استفسار الافيو 2009

[dead_zone2006]

السلام عليكم
انا لسه شارى عربيه افيو موديل 2009 ماشيه 55 الف كيلو بس فى واحد صاحبى بيقولى ان العداد ملعوب فيه وان فى فيشه بتتشال بتوقف العداد ميشتغلش هو صحيح الكلام ده والموضوع سهل كده ان الواحد يوقف عداد الكيلومتر

[الكابتن محمد..]

انا لو منك هروح اشوفها فى اى مركز صيانة منصور شيفرولية هما نصبين شوية بس ما باليد حيلة

[Haitham Basha]

أولاً الف مبروك على العربية و ربنا يباركلك فيها ثانياً شوف يا باشا اطلع بالعربية على شارع دمشق و اسأل على المحلات بتاعت تظبيط العدادات الكمبيوتر و اكشف عليها هناك و هوا هيقلك بالظبط العربية عاملة كام كيلو و ملعوب فيها و لا لأ

[M_Marwan]

فعلا الأفيو فيها فيشه بتخلى العداد ما يقراش خالص

انا اشتريتها زيرو وبعد لما مشيت من المعرض اكتشفت الموضوع ده ورجعتلوا تانى فتح الكبوت وركب الفيشه والعداد اشتغل !!!

عربيه محترمه اوى الله لا يعودها ايام

[dead_zone2006]

والله يا جماعه انا بدات اقلق فعلا بس معقوله فى شركه محترمه تعمل عداد عربيه على فيشه طب ولو الفيشه اتشالت وانا كشفت عليها بالكومبيوتر هايعرفوا ازاى

[Ahmed_selmy]

ممكن يكون فيها عداد فى الكمبيوتر فيتفصلش .....والله اعلم

[mse920]

أنا فعلا وأنا بستلم عربيتي كانت الفيشه مش راكبه والبياع بعت ركبها

[د.عماد صلاح]

اكشف عليها وشوف حاله الموتور .....بس ايه اللي خلي صاحبك يشك
وابقي طمنا