مشكلة تخميس!!

[ahmed moksha]

السلام عليكم يا جماعة انا عندى كروز (اوتوماتيك) وفي مشكلة كنت ف مرة وانا بخمس بيها العربية وقفت بيا مرة وحدة احركها عال r او d مش بتتحرك وبتعمل صوت غريبة ولما بشغلها بتشتغل وكل حاجة بس مش بتمشى بتعمل صوت بس روحت سالت قالو زيت فتيس ولو خمست بيها تانى هيتغير الفتيس كله وانا عايز اى حل بعيد عن انى مخمسش بيها حتى لو الطوب بيخبط ف الفتيس من تحت اكيد ليها حل تانى
عشان احمى الفتيس وانا بخمس بس وبعد كدة قالولى دى المشكلة ف الكوبلن وبردو مينفعش تخمس بيها تانى عشان ميتكسرش ومش عارف اعمل ايه ياريت يكون فى حل بس بعيد عن انى ابطل؟

[moaaz]

لاااااااازم تبطل ..تخميس بيدمر العربية من كل اتجاه حراااااام ! ربنا يستر طريقك

[bassol2000]

هات عربيه خلفي على مكنه نضيفه و كارونا لوك و عيش .. انما عال fwd انسي ! دى تخلص المشوار بيها و تبوسها و تركنها

[lamada]

النعمة تزول من وجه من لا يقدرها.ربنا يحفظك و يهديك.

[speed_magnum]

خلاص ما تبطلش
خمس واللي يبوظ صلحه
...

واللي مش قد التخميس ما يخمسش

[monamize4]

و هى الكروز بتخمس اصلا ,,,,,, يا راجل صلى ع النبى

[BassamHafez]

حصلت مرة قدامي في باركينج قاعه المؤتمرات وكنا في اخر اوتوماك اتعمل والناس خارجه سخنه كالعاده وكروز عمله خمستين وفي التالته العربيه بركت وحلفت ما هي قايمه تاني

[bassol2000]

حصلت مرة قدامي في باركينج قاعه المؤتمرات وكنا في اخر اوتوماك اتعمل والناس خارجه سخنه كالعاده وكروز عمله خمستين وفي التالته العربيه بركت وحلفت ما هي قايمه تاني

ههههههههههههههههههه على كده الصني دى حمارة بقي بس بتاعتى مانيوال .. Hand Brake Turn , Full Throttle On The 1St or 2nd Gear with Clutch Pedal halfway down xD
و ماشاء الله اللهم لما حسد 54 الف كيلو متر ( غيرت كرسي النص , بوجيهات , فلاتر زيت و غيار زيت ) فقط

[ahmed moksha]

حصلت مرة قدامي في باركينج قاعه المؤتمرات وكنا في اخر اوتوماك اتعمل والناس خارجه سخنه كالعاده وكروز عمله خمستين وفي التالته العربيه بركت وحلفت ما هي قايمه تاني

ايوة هو ده اللى حصل بالظبط :d
بس مش مشكلة مش هغيرها يعنى عشان الحوار ده

[ahmed moksha]

و هى الكروز بتخمس اصلا ,,,,,, يا راجل صلى ع النبى

لا يا راجل دى عربية فخفخينا خالص وبما انك من اسيوط اكيد تعرف عربية مودى السودة المشدودة جلد كلها وشغال بيها زى الفل وبيعمل فيها اكتر مانا بعمل هى المشكلة فى 2010 يمكن

[lad]

خلاص ما تبطلش
خمس واللي يبوظ صلحه
...

واللي مش قد التخميس ما يخمسش

+1111111111111111111111111

[monamize4]

لا يا راجل دى عربية فخفخينا خالص وبما انك من اسيوط اكيد تعرف عربية مودى السودة المشدودة جلد كلها وشغال بيها زى الفل وبيعمل فيها اكتر مانا بعمل هى المشكلة فى 2010 يمكن

اخيرا لقيت ناس من اسيوط :) نادرا لما الاقى حد ,, انا حاسس انى ف صحرا هنا لوحدى

بتخمس ف الجامعة ولا عند جامعة الازهر و لا فين ؟
عامة بلاش افضل عشان التخميس بيهلك العربية بجد و كذا واحد معرفة اتقرصوا ف الحوار دا زائد ان متعة التخميس بجد بتبان ف المانيوال مش الاوتو

فرصة سعيدة يا باشا

[ahmed moksha]

اخيرا لقيت ناس من اسيوط :) نادرا لما الاقى حد ,, انا حاسس انى ف صحرا هنا لوحدى

بتخمس ف الجامعة ولا عند جامعة الازهر و لا فين ؟
عامة بلاش افضل عشان التخميس بيهلك العربية بجد و كذا واحد معرفة اتقرصوا ف الحوار دا زائد ان متعة التخميس بجد بتبان ف المانيوال مش الاوتو

فرصة سعيدة يا باشا

اهلا بيك ^^
ايوة ف الجامعة وميدان اسماء الله الحسنى ومصنع سيد
بس انا ممكن ادى الغيار الاول ولا هتفرق؟
والصراحة هى بالنسبالى متعة وهواية والافضل لما تكون مع ناس صحابك :))

[monamize4]

بس انا ممكن ادى الغيار الاول ولا هتفرق؟

انت قلت ان عربيتك اوتوماتك مش مانيوال

لو تقصد انك شغال بالستب ترونك فا ابدأ ع التانى احسن و انزل للاول لما تحتاج عزم عالى يعنى بعد ما تعمل خمساية و جاى تطلع هات الاول او لو هتعمل كذا خمساية ورا بعض انزل برضه للاول

بس خلى بالك انت كدا بتهلك الموتور و الفتيس و العفشة و الفرامل

اه صحيح انت عربيتك لونها ايه ؟ لازق عليها حاجة مميزة ؟

[ahmed moksha]

اه صحيح انت عربيتك لونها ايه ؟ لازق عليها حاجة مميزة ؟

لا بس قريب ان شاء الله ولونها احمر وغالبا بكون ف النميس