ثلاث سنوات ونصف مع الافيو ...ايه الخلاصه

[martinmystery]

تمام العربية معايا موديل 2012 الصراحة احسن عربية فى السعر دا بس احب اعدل حاجة ثباتها بعد 120 معايا تحفة الصراحة انا جبت بيها 180 والعربية كانت ثابتة الحمد لله
التكييف شايفه كويس مش تعبان غير لما اركنها فى الشمس لكن لو ركنتها فى الضل بيبئى تماااااااام

حد بس يقولى احط صورة ازاى وانا ارفعلك صورة على ال 180

[د.عماد صلاح]

180؟؟؟؟
كتير كده ..بلاش لان بالسرعه دي مش هتعرف تتحكم فيها لو في اي طارئ قدامك
بس لما تجرب تكيف تاني زي الاوبترا مثلا هتعرف الفرق

[martinmystery]

هو كتير فعلا :d مش على طول بمشى عليها اكيد بس انا قولت اجرب العربية عالسرعة دى

اكيد هيفرق على العربيات الاعلى بس هو تمام الصراحة لو كانت العربية فى الضل بس مش بيوصل للركاب اللى ورا

[mohab2010]

يوجد حل بسيط جدا للمشكلة الوحيدة للافيو ( التكيف ) بتركيب عازل حراري علي زجاج العربية بالكامل وبكدة التكيف يكون 100%
وبكدة تم حل كل مشكلة الافيو..............

[cupid]

يوجد حل بسيط جدا للمشكلة الوحيدة للافيو ( التكيف ) بتركيب عازل حراري علي زجاج العربية بالكامل وبكدة التكيف يكون 100%
وبكدة تم حل كل مشكلة الافيو..............

ده تقريبا سعره كام

[haway44u]

ياريت تقولنا علي اسم الميكانيكي وعنوانه وشكرا.......

[mohab2010]

ده تقريبا سعره كام

في مواضيع كتير عن هذا العازل في المنتدي . والسعر بيفرق حسب بلد التصنيع و جودة المنتج
النوع الامريكاني بيعمل 600 جند للزجاج كلة (ورا و قدام و البواب )
بس حقيقي بيخلي الافيو تحفة

[eng_sherif_00]

تقرير رائع وفعلا الافيو عربية ممتازة جدا معايا من 2009 كورى وعامل بيها 90 الف كيلو وكل اللى غيرته الحمد لله سير كتينة وبلية كتينة وسير دينامو وتيل فرامل امامى مرتين وطبعا تغيير الزيت وشكرا وانا عامل فاميه فالتكييف معايا ممتاز والعفشة ممتازة ومركب جنوط 15 وبجيب 180 عادى جدا بصراحة العربية دى مظلومة فى مصر جدا جدا وفى كتير بيشتكوا منها بس اعتقد انها اثبتت جدارة غير عادية والدليل على ذلك الانتشار الكاسح فى شوارع مصر وطبعا بره مصر الافيو قصة تانية بتتصنع فى خمس مصانع حول العالم امريكا واوروبا وكوريا واستراليا وامريكا الجنوبية وفى كل مصنع بتنزل بكماليات مختلفة ووهم تانى خالص الواحد لما بينزل الحرفيين بيتجنن لما بيشوف الافيو بتاعت بره ولذلك انا فكرت انى ما ابعش خالص وابتدى اظبط كل فترة اعلى المكنة مثلا ل eco tech الامريكانى واقلبها اتوماتيك ...الخ

[د.عماد صلاح]

الميكانيكي ده في اخر شارع سليم و قبل تقاطعه مع شارع البيني في فيصل

[ahmed]

شكرا على عنوان الميكانيكى

[Dr/ P.K.Sh]

انا الافيو قعدت معايا ٤ سنين عملت بيها ١٠٣٠٠٠ كم و كانت اتوماتيك و كنت بسافر بيها اسيوط على ١٦٠ على طريق الجيش ساعتين متواصل و جبت بيها ١٨٥ كذا مره

[saddam]

و الله الواحد نفسه.يقول الحقيقة في اﻷفيو بس الناس هنا بيصبروا بعضيهم وبيقولوا فيها كلام ولا اﻷشعار وعليه وإحتراما ليهم حنقول ربنا يباركلكم فيها وإن شاء الله يوسع رزقكم وتجيبوا أكبر أو أحسن منها ودمتم كان لازم نقول الكلمتين دول عشان اللي حيقرأ الموضوع ده ممكن ينزل يجيب أفيو.على طول فحبينه بس نوعي الناس وربنا يبارك لكم أجمعين

[abou-yahia]

و الله الواحد نفسه.يقول الحقيقة في اﻷفيو بس الناس هنا بيصبروا بعضيهم وبيقولوا فيها كلام ولا اﻷشعار وعليه وإحتراما ليهم حنقول ربنا يباركلكم فيها وإن شاء الله يوسع رزقكم وتجيبوا أكبر أو أحسن منها ودمتم كان لازم نقول الكلمتين دول عشان اللي حيقرأ الموضوع ده ممكن ينزل يجيب أفيو.على طول فحبينه بس نوعي الناس وربنا يبارك لكم أجمعين

كل عربيه فيها

ومحدش قال انها مرسيدس

اللي بيحكم اي حد في اختيارات العربيه عوامل كتير منها الماده وطبيعه الاستخدام وخلفيتك في السواقه .

بمعني اللي حضرتك منتظره من اداء عربيه مختلف عن اللي شخص اخر منتظره

لاختلاف معايير التقييم واختلاف الاهتمام

يعني ممكن حد يقول لحد تاني فيه عيب كذا في عربيتك الحد التاني ده مش واخد باله منه وكمان مش شايفه عيب

وممكن حد تالت المره ديه عارف العيب ومتاقلم معاه

وحد رابع مش طايق وكاره العربيه

هيه الدنيا كده

لاكن هل العربيه فيها عيب قاتل محدش يشتري العربيه عشانه هنا نتكلم

تحياتي

[د.عماد صلاح]

احساسك بالعربيه يختلف من فرد الي اخر ...ومن طبيعه قياده الي اخري ...و حسب سابق الخبره في القياده
فلو انت شاب بتحب تشد و تحرق و يهمك الجري و الفرامل القويه يبقي عايز الماني او اوروبي بشكل عام عشان الثبات و العزم ولو نزلت من الاوروبي لكوري نثلا حتكره نفسك و تحس بفرق كبير ....ولكن و زي حالتي لو كنت راكب قبل الافيو 128 و ماصلكش ركبت اوروبي و كمان مابفرقش معاك كتير الجري و الشد فالافيو هتكون ملكه
اكيد مستحيل تقارن عربيه ب 90 الف بعربيات ب 200 الف

[eng_sherif_00]

والله ياجماعه الموضوع ده نسبى وعلى فكره انا قبل الافيو كنت راكب كرولا 93 وشايف ان الفرق فى صالح الافيو عدا العفشة