فرامل الاوبترا شورم بورم

[Elkordy2000]

النهارده دوست فرامل علي سرعه بسيطه يعني 60 أو 70 , بس فرامل خطر يعني , والمفاجأه ان العربيه زحفت زحفت يعني ., أول مره يحصل معايا كده في عربيه , كانت معايا اللانوس سنتان ما عملتش كده ابدا ., صحيح الحمد لله ربنا ستر , بس ده معناه ان الواحد يأخد باله جدا من فرامل الاوبترا ولا يثق فيها , وعلي الرغم ان التيل جديد من ثلاث شهور والكاوتش مش مستهلك يعني معقول لم يكمل 40 الف إلا ان الفرامل فعلا شورم بورم .... فخدوا حذركم من فرامل الاوبترا

[Hunting_Eagle]

كنت راكب مع واحد صاحبي سايق اوبترا بردو في شارع العشرين في فيصل و جه يقف فجأة ما عرفش و العربية زحفت بتاع 4 او 5 متر و لبست في العربية اللي قدامها مع انه ما كانش بيجري .. العشرين اساسا كويس لو عرفت تمشي فيه على رجلك :)

[lanos2004]

دة بجد ولا نوع التيل وعدم الاهتمام بصيانه الفرامل

[angel83]

لا ده بجد فعلا فرامل الاوبترا زيالة ولا يعتمد عليها والي حد ما بيقولوا ان اللي بيحسنها شويه انك تجيب كاوتش نضيف ويكون تراكشن a وجنوط سبور من اجل تهويه افضل للطنابير

[lanos2004]

دة يبقه عيب خطير جدا
انا بستعمل فى عربيتى نفس تيل اوبترا وبتقف الحمد لله

[Hosam_Optrawy]

مش للدرجه دى ياجماعه

اللى بيشتكى من الفرامل غالبا يا حالة الكاوتش مش تمام يا التيل مش أصلى

لكن الفرامل كويسه مش زحاليق يعنى :)

[د.عماد صلاح]

انا العربيه عامله معايا 2500 كيلو
الفرامل صحيح مش قويه جدا لكن مش زحاليق زي ماحضرتك بتقول ...يعني حصلي معاها موقف قبل دخله جهاز المدينه في اكتوبر و بصراحه لما دوست علي الفرامل بقوه العربيه كلبشت في الارض وكانت السرعه بعد التمانين بشويه

[ahmedhilmy]

هو ايه يا جماعه نوع تيل كويس غير الأصلي للاوبترا الاتوماتيك السؤال للشباب جميعا و خاصه احمد عبد الهادي اللي بيستخدم تيل الاوبترا

[Elkordy2000]

دة يبقه عيب خطير جدا
انا بستعمل فى عربيتى نفس تيل اوبترا وبتقف الحمد لله

علشان وزن اللانوس اخف .., انا كانت معايا اللانوس بسم الله ماشاء الله علي الرغم من ان فراملها يقال انها ضعيفه ايضا إلا انها كانت ممتازه وبدون تيل اصلي كمان

[Elkordy2000]

مش للدرجه دى ياجماعه

اللى بيشتكى من الفرامل غالبا يا حالة الكاوتش مش تمام يا التيل مش أصلى

لكن الفرامل كويسه مش زحاليق يعنى :)

حضرتك انا بتكلم علي فرامل الخطر ., يعني كبست فرامل العربيه بتزحف علي الارض يعني العجل كلبش بس بتزحف وده خطر جدا ., الفرامل العاديه تهدي وتقف جيده انما انا أول مره ادوس فرامل
مفاجأه واجد الزحف بتاع 3 -4 متر ده خطر جدا ..,
حاله التيل من ثلاث شهور فقط ( هو كوري مش اصلي اعتقد نوعه Hi-Q ) النوع ده كنت بستخدمه في اللانوس كان ممتاز بصراحه
حاله الكاوتش جيده عامل اقل من 40 الف كيلو ( الكاوتش نوعه يوكاهاما )

[Elkordy2000]

انا العربيه عامله معايا 2500 كيلو
الفرامل صحيح مش قويه جدا لكن مش زحاليق زي ماحضرتك بتقول ...يعني حصلي معاها موقف قبل دخله جهاز المدينه في اكتوبر و بصراحه لما دوست علي الفرامل بقوه العربيه كلبشت في الارض وكانت السرعه بعد التمانين بشويه

الفرامل العاديه جيده جدا لكن فرمله الخطر وكده العربيه بتتزحلق ., انا بقول الكلام ده عن خبره 13 سنه سواقه بعربيات مختلفه ., فعلشان كده انا بقارن لأني حسيت بحاجه محستش بها قبل كده ., انا سمعت في بعض المواضيع هنا ان الفرامل بتاعه الاوبترا فعلا ضعيفه بس بصراحه اللي انا حسيته النهارده قلقني شويه .

[tameraast]

الزحف عادى لاى عربيه من غير ايه بى اس الا لو حضرتك زحفت و عومت

[dr.hazem]

معنى ان العربية تزحف ان الفرامل مسكت صح الصح بدليل ثبات العجل والمشكله في الكاوتش....
انا حصل معايا في الاوبترا الكاوتشات كانت تعبانه وفرملت على 40 زحفت حوالي 10متر ولزقت في اللي قدامي بس الحمد لله محصلش حاجه عندي او عنده لاني مكنتش مسرع....

الفكرة انه العيب كان من الكاوتش....
تحياتي

Sent from my Xperia Arc S using Forum Runner

[Hosam_Optrawy]

حضرتك انا بتكلم علي فرامل الخطر ., يعني كبست فرامل العربيه بتزحف علي الارض يعني العجل كلبش بس بتزحف وده خطر جدا ., الفرامل العاديه تهدي وتقف جيده انما انا أول مره ادوس فرامل
مفاجأه واجد الزحف بتاع 3 -4 متر ده خطر جدا ..,
حاله التيل من ثلاث شهور فقط ( هو كوري مش اصلي اعتقد نوعه hi-q ) النوع ده كنت بستخدمه في اللانوس كان ممتاز بصراحه
حاله الكاوتش جيده عامل اقل من 40 الف كيلو ( الكاوتش نوعه يوكاهاما )

عارف ان حضرتك تقصد الفرمله المفاجئه , المفروض فى الوضع الطبيعى مش اى فرمله مفاجئه العربيه تزحف

الاوبترا معايا بقالها أكتر من 5 سنين وطبعا مريت معاها بمواقف كتير مع الفرامل فى مختلف الطرق والسرعات عمرها مازحفت

غير فى مره واحده عشان اكون صريح معاك , كنت ماشى 50-60 تقريبا مش فاكر اوى , وكبست فرامل جامد فى حته فيها تراب ورمل خفيف , والكاوتش كان ماشى 40 الف , والتيل كان أصلى ماشى عليه 10 الاف تقريبا , العربيه زحفت كام متر بس الحمد لله ملبستش فى اللى ادامى

[د.عماد صلاح]

فعلا وجود الرمل او المياه بيفرق جامد ...عن تجربه مع الافيو