مشكلة فى قربة المياه

[Mostafa.Mahran]

دلوقتى انا اول ما اشتريت العربية غسلت الردياتير و حطيت منظف دورة التبريد و نزلت المية كلها و مليت الردياتير و القربة مياة حمرا

تانى يوم بعد مشوار طويل لقيت المية بتفور من القربة و مطلعة دخان من تحت الكبوت و بهدلت الدنيا و اضطريت اركن لحد ما تهدى

لما المية فارت جامد القربة بقت فاضية تقريبا و مشيت بيها كده و الدنيا عادى جدا و الحرارة قبل النص و مفيش اى مشكلة


امبارح زودت الردياتير حاجة بسيطة جدا و النهاردة عملت نفس الحركة و المية فارت من القربة و بهدلت الدنيا

استنيت لحد ما القربة هديت شوية و فتحت الغطا واحدة واحدة لقيت المية بتغلى بصورة رهيبة و الكلام ده و انا مبطل العربية و لما دورت العربية علشان ازودها لقيت المية بتغلى و بتطير من القربة اكن كبس المكنة جاى فى المية و بيطيرها


مش عارف اعمل ايه بقى و اكشف على ايه ولا امشى بالقلابة فاضية و خلاص مع ان مؤشر الحرارة قبل النص و بينزل عن كده ساعات لما بمشى براحة مسافة طويلة

العربية اوبترا 2007 اوتو ماشية 90 الف

[طارق سمبر انور]

يا باشا المشكله دي كانت عندي وبسببها غير وش سلندر كامل بـ 3 الاف جنيه الحمد لله علي كل حال عامة دي يا اما الدورة فيها هوا يا اما عيب غطا القربه يا اما القربه نفسها مشروخه وحضرتك مش شايفها

[Mostafa.Mahran]

يعنى اغير القربة كلها و اروح لبتاع الردياتير واخد الهوا منه

[modi7610]

سبحان الله ... انا داخل اكتب نفس الموضوع ده .... انا هتجنن من موضوع المية اللب بتفور دي بقالها كذا مرة بتعمل معايا كده... مع اني تابعت المروحه قلت يمكن مش شغاله... لكن بتشتغل وبرضه بيحصل فوران ... ومش عارف اعمل ايه ... وهو ممكن في لحظات كده الغطا يجرالو حاجه

[Mecha]

check thermostat is working ?
if not , chuck it away
bleed air from system

if not , and while revving the engine ,coolant fly out
then head or head gasket mainly

[Ahmed Amin]

الترموستات لو مش شغال وقافل العربية هتفضل تسخن ومش هتفضل باردة تحت النص,,
ولو مش مشغال ومفتوح العربية هتبرد بشكل طبيعي,,

اللي يخلي المية تغلي حاجتين,
أن المية اللي أنت جبتها مضروبة, وعبارة عن مياة مضاف لها لون بس من غير ما يكون فيها ايثيلين جليكول اللي هيا أساس مياة التبريد,
والحاجة التانية أن الدور تكون مش مضغوطة, زي غطاء الأربة أو والخراطيم بتهرب الضغط.

أنت جايب مية نوعها أيه ومنين ؟

[Elawany13]

الترموستات لو مش شغال وقافل العربية هتفضل تسخن ومش هتفضل باردة تحت النص,,
ولو مش مشغال ومفتوح العربية هتبرد بشكل طبيعي,,

اللي يخلي المية تغلي حاجتين,
أن المية اللي أنت جبتها مضروبة, وعبارة عن مياة مضاف لها لون بس من غير ما يكون فيها ايثيلين جليكول اللي هيا أساس مياة التبريد,
والحاجة التانية أن الدور تكون مش مضغوطة, زي غطاء الأربة أو والخراطيم بتهرب الضغط.

أنت جايب مية نوعها أيه ومنين ؟

حتى لو حاطط ميه من الحنفية المفروض مش هتعمنل كده
وهتبرد عادى

[Elawany13]

لما الميه تغلى مينفعش تسكت
احتمال ان تريموستات الكوعه قافش غير صحيح لإنه لو قفش الميه السخنه هتتحبس عند وش السيلندر انما الرداتير والقربة هتلاقى الميه باردة خالص

ممكن يكون سبب الغليان المروحة بايظة أو ضعيفه
ممكن تكون طرمبة المياه فيها مشكلة
ممكن يكون الرداتير عايز يتسلك

الاحتمال الأكبر لمشكلتك انه جوان وش السيلندر
والله اعلم

[Mostafa.Mahran]

القربة و الخراطيم لو فيهم تسريب هيبان
المراوح هبص عليها و اشوفها شغالة ولا لأ
الطرمبة بيتكشف عليها ازاى

[ahmedhilmy]

غطا القربه بايظ دور العربيه و سبها لما تسخن و انت فاتح الكبوت وواقف جنبها او لما تسخن و تدور المراوح هتنطر الميه بره غير الغطا ب 30 جنيه تقريبا

[Mostafa.Mahran]

دلوقتى لو العربية باردة و دورتها و مليت القربة لحد نصها و فتحت الغطا بتاعها و استنيت لحد ما تسخن
طبيعى ان المية تتنطر من القربة بالشكل ده مع العلم انها لما عملت معايا كده كنت جاى من مشوار 200 كيلو و التكييف شغال

[ahmedhilmy]

انا بقول لحضرتك جرب و الغطا مقفول عادي جدا لو خرجت الميه من القربه هيبقي الغطا مش سليم

[د.عماد صلاح]

هو مش ممكن الموضوع يبقي ليه دخل بنوع المايه لاني اعرف ان فيه منها 6 و 33 و 50 في المائه و الفرق غي قدره المياه علي التبريد و عدم وصولها للغليان بسرعه ...التوكيل بيستخدم ال50 في المائه ..اموبيل 33 في المائه اغلب اللي في ابسوق 6 في المائه ودي زي قلتها

[modi7610]

طب يا جماعه انا ساعات اتابع المروحه والاقيها شغاله وامشي مشوار وبرضه المية تفور مني واشغل التكيف الفوران يهدى ,,, اجي اقف واتابع المروحة من غير تكيف اشوفها هادور ولا الاقي المية تفور من غير ما المروحة تدور

[Mostafa.Mahran]

بعد تجربة لمدة ساعة

المراوح مكنتش شغالة بسبب فيوز فى علبة الفيوزات
غطا القربة اتغير

المروحتين بيشتغلو شوية و يفصلو و يرجعو يشتغلو تانى و كهذا

مؤشر الحرارة قبل النص بشوية و ثابت على كده

مع التكييف المروحتين شغالين على طول و مش بيفصلو

الف شكر لكل الى رد و ساعد فى الموضوع