اول كيك دون

[د.عماد صلاح]

بصراحه عشان اول مره اسوق اتوماتيك ..كنت بسمع عن اسطوره الكيك داون وكنت مستني اول 1000 كيلو يخلصوا عشان اجرب
المهم وانا راجع من اكتوبر علي طريق الواحات بعد اليوترن بتاع الدائري ...لقيت الطريق لحد طريق الفيوم المتقاطع معاه مفيش فيه ولا عربيه ....قمت دايس لاخر الدواسه ............وخرج الوحش من القمقم ..لقيت نفسي بتهبد لورا في الكرسي و لقيت صوت الموتور علي و الار بي ام اتجنن و مؤشر السرعه طالع السما .....و جابت في الحته الصغيره دي 140 ....شي خيال يا ناس

[ahmedalaahosny]

بسم الله ماشاء الله لا مكنة عفيه بس ده بالتكيف ولا من غير ؟؟

[د.عماد صلاح]

من غير تكييف ...كتت عايز اشوف اخرها ايه

[aldesha989]

ما شاء الله تبارك الله

اتوقع بالتكيف مش هتفرق اوى لان الكباس بيفصل مع الكيك داون على ما اعتقد

[MohammedAladel]

أنا مبعرفش أجرى ولا أطلع من عربية إلا لما أعمل كيك داون ... الفتيس الأوتو يغوووووووووووووووووووووور

[ahmedhilmy]

ربنا يبارك فيها

[ahmed.zahra]

ماشاء الله. مع اعتذاري و تقديري لحضرتك انا خايف على عربيتك و خصوصا الفتيس من كتر تجاربك فيه. حافظ على العربية و ماتتغرش فيها هي بس عشان جديدة بتديك الأداء ده إنما هي في الآخر كوري مش بتستحمل. ربنا يحفظهالك و يباركلك فيها. انا مش بقول لحضرتك كدة عشان اقلل من قيمة العربية انا برضوا معايا أوبترا أوتو بس انا اتعلمت كتير و كله بفلوس من الكوري ده. أرجو انك تتقبل نصيحتي كأخ ليك.

[د.عماد صلاح]

اعتقد ان الكيك دون مابيعملش مشاكل للعربيه هو بيضغط علي الموتور و لكن الفتيس بيغير بس معاد النقله فبينقل علي ار بي ام عالي
اللي انا فاهمه ...وعلي فكره كتير الواحد وهو ماشي يضطر يشد عشان يطلع من عربيه او عشان يلحق يفادي حاجه
فلا اعتقد ان الكيك دون ييعمل مشكله ...ولا ايه ياخبراء المنتدي ..افيدونا جزاكم الله خيرا

[ahmedalaahosny]

هو الاوتوماتيك اصلا بينقل بدرى عشان يريح الموتور ويقلل استهلاك البنزين فانت لما بتدوس لاخر الدواسة الفتيس بيفهم انك عايز عزم وتجميع سرعة عالى فبيسقط نقلة عشان يجمع سرعة ف وقت قليل ده فكره الكيك داون بس كتره بغشومية هو اللى بيجيب اخر الفتيس انما لو استخدام معقول عادى بس بيزود استهلاك البنزين لكن مش بيبهدل العربية بس لو اتعمل صح يعنى ماجيبش ابقى بطئ او واقف واقوم رازع رجلى مرة واحدة على اخر الدواسة لا لازم ع الاقل اكون ماشى بسرعة معقولة واوقم دايس لنص الدواسة الاول وبعدين النص التانى هى مسألة تعود لما رجلك تاخد على الكيك داون هتعرف ان المسافة كذا من مشوار الدواسة هى اللى بتبتدى العربية تسقط فيها نقلة
بس هى دى النظرية

[د.عماد صلاح]

ده كلام جدا

[MohammedAladel]

هو الاوتوماتيك اصلا بينقل بدرى عشان يريح الموتور ويقلل استهلاك البنزين فانت لما بتدوس لاخر الدواسة الفتيس بيفهم انك عايز عزم وتجميع سرعة عالى فبيسقط نقلة عشان يجمع سرعة ف وقت قليل ده فكره الكيك داون بس كتره بغشومية هو اللى بيجيب اخر الفتيس انما لو استخدام معقول عادى بس بيزود استهلاك البنزين لكن مش بيبهدل العربية بس لو اتعمل صح يعنى ماجيبش ابقى بطئ او واقف واقوم رازع رجلى مرة واحدة على اخر الدواسة لا لازم ع الاقل اكون ماشى بسرعة معقولة واوقم دايس لنص الدواسة الاول وبعدين النص التانى هى مسألة تعود لما رجلك تاخد على الكيك داون هتعرف ان المسافة كذا من مشوار الدواسة هى اللى بتبتدى العربية تسقط فيها نقلة
بس هى دى النظرية

مش بالضبط كدا
هو بالنسبة للفتيسات الأوتو اللى نازلة فى كل العربيات اليومين دول بيبقى ليها وحدة تحكم إلكترونية
عشان كدا نقدر نقول إن الفتيس الأوتو بطبيعته أنه ينقل بدرى فى ظروف القيادى العادية بدون حرق

فأصبح فيه أنظمة قيادة مختلفة ... يعنى لو رجلك تقيلة على الدواسة هتلاقى النقل متأخر
ماشى بهدوء هتلاقيه بينقل بدرى

وحتى الكيك داون مش مرتبط بمسافة الدواسة زى ما حضرتك متخيل ومش بالضرورة انك ترزع الدواسة فجأة عشان يحصل الكيك داون

الأمر مرتبط بسرعة العربية مع نقلة الفتيس

والكيك داون بيحصل لما انت تكون عايز عزم وتسارع من العربية ولكن نقلة الفتيس فى وضع غير مناسب إنه يديك العزم المطلوب ... عشان كدا وحدة التحكم بتؤمر الفتيس إنه ينزل غيار نسبة تخفيض أكبر ويديك عزم وتسارع عالى

وبرضه حكاية أنك لو ماشى بطئ ودست بنزين فجأة مش هيحصل كيك داون مش عشان وحدة التحكم وبس
لأ عشان الفتيس هيكون على نقلة عزمها عالى

عمليا بقى أنا معايا رينو ميجان ... فتيسها dp0 أوتو .... 4 غيار

مثلا لو ماشى 60 وأنا على الرابع

ونزلت بدواسة البنزيت لتحت مش شرط فجأة ولا حاجة ....العربية هتنزل للغيار التالت عشان تقدر تتسارع .... يعنى الموضوع مش قياسى وأنه فيه مسافة معينة للكيك داون لأ دى محسوبة حسب سرعة العربية ووضع نقلة صندوق التروس ... دا فى الفتيسات اللى فيها تحكم ألكترونى

لكن لو ماشى 30 على التالت .... دا بفرض أنى ماشى مشية هادية جدا والعربية بتنقل بدرى قوى

ودست فجأة العربية مش هتعمل كيك داون للتانى


وبصراحة عمر ما الفتيس دا بيعمل كيك داون إلا من الرابع للتالت

وطبعا الموضوع هيختلف من فتيس للتانى حسب نسبة التخفيض وعدد النقلات

أنا مش شايف إن فيه ضرر خالص بفضل محول العزوم

بس فيه ضرر على قاعدة الفتيس بالأخص وقواعد الموتور ودى أجزاء استهلاكية فعمرها هيقصر

والله أعلم

[ahmedalaahosny]

...

[ahmedalaahosny]

الاتوماتيك على حد علمى ف العربية اللى عندنا (جالينا 2010 )
عايز تسقط نقلة واحدة بدوسة بنزين هتسقطها بنص مشوار الدواسة
عايز تسقط نقلتين بدوسة بنزين للاخر
عايز بعد كدة العربية تنقل غيار واحد لاعلى المس البنزين وسيبه بمجرد مابترفع بتنقل لنقلة اعلى عشان تريح الموتور
جايز الحوار بيختلف من عربية لعربية

[S O P H O S]

ما شاء الله
ولكن بلاش يبقي كتير وميكنش من وضع السكون

[MohammedAladel]

بعد تجربة
الكيك داون بيحصل عندى على أى نقلة