صيانة الاف كيلو في الافيو ؟؟

[abdola60]

السلام عليكم ورحمة الله
الحمد لله استلمت العربيه الجديده الافيو 2009 الكوري
عربيه حلوه اوي بس للاسف اخوكم حمار سواقه
طبعا كل ماجي اركن اجرحها من الجنب الموضوع ده بيتعبني جدا نفسيا يعني الواحد جايب عربيه علشان يرتاح ولا تنكد عليه :-)
المهم سؤالي عن صيانة الاف كيلو موجوده ولا لا ؟؟ لاني كلمت مقار اللي في شارع التحرير وقالولي اول صيانه بعد 5000 كيلو ومفيش صيانه فب الالف كيلو !!! ؟؟
كل اصحابي بيقولو في صيانه في الالف ؟ الكلام ده صح ولا ايه ؟
و بعدين مفيش حد عنده حل في موضوع التجريح ده يعني اسبراي او اي ماده تضيعه ؟ ولو انا رحت التوكيل هايفدوني ولا هيعملو مصلحه عليا و خلاص ؟
العربيه حلوه اوي و مستخصرها في البهدله !!
اسف علي الاطاله وارجو المساعده العاجله

[samehafez]

اول صيانة بعد 5000 فعلا
موضوع التجريح في جسم العربية ........ده بقى ....معرفش ..هو ليه حل ... بس كبر دماغك اخر كل سنة ابقي لم الكلام ده كله مرة واحدة

[Hosam_Optrawy]

فعلا اول صيانه 5000
وبالنسبه لموضوع التجريح ده اشترى علبة بوليش من اى حد بتاع حدايد وبويات وكيس قطن
وحط بصباعك شوية بوليش على الاماكن المتجرحه بس تكون العربيه ناشفه مش مبلوله
وبعدين امسحها بالقطنه بطريقه دائريه لحد ما البوليش يتمسح خالص وهتشوف النتيجه
ان شاء الله هاتدارى التجريح خالص بنسبة 90 % ده لو طبعا تجريح بسيط
وعلى فكره موضوع البوليش ده عن تجربه

[gassermohyaldin]

دة مش عيب فيك انت الافيو مستحيل تشوف مقدمة ام مؤخرةالعربية عشان كدة ابقى خلى بالك وانت بتركن او ركب سينسور هايسعدك

[mohaismail]

متقلقش هتتعمل فى الصيانات الدورية وهترجع زى الاول انا برضه معايا نيسان صنى واول لما اتخدشت زعلت بس بعد الصيانة رجعت جديدة ودالوقتى اى صيانة بعمل اى خدش للعربية ده العادى والافضل برضه انك تركب سنسور هيساعدك اوى