فوجات افيو

[mr_mido3393]

السلام عليكم ...

انا معايا افيو 2013 و عايز اركب فوج لايت .. عايز اعرف اجيبه منين و بكام و اركبه فين و بكام :d و هو بشتغل علي ايه هل ليه زرار اللي هو الفاضي ده اللي موازي للانتظار ولا حاجة تانية .. ارجوا المساعدة

شكرا..

اخيكم محمد من الاسكندرية

[mse920]

بتشتري الفوجات من عند أي محل قطع غيار بحوالي 220
بس الأفضل ترش الإطار بتاع الفوجات بنفس لون العربيه قبل ماتركبهم
وأنا فعلا مركبهم علي الرزار الموازي لزرار الإنتظار
بص طلع عين الكهربائي في التركيب ( مش عارف دا كان عيب كهربائي ولا هو مكانهم صعب )
ومتنساش تجيب زرار نضيف يكون طويل

[mr_mido3393]

طيب معلش اجيب الزرار ده منين؟

[mse920]

أنا كنت مشتريه من محل قطع غيار بشارع دمشق

[mrastra]

بمممممممممممممممممممممممممممممممممممممممممممممممم

[eng_sherif_00]

بص ياباشا فوجات الافيو فى منها انواع كتير جدا وخامات مختلفة افضلهم نوع اسمه dala فى علبة محترمة كده وفانوس كريستال وحليته نيكل وفى منها اسود وترشها بلون العربية وبيجى بالضفيرة بتاعته وبيجى معاه زرار للتشغيل ممكن تستخدمه بس فاشل ومش معمر وفى الحالة دى قدامك سكتين اول واحدة انك تجيب مفتاح انتظار استيراد او جديد فى حدود 75 الى 100 جنيه وتحطه فى الطبة المسدودة وتشغل عليه الفوجات وفى الحل الثانى الافضل من وجهة نظرى والى انا عامله فى عربيتى انك تجيب دراع استيراد او جديد فيه تحكم الشبورة وبكده تبقى على ابوها وعن تجربة رائع ...

[elbaramawy]

التوكيل

بس كده تكون خرجت بره الضمان والا ايه النظام ؟ وهل ممكن اجيبه وهما يركبو؟

[elbaramawy]

التوكيل

هو كده مش هتخرج بره الضمان؟ وهل ممكن اجيبه من بره وهما يركبوه؟

[mr_mido3393]

تشكر يا باشا .. بس الدراع في حدود كام تقريبا .. و في ف طابلوه العدادات في لمبة للفوج هل دي بتنور بعد التركيب ولا لا؟

[mido]

هو كده مش هتخرج بره الضمان؟ وهل ممكن اجيبه من بره وهما يركبوه؟

خرجت بس محدش هيكلمك لحد ما تشتكى من اى مشكلة ليها علاقة بالكهربا

[الكابتن محمد..]

توكيل اية يبتاع التوكيل .عندى سيارة افيو 2013 ورحت التوكيل محرم بك فى صيانة 5000ك وكان معايا جهاز انذار (ولف) جيت علشان اركبة فى التوكيل علشان لو ركبتة برة هيبقى الكهرباء خارج الضمان او اى شى يحدث للكهرباء المهم جيت اركبة قالى تركيبة ب350 جنية يعنى ضعف ثمن جهاز الانذار غير كمان قالى عاوز سلك 2 مخرج للزجاج اتوماتيك يعنى نصب وكمان معندهمشى فكان يوم الاحد فقلت اركبة فاى وقت تانى وبالصدفة وانا عندى والدى فى الغربية اتصلت بفرع ابو شادى بطنطا قالى تركيبة ب 150 جنية وبالفعل رحت ركبتة ومقلش عاوز حاجة تانى ,,,,, اللى عاوز افهمة دلوقتى مش المفروض كل مراكز الصيانة تكون موحدة اسعارهم ولا اية بظبط وفرق الاسعار بيروح لمين بظبط وبالفعل تقدمت بشكوى بالاتصال برقم 16424 وقالو هنبحث ولحد دلوقتى عدا 3 شهور ولا حد قالى اية اللى حصل بالصراحة خدمة ما بعد البيع زى الزفت وربنا يسامحهم والله على ما اقولة شهيد

[eng_sherif_00]

الدراع ياجماعة سعرة 150 جنيه بس لمبة الطابلوة مش شغالة ولسه كده لماافضى شوية هحاول اشغلها بس بغض النظر الدراع تحفة وافضل طريقة للتحكم فى الفوجات وبالنسبة للتوكيل ممكن تركبفيه الشبورة بس مكلف جدا اولا سعر الفوجات فيه 700 جنيه ده غير المفتاح والمصنعية .وممكن تسال لوجبتلهم الفوجات والمفتاح من بره يركبوه بكام

[mr_mido3393]

بص ياباشا فوجات الافيو فى منها انواع كتير جدا وخامات مختلفة افضلهم نوع اسمه dala فى علبة محترمة كده وفانوس كريستال وحليته نيكل وفى منها اسود وترشها بلون العربية وبيجى بالضفيرة بتاعته وبيجى معاه زرار للتشغيل ممكن تستخدمه بس فاشل ومش معمر وفى الحالة دى قدامك سكتين اول واحدة انك تجيب مفتاح انتظار استيراد او جديد فى حدود 75 الى 100 جنيه وتحطه فى الطبة المسدودة وتشغل عليه الفوجات وفى الحل الثانى الافضل من وجهة نظرى والى انا عامله فى عربيتى انك تجيب دراع استيراد او جديد فيه تحكم الشبورة وبكده تبقى على ابوها وعن تجربة رائع ...

طيب موضوع زرار الانتظار حيشتغل اونو اوف ولا كهرباء متعدد فلاشر و انا لقيته ب 80 جنيه