بعد اول 1000 كيلو

[د.عماد صلاح]

الملاحظات
الفرامل اتحسنت جدا و بقي يعتمد عليها
الموتور استجابنه ممتازه حتي فوق ال140 العربيه بتشد برضه
الثبات وصلت ل160 منغير ما احس و زودت ل170 العربيه كانت ثابته بس انا كنت خايف
ي سرعه 170 الrpm كان 4
استهلاك البنزين و كله مع التكييف ...داخل الساحل اللتر يعمل 10 كيلو لما رجعت 255 كيلو اخدت 20 لتر و كله بالتكييف
تكييف تلاجه
جربت الCD كان صوته هايل
شكرا للاوبترا

[Hosam_Optrawy]

ربنا يباركلك فيها وتبسطك دايما

[ahmedhilmy]

ربنا يبارك لحضرتك فيها

[hassanin_lada]

هي سعرها كام دلوقت وليه مش منتشرة !!

انا سمعت انها بلاعت بنزين وناشفه هل الكلام ده صحيح ؟

[Hosam_Optrawy]

هي سعرها كام دلوقت وليه مش منتشرة !!

انا سمعت انها بلاعت بنزين وناشفه هل الكلام ده صحيح ؟

هو فى أكتر من الأوبترا فى البلد :)

سعرها دلوقتى مانيوال 107 أوتوماتيك 117

ومش بلاعه ولا حاجه إستهلاكها متوسط 10 لتر لكل 100 كم

العفشه عاديه ولا ناشفه ولا ناعمه وبتفرق برضه حسب كنت راكب إيه ومتعود على إيه

[د.عماد صلاح]

بص ياباشا ...العربيه مش منتشره دي مغرقه الدنيا ..بس للاسف سعرها الرسمي بقي 117 الف
العربيه عفشتها فعلا ناشفه شويه بس ثابته و مساعدينها حديد يعني النهارده كان معايا الاولاد و المدام و شنط كتير ماليه الشنطه والعربيه و لم تهبط العربيه اوتحك فس اس مطب
بالنسبه للبنزين ،،، فمع التكييف و سرعه بين 120 و 150 اخدت 20 لتر ل 255 كيلو واعتقد ممتاز كده
مفيش عربيه تقدر تقول عليها كامله بس الاوبترا احسن في السعر ده و بصراحه انا كنت باقنع نفسي بيها قبل ماشتريها بس الوقتي وللامانه بحمد ربنا و مبسوط ولله الحمد

انتوا يصراحه ناس محترمه وودوده جدا لو اي حد محتاجني في اي حاجه ..انا تحت امروكوا انا مدرس امراض نساء و توليد في القصر العيني اي خدمه انتوا اخواتي

[د.عماد صلاح]

علي فكره قيل اما اجيب الاوبترا عملت عليها دراسه و كلام استاذ حسام عليها هو اكتر عامل اقنعني بيها ..شكرا استاذ حسام

[JOKER_KLEN]

انا برده عملت دراسة جامدة لحد اخترت والحمد الله الاوبترا ممتازة
وبالنسبة للاستهلاك ممتازة وبسم الله ماشاء الله عليها فى السحب كويس وبالنسبة لسعرها احسن من غيرها بكتير وقطع غيرها كويس جدا اسعارها جميلة وبجد من احسن المنتديات الى دخلت فيها والناس الى فيه محترمة جدا وانا لازم يوميا ادخل على المنتدى اتباع معاهم لاننا بنعتبر بعض كالاسرة واحدة وشكرا ليكم جميعا

[eng_amrnabil]

الله أكبر عليها يا دكتور وربنا يحفظك ويباركلك فيها

زي ما قلتلك حضرتك بتشجعني اكتر عليها ..