Tweet
السلام عليكم .
من فترة كده و انا حاسس باعراض تلف اسطوانة الدبرياج زى رجرجة فى الطلعة و علو صوت الموتور فى اخر الغيار الاول و التانى ... بعدها بدات الاحظ ان السحب بدا يقل خاصة فى المطالع ... قلت ما استناش اكتر من كده ...
روحت المنير اللى فى شارع فيصل سألته على طقم الدبرياج ..لقيت عنده نوع اسمه فاليو ب 350 جنيه و الاصلى الGM ب 650 جنيه ( فى التوكيل بيتباع ب 950 جنيه
)طبعا" جبت الاصلى و على فكرة هو مكتوب عليه برضه valeo لكن عليه علامة الدايو و ده نفس اللى شفته مكتوب على الطقم الفابريكة اللى كان فى العربية بعد ما الميكانيكى فكه ..
تم تغيير زيت الفتيس ب موبيل 90 ... جبت 2 كيلو ... الواحد ب 25 جنيه من موبيل اللى جنب معهد ناصر
مصنعية الميكانيكى 200 جنيه ... هى كتير شوية لكن انا باثق فيه و اهو برده ارحم من التوكيل بكتيييررررر ....... و الموضوع ما خدش اكتر من 3 ساعات و الحمد لله
بعد التركيب : اول ما ركبت العربية و بادوس على الدبرياج لاقيته خفيف جدا" .. ميه خالص .. لكن دواسة الدبرياج تقلت شوية بعد يومين من المشاوير .... السحب و الحمد لله اتحسن كتير و ماعدش فى صوت نعرة الموتور فى اخر الغيار الاول و التانى ..
و دى صور طقم الدبرياج لان فى كتير مضروب فى السوق
* الاسطوانة:
* الديسك :
* البلية:( نسيت اصورها من جوه)
* زيت الفتيس:
تقبلوا تحياتى
Comment