معاها ازازه سائل علشان تتغسل بيها بتطلع طبقه الشمع الحمايه اللي بتكون علي العربيه ...مهم جدا جدا انك تتأكده انهم غسلوا العربيه كويس جدا بيها وان طبقه الشمع كلها طلعت والعربيه بقت بتبرق كده لان دي مشكله حصلت معايا عند استلامي العربيه واتعذبت علي ما قدرت اطلع باقي طبقه الشمع اللي مطلعتش من اول مره والعلبه كانت خلصت فحاول متقعش في المشكله دي .
وربنا يوفقك والمسلمين وابقي طمنا

[sarwatata]

شكرا لك استاذ hoko_mosha والعربية منول
والف شكر ليك استاذ tayson54 وشكرا على نصائحك الغالية وحنفذها بالحرف

[Ahmed Samy]

الف الف مبروك يا سارواتاتا

عربية الخير و السعادة ان شاء الله

[M_HaFeZ]

الف مبروك وربنا يبارك لك فيها

[ahmed_su]

:Chevy_anim:

الف مبروك ربنا يبارك لك فيها

[Islam_galal]

ربنا يباركلك فيها و يحميك من شرها

[MoToRiZeR]

الف مبروك يا استاذ و إن شاء الله تنبسط من العربية

[Hosam_Optrawy]

الف مبروك وربنا يباركلك فيها
العربيه ممتازه الصراحه وان شاء الله تتبسط منها
وبلاش بس تجرى بيها فى اول 1000 كيلو يعنى ماتعديش 100
وعلى فكره مش هتلاقى ولا الكتالوج ولا الضمان
هتروح تاخدهم من المنصور اللى فى جامعة الدول بعد ماترخص ان شاء الله

[hazem_khidr]

يا سلام :party:
طبعا نشاركك فرحتك
و نقولك الف مبروك
و ربنا يحفظهالك يا رب:)

[sarwatata]

شكرا لزيارتكم ومشاركتكم ليا
بس انا من البحر الاحمر اسكن فى مدينة سفاجا
واستلمت العربية من مدينة الغردقة التى تبعد عننا 60 كيلو متر
ولما سائلت صاحب المعرض العربية لما جات امبارح جات مرفوعة ولا مشى قال لية
العربية جات مشى قلتلة العدادعامل بس 56 كيلو قالى هما بيفصلو العدا فا احترمت الرجل على صدقة ولم يكذب عليا لانة لو قال جات مرفوعة كنت صصدقة المهم قلتلة امشى على كام قالى العربيات دى بتيجى متلينة اصلا فمتخافش وومشيت بيها ووصلت السرعة الى 140 والتكيف كان على العالى فكنت خايف لدة ياثر عليها مستقبلا افيدونى

[Hassan Khalil]

بداية الف مبروك يا اخ ثروت ( ان كنت قرأت الاسم صح )
ثانيا .. سيبك من الراجل اللي بيقولك هي متلينة .. في عربيات كتير بتبقي مفترض انها متلينة .. و تقرأ الكتالوج تلاقي كاتب تعليمات التليين ..
يا ريت تلين الالف الاولي بدون تكييف .. معلش الجو حر شوية بس استحمل .. الار بي ام لا يزيد عن 3000 .. و غالبا لو العربية اوتو حتلاقيها بتنقل لوحدها عند 2500 .. بلاش الطلعات القوية و الفرامل القوية .. خليك في المعقول ..
و ربنا يحفظهالك ان شاء الله
ملحوظة .. منصور مش بيعمل صيانة ال1000 .. اول صيانة ليك عند ال5000 ان شاء الله
تحياتي

[demos]

اااالف مبرووووك وربنا يباركلك فيها ويكفيك شرها

وان شاء الله ترتاح وتنبسط منها ودى اهم حاجه وسيبك من كلام الناس

المهم انت مقتنع بيها ومرتاح منها

[elayat]

ألف مبروك يامان:party::party:
ويارب تستخدمها فى الخير دايماً وتجبلك الخير دايماً

ومتنساش قواعد التليين أكيد قرتها طبعاً ولو مقريتها إعمل سيرش فى المنتدى وتلاقيها عشان فى كذا موضوع بخصوص التليين ولو تعبت أنا تحت أمرك فى أى إستفسار والله المستعان