كلاكيت عاشر مرة المية بتفور من القربة

[dodo2000]

غيرت 3 قربة مية
غيرت 3 غطيان للقربة
غيرت 3 ترموستات كوعة
غيرت كل الخراطيم الكاوتش
غسلت الرادياتير مرتين
الكهربائى كشف على المراوح و على شغلها و كشف بالجهاز على حساسات المراوح و الكتاوت و مفيش مشكلة
حوالى 4 ميكانيكية جربو العربية علشان يشوفو فيها جوان وش سلندر ولا لأ و كلهم اجمعو على ان مفيش حاجة
المية مش بتنقص من القربة
طرمبة المية بقالها 6 شهور متغيرة بواحدة اصلية


كل ده و المية بتفور من القربة و انا فى الزحمة يعنى بمشى و بقف لفترة طويلة انما فى الطوالى مفيش حاجة
مؤشر الحرارة قبل النص و العربية مش بتسخن
القربة و الغطا و الترموستات و الخراطيم و الطرمبة شاريهم من التوكيل

انا صارف فوق ال3000 و مش عارف اوصل لحد مع العلم ان العربية راحت التوكيل مرتين علشان المشكلة دى و محدش هناك عرف يحلها لان ممكن العربية تفضل عادى جدا لمدة كام يوم و فجأة المية تفور

لو حد عنده حل هياخد فيا ثواب علشان انا كرهت نفسى و كرهت العربية

العربية 2008 اوتو ماشية حاجة و تسعين الف

[mndooo]

نفس المشكله عندى

[Mostafa.Mahran]

الموضع ده كان عندى و المشكلة كانت فى المراوح و اتحلت مع تغيير الفيوزات

[د.عماد صلاح]

معلش عندي سؤال
تركيز الماء اللي حضرتك حاطه في الراديتير كام 5المائه و 33 المائه ولا 50 المائه

[Mostafa.Mahran]

حتى لو مية حنفية المفروض متعملش كده

[saddam]

صديقي المواطن
هل.إنت منظف راديتير بالجهاز ولا حطيت فلاش.في المكنة ربع ساعة ثم نظفت الراديتير بالجهاز عشان أتأكد بس إن المواسير في المكنة مجاري المياه مفتوحة
وبعديها تركب ثرموستات سبعينات على ثمانينات وتركب كتاوت أصلي إضافي للمروحة وتجيب مروحة إضافية صغيرة أمام الراديتر وبرضو كتاوت مستقل لوحديها وخلاص تنسى السخونية وحتتحل عندك وبالتوفيق ووبلاش ثرموستات تسعينات عشان العربية لما تبتدي تشتغل المراوح تكون المياه الخضراء إبتدت تنط بره عقبال ما العربية مراوحها تلاحق عليها
ودمتم للنضال

[د.عماد صلاح]

الاخ المناضل ده موسوعه غير محدوده ...فاهم ومذاكر ومراجع و بيعقدنا بقي

[saddam]

الاخ المناضل ده موسوعه غير محدوده ...فاهم ومذاكر ومراجع و بيعقدنا بقي

صديقي المواطن
أنا نفسي أساعد بأي طريقة
ودمتم.للنضال

[mohbasyouni]

فعلا الاخ صدام بيرد على اى مشكله ردود شاملة موسوعه فعلا

[dodo2000]

الرادياتير اتغسل بالمنظف و دورت العربية و رجعت نزلت المية منه
ورجعت غسلته تانى فى البنزينة بدورة مية مضغوطة و كان نضيف اصلا

بالنسبة لتغيير الترموستات و المروحة الزيادة الكلام ده ميتعملش فى عربية جديدة فى القديم ماشى انما فى عربية 2008 لأ و غير كده دى مشكلة و حلها صعب شوية انما مش عيب اساسى فى العربية بدليل ان كل العربيات الاوبترا الى فى الشارع ماشية بنفس الترموستات و نفس المراوه و مع ذلك مش بيحصلها حاجة

[dodo2000]

وانا بستخدم المية الحمرا من التوكيل الى تركيزها 50%

[dodo2000]

الاستاذ ابو يحيى و الاستاذ حسام اوبتراوى و الاستاذ صدام اى حد يشك فى حاجة او يعرف حل للموضوع ده يقولى لانى تعبت

[abou-yahia]

الاستاذ ابو يحيى و الاستاذ حسام اوبتراوى و الاستاذ صدام اى حد يشك فى حاجة او يعرف حل للموضوع ده يقولى لانى تعبت

انا ماليش دعوه

انا معملتش حاجه



لا فعلا موضوع غريب

بس يوهيالي كده انها في مشكله في طرمبه المياه كهربائيه

بصراحه مشكله غريبه

طيب العربيه في السلانسيه بتسخن حتي مع التكييف

ان شاء الله تعرف السبب

[HeMa_LanCeR]

انا بقي حاسس ان في حاجة بتدخل هوا لدوره التبريد فا بتعمل كده
وياريت تتأكد ان المراوح شغاله مستويين ودور كويس علي اي تسريب مياه خفيف

[lanos2004]

عيب مراوح زود ارضى العربيه