ايه هو مستوي الخدمه في التوكيل

[semsem85]

ياريت ياجماعة اللي عمل اي صيانه يوضح صيانة 5-10 -15 20 الف وغير ايه وسعرها كام وفي اي مركز حتي يكون مرجع هام للجميع وجزاكم الله كل خير

[hany_bmw]

صيانة ال 5000

الحمد الله امبارح عملت صيانة 5000
السيارة افيو 2008 مكان الصيانة فى العوض جروب على الاوتوستراد
طبعا كنت حاجز من قبلها ورحت فى ميعادى وكانت معامله هايله صراحه مكنتش متوقعها
وكمان العربية الحمد لله مكنش فيها حاجه بس قولت اذكر موضوع ال rpm وموضوع انه سعات بيعلق الحمد لله هى مش حصلتلى بس من مواضيع الاعضاء قلت اذكرها
المهم
المهندس مشكور قالى انه حط حاجه اسمها سائل تنظيف علشان موضوع ال rpm
وكمان زيت 5000 وفلتر زيت كله ده التكلفة

141 جنيه فقط لا غير

وكلمه اخيره عاوز اقولها ان فعلا ولله الحمد اختيار الافيو كان اختيار صح وموفق مليون فى الميه

[semsem85]

شكرا يااستاذ هاني علي اهتمامك وياريت ياجماعة اللي عمل اي صيانة يفيد الباقي الكتابة ببلاش وهتخدو ثواب عليها

[semsem85]

فين عشاق الشيفروليه

[semsem85]

ايه ياجماعة محدش عمل صيانة خالص

[dinow]

شوف ياسيدى انا عملت صيانة ال 5000 لاوبترا 2008 فى منصور الرئيسى الهرم اتكلفت 254 جنيه عشان غيرت زيت 10000 موبيل 1 و ده يوم 17/4/2008 و كله تمام


بعد كده عملت صيانة ال 10000 عند اوتوماستر الحى السادس اتكلفت 229 جنيه و هى عبارة عن فحص دورى و تربيط عفشه و تغيير فلتر بنزينو تنظيف فلتر التكييف و ترصيص 4 عجلات و ده يوم 16/6/2008 و برده كله تمام

بعد كده عملت صيانة 15000 عند اوتوماستر برضه و اتكلفت 747 جنيه تغيير زيت موبيل 1 و فلتر زيت و بنزين و تيل فرامل امامى و ده كان يوم 16/8/2008 و برده مافيش مشاكل طبعا الحمد لله حتى الان مافيش مشاكل فى السيارة فاطبعا كل اللى بحكيه ده عادى و فى كل مرة خدمة العملاء بتتصل بيا تتطمن على الصيانة بعد ما بخلص

[semsem85]

واضح ان حضرتك بتتحرك كتير بالعربية بس ياريت حضرتك توضح لينا تيل الفرامل الامامي ب 500 جنيه يعني وتقولني احسن فرع عجبك وشكرا علي اهتمامك

[dinow]

لأ تيل الفرامل الامامى للاوبترا الكورى الاصلى ب 226 جنيه و 24 جنيه مصنعية يعنى المجموع 250 جنيه فقط و قاللى ان المصرى اصلى برضو من انتاج جنرال موتورز مصر ب 170 جنيه بس طبعا انا اخترت الكورى

[semsem85]

طيب حضرتك ليه الفرق الكبير بين صيانة 5000 - 10000 و15000 في النكلفة ممكن التوضيح

[dinow]

شوف ياسيدى الفرق ان فى الصيانة الاولى المصنعية مجانية يعنى انا مادفعتش غير تمن الزيت و الفلاتر بس
فى التانية انا مادفعتش غير مصنعيات بس مصنعية الفحص الدورى و تنضيف الفلتر و الترصيص ة تغيير فلتر البنزين + تمن فلتر البنزين

فى التالته بقى الموضوع وسع تمن الزيت و الفلاتر و التيل + مصنعية الفحص الدورى و تغيير التيل و الزيت ز الفلاتر + طبعا ضريبة المبيعات

[semsem85]

عاوزين ياجماعة اللي كل واحد يقول تجربته مع التوكيل والصيانه عشان الكل يستفيد