مهم جدا للاوبترا ارجو الدخول

[almosecar]

السلام عليكم
الموضوع مهم جدا للى عنده خلفيه عليه باختصار عندى عربيه اوبترا موديل 2009 العربيه فجاه سخنت جدا وامبير الحراره بقى فل على الاخر وكويس انى شفته فلقيت العربيه فضت كل الميه اللى بيها بسبب الغليان لان المروحه اتوقفت عن العمل المهم عالجت الامر وبقت تمام وبعد فتره كبيره اتكرر نفس الموقف بسبب تسريب من الراديتر وبرده الامبير وصل للاخر وانتبهت عليه على اخر لحظه وحاليا العربيه بعملها عمره بسبب السخونيه ابتدت تاكل زيت وطلع صوت رزعه بلمحرك يعنى فورت الماتور اليوم ففكرت بشىء ممكن يكون مهم جدا وهو هل من الممكن تركيب حساس اخر للحراره بحيث لما تطلع عن النص تدى جرس او لمبه تبين ارتفاع الحراره عن المعتاد لان بصراحه مش معقول الواحد يدنه يبص على العدادا طول ما هو ماشى وبلفعل ده اللى بيحصل بس ممكن فلا لحظه يحصل اللى حصل والعربيه تجيب وش سلندر يا ريت يا جماعه تهتموا بلموضوع لانه مهم جدا ويخدم معظم الاعضاء لانى سالت كتير كهربائيا وطلعوا ميعرفوش حاجه اسمها تعديل على امبير الحراره واسف على الاطاله وارجو من اصحاب الخبره الاهتمام بلموضوع لانى بعملر الماتور الان وعاوز بعد ما تخلص العمره اتجه للموضوع ده علشان ميحصلش اللى حصل وهبقا اقولكم ما تم فى العمره بعد ما تخلص ولكم جزيل الشكر

[abou-yahia]

العربيه مش بتسخن لوحدها

اكيد فيه اسباب

الطبيعي ان مؤشر الحراره هوه الوحيد اللي يعتمد عليه

لو العربيه مضبوطه متقلقش انك كل شويه تبص علي الحراره

عموما الفكره ممكن تتطبق

عايزه كهربائي شاطر

وبلتوفيق

[almosecar]

شكرا على الرد هو بلنسبه للسخونه هو اكيد لما العربيه تكون مظبوطه متحتاج نبص عليها ولكن فى حالات طارئه ممكن نحصل فى اى وقت فلبتالى لازم ضوء تحذيرى او انذار لكى يزيد الانتباه يا ريت اللى يعرف الطريقه او يعرف حد عملها يقوللنا علشان نستفيد ومنتظر رد باقى الاعضاء لانى قلت لاكثر من كهربائى فلقيت معندهمش فكره من اساسو

[midolada]

انا معايتا اوبترا 2008 اتوماتيك عملت معايا الحركة دى بس علشان التيرموستات اللى فى الكوع ضرب ودة بيحصل فى كل السيارات الاوبترا و النوبيرا-----اكشف الاول على التيرموستات----هو يعمل حوالة 250 جنية

[abou-yahia]

انا معايتا اوبترا 2008 اتوماتيك عملت معايا الحركة دى بس علشان التيرموستات اللى فى الكوع ضرب ودة بيحصل فى كل السيارات الاوبترا و النوبيرا-----اكشف الاول على التيرموستات----هو يعمل حوالة 250 جنية

بيتغير بواحد المونيوم عمره بيكون اطول من العادي

وياريت بلمره نشيك علي خرطوم الداخل والخارج بتاع الردياتير

لو منفخ يتغير

[almosecar]

يا جماعه المشكله مش فى الترموستات انا بتكلم فى المشكله بصوره عامه يعنى الفكره دى ممكن تتنفذ وﻻﻻ هى ممكن تكون صعبه شويه بس صدقونى هتحل ازمه كبيره مش هتخليك تتقيد وتبص تانى على امبير الحراره يا ريت حد يساعدنا

[abou-yahia]

يا جماعه المشكله مش فى الترموستات انا بتكلم فى المشكله بصوره عامه يعنى الفكره دى ممكن تتنفذ وﻻﻻ هى ممكن تكون صعبه شويه بس صدقونى هتحل ازمه كبيره مش هتخليك تتقيد وتبص تانى على امبير الحراره يا ريت حد يساعدنا

حضرتك انا بعمم الفايده

يعني بحاول نتعلم من الدروس المستفاده لمشكله حضرتك

اقتراح حضرتك ده مش مشكله في الاوبترا

ده اقتراح ممكن يغيد ناس مش متعوده تتابع الحراره

امال لو كان المؤشر لمبه فقط بتنور في حاله مشكله

ذي اغلب العربيات الكوري

[almosecar]

انابشكر حضرتك على الاهتمام وان شاء الله ربنا يبعتلنا واحد يكون يعرف يعمل التعديل ده علشان مش عاوز اللى حصل معايا يحصل مع حد تانى وربنا يستر طريقنا اجمعين

[angel83]

جزاك الله كل خير وجعله في ميزان حسناتك وربنا يسترها معانا اجمعين ويصلح حال امة المسلمين

[ahmedhilmy]

متابع و ان كنت شايف ان الفكره مش صعب تنفيذها بس في ذات الوقت احنا نحمد ربنا كون عندنا مؤشر حراره من اساسه بيخليك مطمن علي العربيه و انت ماشي بيها خلاف بعض موديلت الهيونداي علي سبيل المثال اللي مش فيها الا لمبه بيان للحرار مش بتنور الا لما العربيه تسخن دي اصحبها يتصرفوا معاها ازاي .
مشكله الحراره في الاوبترا مش بتحصل الا لو كان في مشكله اساسا في دوره التبريد اللي لازم يتعملها متابعه بصفه دوريه خاصه في الاوبترا اللي تعتبر السخونه احد مشاكلها