مشكلة فى دورة التبريد افيو 2009

[aymaneid]

ياريت جد يساعدنى ... فى الاونة الاخيرة اكتشفت ان الماية بتنقص وده بعد ما غيرت الماية المصدية بماية خضراء من النوع الامريكى فى بنزينة كالتكس وكان كلوه تمام

لكن بعد كدة لقيت الماية نقصة حوالى لترو نص .... رغم ان الحرارة الحمد لله مازدتشى خالص

فهل حد حصلوا ده ؟؟؟؟ ومن ايه ؟؟؟

خصوصا انى مش لاقى تسريب من عند الخراطيم ولا تحت العربية من عند الرادياتير ....

[Lifz_Good]

ممكن يكون اللي حطك المية الجديدة مسحبش الهوا من الدورة
وبالتالي بعد خروج الهوا برا ظهر النقص وكل اللي انت محتاجه فقط انك تزود حاليا بنفس النوع وكدا تمام

[lidosasa]

دا الطبيعى بعد إستخدام المياه الخضرا والريداتير فيه صدأ لآن المياه الخضراء فيها موانع صدأ وبتزيل الصدأ اللى موجود فى الريداتير واللى عادة بيكون سايب مكانه ثقوب وشقوق كثيرة مكان الصدأ .
المياه الخضرا بعد المياه العادية تكشف كل عيوب دورة التبريد .
أكشف على الريداتير والخراطيم كلها لآن اكيد فيه تسريب ( طبعاً المياه الخضرا اللى أنتى حاطهها كلها حتنزل ) وبعد ما تعالج التسريب أغسل الدورة كويس وحط مياه عادية لمدة يوم أو يومين ولو الدورة بقت تمام ومفيش تسريب نزل المياه العادية وأغسل الدورة كويس وحط مياه خضرا عشان لو فيه تسريب تعالجه ومتخسرش تمن المياه الخضرا اللى ممكن تترمى تانى على الأرض .
وومكن تراجع الموضوع ده ممكن يفيدك http://www.nilemotors.net/Nile/337256-a.html

[FERRYTIDE]

تفريغ الهواء

بعد تزويد المياه وغلق الغطاء جيدا ها تلاقى مؤشر الحرارة على اقل حاجة ده طبيعى علشان المياه بردت الحرارة ولابد من تفريع الهواء. بص ياعم تغريغ الهواء تمشى بالسيارةاوتسيب السيارة شغالة حتى يرتفع مؤشر الحراة للوضع الطبيعى قبل المنتصف للمؤشر ثم تفتح الغطاء سنه سنه برفق حتى تسمع صوت خروج الهواء صوت تنفيس مثل زجاجة الحاجه الساقعة وعند انتهاء الصوت تغلق الغطاء جيدا وبذلك يكون تم تفريع الهواء

[askandarani]

كان عندي نفس المشكلة. طلع القربه البلاستيك مخرومه و غيرتها. هيا و الغطا ١٣٠ جنيه. بس ميه الأفيو حمرا مش خضرا دا الي كان نازل مع الكوري.