Tweet
السلام عليكم ،،،،
اصدقائى الاوبتراوية .....
النهاردة كان معاد الصيانة الدورية (صيانة 75000 كم) لعربيتي (شيفروليه اوبترا مانيوال 2009) في مركز المنصور للسيارات بالكيلو 4 ونصف في ابو رواش و بجانب اجراءات الصيانة العادية من تغيير زيت وتربيط عفشة وخلافة طلبت تغيير تيل الفرامل الامامي عشان في الصيانة اللي قبلها قالولى لازم تتغيير الصيانة اللي بعديها وكمان والبوجيهات ... المفاجأة بعد استلام السيارة والتوقيع علي اسعار عمليات الصيانة قبل الذهاب للخزينة وجدت ان سعر التيل الامامي 81 جنية فقط
والبوجيهات 4 شمعات ب 42 جنية !!!! طبعا سالت الموظف الاداري وقولتله اكيد في حاجه غلط عشان انا مغير التيل من فترة سنة تقريبا وسعر وقتها كان 260 جنية تقريبا او ازيد شوية فراح الموظف رادد عليا رد غير مقنع وقالي اصل المنصور جاب مدير اجنبي للمركز والمدير ده عمل تغييرات كتيره !!! بصراحة الكلام مدخلش دماغي رحت رايح عند بتوع مركز قطع الغيار وسالتهم علي سعر التيل والبوجيهات والمفاجأه ان الموظف قالي ان التيل سعره 307 جنية والبوجيهات من سعرها 160 جنيه !!!!! بصراحه هنا كنت في قمة اندهاشى وقولتله اومال انا مكتوبلي ليه في تقرير عمليات الصيانة ان سعر التيل 81 جنية والبوجيهات 42 جنية رد عليا وقال "اصل دي حاجات مصري انما الاسعار الغالية اللي قولتلك عليها دي اسعار قطع غيار جنرال موتورز المستوردة" !!!! صرخت في وشه وقولتله هو انتم علي اي اساس بتختارو قطعة الغيار اللي تركب عند العميل ؟؟؟ ومن امتي التوكيل بيجيب قطع غيار محلي ويركبها اومال اسمه توكيل ليه ؟؟؟؟؟
قالي يا استاذ حضرتك فهمتني غلط لما اقولك مصرى مش معناها انها محلي انما اقصد انها من انتاج مصانع جنرال موتورز مصر لقطع الغيار .... قولتله هو انتم كمان بقي عندكم مصانع قطع غيار ما شاء الله ما شاء الله طيب والبيه مهندس الاستقبال مخيرنيش في الاول اركب جنرال موتورز المصرى ولا المستورد ؟؟ عامة انا مكدبتش خبر رحت لمهندس الاستقبال وقعد يقنع فيا انه كده عمل معايا خدمة ووفرلي فلوس كتير وقعد ياكد لي ان كفاءة قطع الغيار هيا هيا ومفيش اي اختلاف وبضمان التوكيل ..... بصراحة انا اقتنعت بكلامة وموضوع التوفير ده اكيد كان حاجة افضل بالنسبة لى ... عامة انا حبيت اشارك معاكم تجربتي دى واللي ميعرفش ان منصور عنده قطع غيار جنرال موتوز مصري يبقي يعرف :) ويا ريت لو حد جرب قطع الغيار اللي زي كده يقولنا تجربته معاها ايه ..... وكل عام وانتم بخير
اصدقائى الاوبتراوية .....
النهاردة كان معاد الصيانة الدورية (صيانة 75000 كم) لعربيتي (شيفروليه اوبترا مانيوال 2009) في مركز المنصور للسيارات بالكيلو 4 ونصف في ابو رواش و بجانب اجراءات الصيانة العادية من تغيير زيت وتربيط عفشة وخلافة طلبت تغيير تيل الفرامل الامامي عشان في الصيانة اللي قبلها قالولى لازم تتغيير الصيانة اللي بعديها وكمان والبوجيهات ... المفاجأة بعد استلام السيارة والتوقيع علي اسعار عمليات الصيانة قبل الذهاب للخزينة وجدت ان سعر التيل الامامي 81 جنية فقط
والبوجيهات 4 شمعات ب 42 جنية !!!! طبعا سالت الموظف الاداري وقولتله اكيد في حاجه غلط عشان انا مغير التيل من فترة سنة تقريبا وسعر وقتها كان 260 جنية تقريبا او ازيد شوية فراح الموظف رادد عليا رد غير مقنع وقالي اصل المنصور جاب مدير اجنبي للمركز والمدير ده عمل تغييرات كتيره !!! بصراحة الكلام مدخلش دماغي رحت رايح عند بتوع مركز قطع الغيار وسالتهم علي سعر التيل والبوجيهات والمفاجأه ان الموظف قالي ان التيل سعره 307 جنية والبوجيهات من سعرها 160 جنيه !!!!! بصراحه هنا كنت في قمة اندهاشى وقولتله اومال انا مكتوبلي ليه في تقرير عمليات الصيانة ان سعر التيل 81 جنية والبوجيهات 42 جنية رد عليا وقال "اصل دي حاجات مصري انما الاسعار الغالية اللي قولتلك عليها دي اسعار قطع غيار جنرال موتورز المستوردة" !!!! صرخت في وشه وقولتله هو انتم علي اي اساس بتختارو قطعة الغيار اللي تركب عند العميل ؟؟؟ ومن امتي التوكيل بيجيب قطع غيار محلي ويركبها اومال اسمه توكيل ليه ؟؟؟؟؟ قالي يا استاذ حضرتك فهمتني غلط لما اقولك مصرى مش معناها انها محلي انما اقصد انها من انتاج مصانع جنرال موتورز مصر لقطع الغيار .... قولتله هو انتم كمان بقي عندكم مصانع قطع غيار ما شاء الله ما شاء الله طيب والبيه مهندس الاستقبال مخيرنيش في الاول اركب جنرال موتورز المصرى ولا المستورد ؟؟ عامة انا مكدبتش خبر رحت لمهندس الاستقبال وقعد يقنع فيا انه كده عمل معايا خدمة ووفرلي فلوس كتير وقعد ياكد لي ان كفاءة قطع الغيار هيا هيا ومفيش اي اختلاف وبضمان التوكيل ..... بصراحة انا اقتنعت بكلامة وموضوع التوفير ده اكيد كان حاجة افضل بالنسبة لى ... عامة انا حبيت اشارك معاكم تجربتي دى واللي ميعرفش ان منصور عنده قطع غيار جنرال موتوز مصري يبقي يعرف :) ويا ريت لو حد جرب قطع الغيار اللي زي كده يقولنا تجربته معاها ايه ..... وكل عام وانتم بخير
Comment