سؤال عن الافيو اوتوماتيك 2013

[ahesham]

أنا بفكر أجيب الافيو اوتوماتيك 2013 إن شاء الله. من المنتدى هنا قرأت إن فيها عيوب كتير, فكنت عايز أعرف إذا كانت موديل 2013 فيها نفس العيوب ده. وعايز أعرف هي أحسن ولا اللوجان.

[ahmedteam]

بلاش افيو من الاساس سواء مانيوال او اوتو

كتيير من الاعضاء عنده مشاكل عفشه و بتاكل بنزين و تكييف ضعيف

اعتقد فى افضل منها كتيير ممكن تقول رنج سعرك كام و الناس تقولك اقتراحات

تقبل مرورى

[ahesham]

أنا عايز حاجة فحدود 100 ألف.

[khalid_adel]

للاسف مضطر اقولك لوجان اللي بقت ب 96 الف بعد ماكنت ناوي اجيبها من كام شهر ب 87 وكنت مستكتر السعر :( بس ده حال عربيات مصر كلها

[eng_sherif_00]

الافيوم ممتازة معايا من 2009 من الزيرو كورى مانيوال والسيارة الحمد لله بدون عيوب او مشاكل

[ahesham]

الافيوم ممتازة معايا من 2009 من الزيرو كورى مانيوال والسيارة الحمد لله بدون عيوب او مشاكل

الاوتوماتيك مفيش منها كوري, علشان كده بسأل لو التقفيل المصري 2013 كويسة.

[khalid_adel]

للاسف تاني اقولك اخويا معاه 2012 اوتو مصري
بيقولي اغبي فتيس اوتوماتيك ركبه فحياته ومش بتجري خاااااالص
وبيقولي اوبشن الفرامل مش موجود فيها نهائي :(
والثبات في البيطخ
وعايز يهرب منها باي شكل ويبيعها :) وده بعد استخدام سنه واحده فقط من الزيرو

[Elkordy2000]

عربيه سيئة السمعه

[john55]

منتشره زي الارز الافيو في مصر رغم عيوبها انا راي هات كسر زيرو النترا او لانسر احسن من اسعار الجديد

[angel83]

لانسر مستعمل او تويوتا كورولا مستعمل ممتازه جداااااا واحسن من الحاجات دي كلها بس تكون استعمال نضيف

[hossam_elwani]

منتشره زي الارز الافيو في مصر رغم عيوبها انا راي هات كسر زيرو النترا او لانسر احسن من اسعار الجديد

فعلا الغريب ياجماعه ان الافيو منتشره بشكل بشع فى الشوارع وكل ما اكلم واحد من ملكها يقول فيها اشعار

اشمعنا الكلام السلبى ده فى المنتدى هنا بس

واذا كان ليه طيب الانشار الواسع ده ؟؟!!!!!!!!!!!!!!

[medo_h_e]

للاسف تاني اقولك اخويا معاه 2012 اوتو مصري
بيقولي اغبي فتيس اوتوماتيك ركبه فحياته ومش بتجري خاااااالص
وبيقولي اوبشن الفرامل مش موجود فيها نهائي :(
والثبات في البيطخ
وعايز يهرب منها باي شكل ويبيعها :) وده بعد استخدام سنه واحده فقط من الزيرو

الفتيس الوتوماتيك يابانى و لو انت جربته هتعرف انه كويس مش غبى زى ما بتقول
نقلاته ناعمه و مش بتحس بيها يعنى زى اى عربيه يابانى
بالنسبه لفراملها جيد و ليس ممتاز خصوصا انها مش فيها abs
الثبات انا معاك ان بعد 140 الثبات بيقل و طبعا مفيش طرق عندنا محترمه عشان تجرى عليها وانت مطمئن

عربيه سيئة السمعه

حضرتك جربتها ؟؟ ولا كلام وخلاص
انا معايا 2013 اوتوماتيك كاملة
الصراحه عربيه محترمه ناعمه وعالية وشنطتها كبيره
وواسعه مش ضيقه اوى من جوه
سحبها حلو مش بطه يعنى
عفشتها مش ناشفه اوى زى ما كله بيقول فى المنتدى يعنى معقوله
بتوفر فى البنزين واستهلاكها متوسط

[Mostafa.Mahran]

الموتور تجميعه ميت
ثباتها فى الضياع بكل ما فى الكلمة من معنى
وبصراحة خسارة فيها 100 الف

[khalid_adel]

متوسط استهلاك البنزين قد ايه بالتكيف وبدونه وسواقه متوسطه (مش زحمه ولا سريع)
؟؟؟؟
والفتيس اه نقلاته ناعمه بس ده عشان العربيه مش بتجري اساسا يعني زي ماتقول واحد سايق محترم
وايه صحيح موضوع سنسور الشكمان اللي بيبقي بايظ ومش بيبان في لمبه الاتشيك انجن ؟؟؟

[فتح الباب]

الاوتوماتيك مفيش منها كوري, علشان كده بسأل لو التقفيل المصري 2013 كويسة.

وطالما وصلت ان التقفيل المصرى احسن من الكورى يبقى على الدنيا السلام