سؤاااال يا شباب عن اوبترا مستعمل

[مصطفى عصام]

السلام عليكم

دي اول مشاركة في المنتدى بس متابعكم من زمان

عندي سؤال
انا عايز اشتري أوبترا مستعملة

بس عايز اعرف هل لو اشتريت اوبترا 2008 أو 2009 اوتوماتيك هيكون كويس؟

(وده طبعا عشان الفلوس اللي معايا!! لو كان معايا كنت اشتريت جديد وريحت نفسي)

وياترى مفروض العربية تكون عاملة كام ألف في العداد عشان تبقى معدل استخدام كويس؟

ياريت تفيدوني

شكرا

[ahmedalaahosny]

كويسة كده كده 2008 او 2009 مش بعيده للدرجة بس اهم حاجة الحالة النضيفة مش شرط بعداد الكيلو متر ممكن يفصله ويمرمط ام العربية هتبقى عاملة كيلومتر قليل بس حالتها زفت وممكن واحد بيسافر كتير بس محافظ ع الصيانات والعربية نضيفة هى عامة ف رينج 80 او 85 الف كيلو

[blazer]

متجبش عربيه عامله اكتر من 60 الف كيلو و تكون موديل 2009 مثلا
و طبعا بعد الكشف على العربيه
تاخد بالك من ان صوت العربيه فى اول الدواره و بعد التسخين ناعم واثناء النقلات العبيه ناعمه وسلسه و مفيش اصوات من الماتور او الفتيس او لشكمان او المراوه و لا من الباور او من كمبريسور التكييف
ويكون الحوض شكله نضيف و مفيهوش اى تسريب زيت او تآكل فى خراطيم او سلوك
و طبعا تصلى استخاره ان شاء الله

[dodo2000]

نصيحة اكشف فى التوكيل حتى لو غالى شوية بس هيجبولك كل حاجة فى العربية و المناسب للموديلات دى ان العداد ميعديش 70 الف

[د.عماد صلاح]

حاول تجيب عداد اقل من 60 الف و اكشف علي العربيه في التوكيل و يفضل السيارات اللي عامله ضيانه منتظمه