مشكلة فى فتيس الاوبترا الاوتوماتيك

[dodo2000]

دلوقتى يا جماعة الفتيس لما بيجى على الr بيهبد هبدة جامدة سواء من p او n و بكون دايس على الفرامل جامد و مع ذلك نفس الهبدة

وبسبب الخبطة دى الكبالن الداخلية بتبوش كل كام شهر و العربية تبتدى تترج جامد و اضطر اشترى كوبلن جديد سواء استعمال او جديد

مع العلم انى غيرت زيت الفتيس اول مرة عند 60 الف و تانى مرة عند 90 الف و العربية ماشية 92 الف

كشفت عليها قالولى ده عيب فى الفتيس فى مجموعة المارشدير و لازم يتفك علشان يتصلح

و واحد تانى نصحنى انى امشى بيها شوية كده لحد ما الفتيس يجيب اخره و الهبدة تبقى جامدة بصورة قوية و ابقى اشترى فتيس جديد استعمال و هيدخله فى حدود 4000

دلوقتى انا مش عارف اعمل ايه؟

ابيع العربية و اخلص من الحوار ده

امشى بييها لحد ما الفتيس يجيب اخره و ابقى اغيره و يا ترى تغيير الفتيس سهل و مش بياخد وقت و بيرجع العربية زى الاول ولا بلاتش الموضوع ده

فى حل تانى انا مش عارفه يبعدنى عن الكلام ده

[mem]

انا شايف ان تصليح الفتييس الاتوماتك لا جدوى منه
الافضل تمشى عليه لغايت لما يبوظ خالص وتجيب واحد استيراد افضل

[ahmedhilmy]

لأ سيبه لغايه ميبوظ و بعدين غيره بس هو الموضوع ده ظهر فجأه و لا كان ليه مقدمات و لا نتيجه استخدام قاسي منك ؟ يعني سببه ايه؟

[dodo2000]

الموضوع ده ظهر لوحده و بدأ بخبطة خفيفة مع المارشدير و بعد فترة الكبالن الداخلية بدأت ترج العربية جامد و عاوزة تتغير

انا بستخدم الفتيس طبيعى و مش بنقل غير مع الفرامل

[general_a1]

انا عندى نفس المشكله فى الاوبتر ان الفتيس الاوتوامتيك لما بجيب الا rالعربيه بتهبد هبده خفيفه كده سالت فيها اكتر من واحد قالى ان الكوبلن الدالخى عندى بيبوش كمان لما اجى امشى بالعربيه واهدى السرعه الهبده دى بتيجى كعايا على سرعه 30 او 40 كلو اجمع ان الكوبلن عندى مبوش ومعتقدش ان الفتيس فيه حاجه ولا عندى ولا عندك اسال تانى وغير كبالن داخليه وخير باذن الله الفتيس مفهوش حاجه الكوبلن الى بياخد من الفتيس هو الى فيه مشكله والله اعمل
بس سوال انا دايخ على كوبلن داخلى مش لاقيه ومش عارف اجيبو منين واجيبو جديد ولا اجيبو استيراد والتكلفه كام سواء جديد ولا استييراد يريت حد يوقلىوهيكون عند مين فى الحرفيين انا من المنيا ومعرفش حد فى الحرفيين

[dodo2000]

فى اسكندرية قلبت الدنيا على الكوبلن الداخلى و ملقتش خالص و قالو ان التوكيل نزل الكبالن الداخلية كام مرة و خلاص على كده مش بتنزل تانى و الحل ان الواحد يشترى كوبلن كامل على بعضه و لما سالت لقيت الاصلى عامل 950 للكوبلن الواحد و الاستعمال فى حدود 500 و فى صينى عامل 125 بس كله قال بلاش

[semsem_zozo]

بص يامعلم نصيحة لوجه الله بيع ام العربيه علشان الفتيس لو اتلعب فيه انسى انا لسه مغير الفتيس ودلوقتى باظ تانى

[ahmed khedr]

انا شايف ان انت السبب مش حيحصل مره وحده
ممكن تكون مش بتدوس فرامل كويس وانت بتغير الغيارات
وممكن مش بتضغط وانت بتغير برده
فا ده سوء استخدام

[gebreel]

طيب ما تكشف على قواعد الفتيس، ممكن تكون بسببها