تجربة ،، للإفادة

[falak]

قدر الله وماشاء فعل والف مبروك على تصليح العطل
ودايما نصيحتى للى عاوز ينضف tps او البوابة ذى ما بتقول انة يعملها فى الوكالة عشان لازم يفك ساالب البطارية
وبعد ما ينضف لازم يعمل اعادة برمجة ودى بتبقى سهلة جدا
طريقة اعادة كمبيوتر السيارة كالتالي :
1= افتح السويتش بوضع on يعني انوار التبلوة مولعه
2= افصل اصبع البطارية السالب
3= طلع المفتاح من السويتش
4=بعد 20الى 30 دقيقة ركب اصبع البطارية السالب
5= سم بالله وشغل العربية

فالى حصل معاك ان الباشا الى نضف الحساس مفصلش سالب البطارية فحصل الى حصل
والحساس بينضف فى حالة ان العربية بتفتف وتقطع معاك

كتر خيرك يا بشمهندس
معلومات قيّمة فعلاً
جزاك الله كل خير
كل سنة وانت طيب يا باشا

[falak]

صديقي المواطن
الحمد لله مشكلتك حلت
لكن اﻷمانة الحياتية والتجارب في مصر تحتم عليا أقولك إن أنت حظك وحش وقابلت ناس سيئة في الصنعة ودول عارفين إنهم كتير لكن جملة وتفصيلا التوكيل ليس أفضل الحلول ودائما أسطواته من الصف الرابع والخامس والتكاليف خرافية وإنت عشان عطلك بسيط حلهولك ببساطة بس أي مشاكل تانية حيخلوك تكره.نفسك ونخسر الدنيا واﻵخرة يا راجل يا طيب التوكيلات لعربيات متكونش موجودة كتير ولسه جديده وحاجات معينة غالبا بتكون في ألكترونيات وكهربائيات المحرك غير.كده التوكيل مضيعة للوقت والمال وسرقة من أثرياء المجتمع والضحك على الناس البسطاء وبالتوفيق
ودمتم للنضال

عندك حق طبعاً
وهذا ما أثبتته لي التجربة بعدها مباشرة ،، حيث إن أفيز كاوتشة الكوبلن اتفك
رحت التوكيل عشان يربطوها كويس ،، أو يركبوا أفيز جديد
لكنهم قالولي ،، لأ .. لازم كاوتشة الكوبلن تتغير كلها ،، وتمنها حوالي 275 للكوبلن الواحد
قلتلهم شكراً ،،
لإني لو عملتها برة ،، ساعتها أعتقد غنها هاتتكلف أقل بكتير ،، أو هايلاقوا حل غير التغيير
خالص شكري وتقديري لك يا باشــأ
وكل سنة وانت طيب