الافيو اوتوماتيك

[tefa33]

يا جماعه ارجوكو انا عاوز رأيكو في العربيه الافيو اوتوماتيك و خاصة انهم بيقولوا انها اصبحت مصري....

يعني بمعنى اخر فعلا هتفرق كتيير عن المانوال اللي هي كوري؟

و لو هي الاوتوماتيك وحشه تنصحوني بأنه عربيه اوتوماتيك تكون في نفس حدود سعر الافيو اوتوماتيك؟؟

[sab3aawy]

اللى اعرفه ان ان المانيوال والاوتوماتيك مصرى هم الاتنين، لكن فى نفس الوقت كلمة مصرى مهياش كلمة ابيحة يعنى ولا حاجة، العربية طالعة من مصانع جنرال موتورز مصر اللى بتجمع شيفروليه الدبابة من سنة 1986 وعمر ما حد اشكتى من تقفيلها، وكانت بتجمع الأوبل فكترا لثلاثة موديلات متتالية والناس كانت بتحلف بيها، وبرضه جمعت الأسترا والكورسا سيدان وبرضه الناس كانت بتحلف بيهم

بالفعل فيه مصانع فى مصر تجميعها مش قد كدة لكن فى نفس الوقت فيه مصانع تانية تجميعها محترم

(على فكرة انا لا امتلك سيارة جنرال موتورز حاليا ولا اخطط لشراء واحدة، ولا بشتغل فى جنرال موتورز مصر ولا لى علاقة بيها، لكن هى مجرد كلمة حق علشان منحطش العاطل مع الباطل زى ما بيقولوا)

[tefa33]

الف شكر عالرد..بس المشكله اني قريت كذا موضوع في المنتدى بمعني ان الافيو المصريه بتفرق عن الكوري فرق السما و الارض...عشان كده بس انا مقلق

[sab3aawy]

عقدة الخواجة لا اكثر