المطلع الحاد هيأثر علي الموتور ؟؟؟

[Elkordy2000]

سؤال مش عارف اجابته يا شباب ... بأختصار انا بركن في جراج تحت الارض , المطلع بتاع الجراج وانا طالع بيكون عالي نسبيا هل ده هيأثر علي الموتور بعد فتره ولا لأ ؟؟؟ وهل اخد المطلع افضل بسرعه ولا اخده وحده وحده ؟ مش عارف الصح ايه ؟؟ ياريت اللي عنده اجابه يقولي

[mona_881]

متابعة لأن السؤال ده كان شاغلني برضه

[Ahmed Amin]

عادي جداً سواء اخدته بسرعة أو برحة, أنت مش بتتكلم علي موتور عربية لعبة.
والحمل بيكون وقت طلوعك لمطلع الجراج بس, في فترة لا تتجواز ال 10 ثواني, يعني مش الحمل اللي هوا واحد طالع جبل وماشي في مطلع لمدة نص ساعة..

والأفضل أنك تاخدة بسرعة متوسطة,
عشان لو أخدته بسرعة عالية ممكن الكاوتش يفرك ويلف منك علي الأرض كتير وانت طالع وتفقد التحكم ووش العربية يروح منك يمين أو شمال.. ولما تطلع عال شارع هتبقي طالع بوش العربية محدوف وممكن تقابل واحد معدي بسرعة أو بيدير مش هتعرف تقف في ساعتها.
وعشان لو أخدته بسرعة قليلة ممكن العربية تقف بيك ولما تيجي تزود السرعة مرة واحدة الكاوتش هيفرك برضه ووش العربية ممكن يروح منك يمين أو شمال.

السرعة الوسط معقولة, اللي هيا من بين 10 إلي 20 كيلو.
ومفيش قلق علي الموتور, بس خلي العربية تسخن شوية جوا الجراج مش أقل من دقيقتين قبل ما تتحرك بيها.

[kokowasfy]

متحطش فى بالك الحجات البسيطة دى عشان متجنش واللة انا كنت زيك اى حاجة فى العربية لازم اعرف سببها ودى لية ودى عن اية لكن واللة الموضوع مش مستاهل خااالص

[Elkordy2000]

عادي جداً سواء اخدته بسرعة أو برحة, أنت مش بتتكلم علي موتور عربية لعبة.
والحمل بيكون وقت طلوعك لمطلع الجراج بس, في فترة لا تتجواز ال 10 ثواني, يعني مش الحمل اللي هوا واحد طالع جبل وماشي في مطلع لمدة نص ساعة..

والأفضل أنك تاخدة بسرعة متوسطة,
عشان لو أخدته بسرعة عالية ممكن الكاوتش يفرك ويلف منك علي الأرض كتير وانت طالع وتفقد التحكم ووش العربية يروح منك يمين أو شمال.. ولما تطلع عال شارع هتبقي طالع بوش العربية محدوف وممكن تقابل واحد معدي بسرعة أو بيدير مش هتعرف تقف في ساعتها.
وعشان لو أخدته بسرعة قليلة ممكن العربية تقف بيك ولما تيجي تزود السرعة مرة واحدة الكاوتش هيفرك برضه ووش العربية ممكن يروح منك يمين أو شمال.

السرعة الوسط معقولة, اللي هيا من بين 10 إلي 20 كيلو.
ومفيش قلق علي الموتور, بس خلي العربية تسخن شوية جوا الجراج مش أقل من دقيقتين قبل ما تتحرك بيها.

اشكرك علي سرعة استجابتك في الرد .., وانا فعلا بحاول أسخن العربيه دقيقتين أو ثلاثه علشان يكون العزم افضل ويكون الزيت غطي كل اجزاء الموتور

[Elkordy2000]

متحطش فى بالك الحجات البسيطة دى عشان متجنش والله انا كنت زيك اى حاجة فى العربية لازم اعرف سببها ودى لية ودى عن اية لكن والله الموضوع مش مستاهل خااالص

هو الفكره والله انا واحد لعب في دماغي وقال لي انت كده هتهلك الموتور وهضره , وطبعا كلامه قلقني , العربيه مش رخيصه والواحد دفع فيها دم قلبه ... ربنا يحفظنا جميعا

[Ahmed Amin]

اشكرك علي سرعة استجابتك في الرد .., وانا فعلا بحاول أسخن العربيه دقيقتين أو ثلاثه علشان يكون العزم افضل ويكون الزيت غطي كل اجزاء الموتور

الشكر لله, تمام كدا الله ينور عليك,
ومتقلقش مفيش أي قلق من طلوع مطلع الجراج خصوصاً أنها بتبقي مسافة صغيرة جداً ومش بتعدي كان ثانية.

القلق يجي لما تكون ماشي علي طريق مطلع بزاوية عالية زي طريق جبلي,
زي طلعة المقطم كدا,, بتبقي رخمة جداً علي المواتير الصغيرة.

وتفضل ماشي بنفس سرعتك علي الطريق دا فترة طويلة وتفضل تزود بنزين عشان العربية تطلع وتحس إن العربية أتخنقت ومبقتش بتسحب منك وتبدأ تسخن, دا يبقي حمل علي الموتور,
وساعتها بيفضل أنك تركن 5 أو 10 دقايق تريح الموتور شوية, وتكمل طريقك اللي فيه مطلع دا تاني عشان متضرش الموتور.
بس طبعاً أغلب العربيات الجديدة مش بتتعب من المطالع بالدرجة دي.

[hossam_elwani]

اهم حاجه انك تكون واخد السرعه 1 او 2 اكتر من كده غلط