عايز شيفرولية

[Martin5555]

السلام عليكم يا جماعة
انا بفكر اشترى عربية وبحاول افهم من المنتدى الرائع ده ومن أعضائة المحترمين والمتعاونين لاقصى درجة.
انا ممكن ادبر لغاية 50 ألف ، وعايز حاجة نضيفة يعنيحديثة فوق ال 2003 مثلاً
انا لسه جديد في السواقة بتعلم لسه وماشي الحال لغاية دلوقتي
عايز موديل حديث ويكون قطع غياره متوفر وسعره معقول
تنصحوني بإيه يا رجالة الشيفروليه ؟ هل ممكن اجيب أفيو موديل حديث أو اوبترا ؟
وايه هيه عيوب العربيتين دولت ؟ وبرده مميزاتهم
شكراً مقدماً على الاهتمام.

[د.عماد صلاح]

صعب اوبترا ممكن افيو مانيول او لانوس او سبارك

[Martin5555]

الف شكر يا باشا على سرعة الرد .
رأيك ايهم الافضل اللأفيو ولا اللانوس ، انا مش ميال للاسبارك علشان انا محتاج شنطة في العربية
وممكن اجيب موديلات حديثة ولا ايه ؟

[د.عماد صلاح]

الافيو بالنسبه لي احسن
العربيه حاسس انها اعلي وكمان طبعا اوسع بس عيب الافيو ان التكييف ضعيف و بيموت الموتور و بعد 120 العربيه بتخف كتير بس لو مالكش في الجري تبقي ممتازه ليك
اللانوس يفضل تجيبها دايو مش شيفورليه لان الشيفورليه عامله شويه مشاكل مع الناس
انا عامل موضوع اسمه ثلاث سنوات وونصف مع الافيو علي الصفحه التانيه بص عليه هيفيدك اوي

[Martin5555]

ربنا يخليك يا د. عماد ، انا محتاج مشورتك لاني خايف اوي
انا اسمحي محمود وبشتغل في مكتبة الاسكندرية في الشاطبي لو تعرفها ، وستكن في سيدي جابر يعني المشوار قريب، بصراحه انا تعبت جداً من المواصلات والزحمة ، فقررت اجيب عربيه وهاخد قرض من البنك هوه مش كبير لان انا معايه 30 كاش أولاً عن آخر وهاخد قرض ب 15 ألف وبصراحه انا عايز ارتاح من المواصلات والمطرة والبهدلة في الشتاء .
انا يا باشا بخرج من 8 الصبح وبخلص شغلي 4ونص وباخد كورسات الماني وانجليزي 5 ايام في الاسبوع وبخلص 9 بالليل وبكون مش قادر ابص ادامي وبعد كده بروح ادور على مواصلات علسان اروح .
فعشان كده انا عايز ربنا يكرمني بعربية تريحني من تعب المشاوير ومشاكلها .
ايه رأيك نتصحني اجيب ايه أو ادور علي اني نوع من العربيات وانيه موديل ،
انا لسه جديد في الموضوع
وشكراً مقدماً على الاهتمام

[د.عماد صلاح]

ممكن تجيب افيو كويسه من 2006 الي 2008 بسعر من 50 الي 55 الف وهي عربيه اعتماديه يعني مشاكلها قليله ورفاهيتها قليله برضه بس مش هتوجع دماغك

[Elkordy2000]

في رأي الشيفروليه لانوس اكيد حالتها هتكون افضل من الافيو وخصوصا علشان المبلغ اللي معاك ., الشيفروليه لانوس عربيه رائعه بكل المقاييس كانت معايا سنتين اعتماديه جدا اعطالها قليله عكس ما يشيع بعض التجار عن الشيفروليه لانوس انها مستواها اقل من الدايو , بالعكس رائعه جدا واعطالها قليله ومعروفه .., الافيو اسمع ان تقفيلها وحش ومشاكلها كتيره ( مجرد سمع من اصحابها ومن المنتدي وليس استخدام شخصي ) رأيي خليك في اللانوس وبرضو شوف رأي باقي الاعضاء وفي الاول والاخر استخير ..... وبالتوفيق

[د.عماد صلاح]

انا كان معايا افيو 3 سنين و نص معملتش حاجه غير تغيير حساس كامه بالاضافه للصيانه و مكنتش بروح التوكيل