اشترى اوبترا ولا لأ؟

[zacklat]

والدى ناوى اشترى اوبترا اوتوماتيك (يعني مش للجري) زيروا او كسر

عاوز نصيحتكم فيها .
خصوصا انه مافيش تقرير علي الموقع للموديلات الحديثة( 2012 او 2013)

وممنكن اعرف ايه الاوبشن اللي فيها (abs & airbag) ولا لأ

[د.عماد صلاح]

انا لسه جايبها من شهر و نص اوتوماتيك 2013
المميزات ...واسعه جدا ...تكييف ممتاز ....طابلوه كلاسيكي ممتاز ....ثبات اكثر من ممتاز وصلت بيها ل170 ...العربيه جرايه و سحبها ممتاز جدا
اعتماديه وقطع غيارها متوفره و الفتيس الاوتوماتيك بتاعها ياباني قليل المشاكل
العيوب مفيش abs ولا ايرباج ...الفرامل متوسطه ...استهلاك البنزين ال20 لتر 200 كيلو من غير حرق و علي السريع ممكن توصل ل 250 كيلو
النصيحه ...في الفئه السعريه دي العربيه دي ممتازه و احسن من النيسان صني اللي تشاركها السعر تقريبا

[mn3em]

العربيه معايا خليجي من 2009 .... هي عربيه اعتمادية وثابته وحمالة أسية ووااااسعه وتكييفها ممتاز وقطع غيار في كل حته
( وصاجها زباله وبتحب البنزين شويه )
وبالتوفيق ان شاء الله

[dodo2000]

الاوبترا حلوة مفيش كلام

[zacklat]

حلو موضوع الفتيس الياباني ده خصوصا ان انا كنت قلقان من الفتيس الاوتوماتيك الكورى

متشكرين علي الردود يا شباب
وان شاء الله اجيب الاوبترا

[dalia_abdelatt]

انا حجزت اوبترا 2013 ومش عارفه ليه مكنش 2014 موجوده هدفع مقدم والباقي تقسيط هو تمنها 116000 هل ده كده سعرها صح لأنى بادخل على النت ولاقيت سعر مختلف وكمان في مواصفات النت ان فيها abs بس اللي موجوده مكنش فيها ولما سألت قالولى ان اللي بينزل مصر مش بيبقي فيها .. ... ياريت تفيدونى هل المعلومات دى صحيحة ولا لأ كمان عايزة اعرف ايه الحاجات اللي اخد بالي منها دى اول مرة هيكون معايا عربية ... الصيانة ازاى وفين تغيير الزيت كل قد ايه ؟؟ وشكرا