ماهيا عيوب الافيو؟وما هيا المميزات؟

[fady.bekatcho]

يا جماعة انا كنت ناوى اشترى افيو بس فى ناس كتير خوفونى منها
ومعاهم افيو
فقالولى مش حلوة فى الركن وانت ماشى بالعربية مش بتشوف الجوانب كويس وبتحس انك هتخبط وكلام من دة فياريت حد يقولى اية هيا العيوب

[MoToRiZeR]

انا كنت بفكر أجيب أفيو بس جبت سيريون
بالنسبة لموضوع أبعاد العربية ده مش أوي لأن معظم العربيات الجديد مبتبقاش شايف الكبوت ولا الجناب .. بالتعود هتعرف تلم العربية

بس انا بالنسبة لي كانت عيوبها قلة الكماليات

يعني حتي الفل اوبشن فيها الزجاج الخلفي مش كهرباء .. كمان لقيت السيريون أوسع مع إنها هاتش باك

ده بالنسبة للعربية نفسها و إنت قاعد جواها إنما عيوبها و مميزاتها عالطريق معرفش بصراحة لأن مسقتهاش

[fady.bekatcho]

ميرسى لردك يا غالى
بس عايز حد يكون بيفهم فى الافيو كويس يقوله اية العيوب والمميزات بالظبط لانى ناوى اشترى افيو 2009 هاف مانيوال

[hafeztamer]

اهم عيب التزيق فى العفشة و سحبها سئ مع المكيف و توكيلها سئ حسبى الله فيهم ذهبت ليهم 4 مرات لتزيق العربية وبعد عذاب شحموا الميزان توكليها سئ جدا

[hanyelwaly2010]

العيوب:
1 سحبها فعلا سيء مع التكييف و مع تكرار التوقف لازم الاول مش التاني
2 التكييف لحد ما ضعيف
3 الثبات في الضياع بعد 120
4 مراكز خدمتها متوسطه
5 ضيقه من الخلف

اما مميزاتها اكثر من عيوبها
1 استهلاكها للبنزين جميل جدا بيعمل ب 45 لتر 460 كيلو و داخل المدينه 420
2 عاليه عن الارض مما يجعلك تاخد المطباط بسلاسه
3 سحبها خطييررر بس لازم تكون قافل التكييف
4 قطع غيارها رخيصه و في المستقبل هتبقا زي 131 و 128 و تتصلح في اي حته
5 سعر اعاده بيعها جميل مش هاتخسر كتير في تمنها الاساسي
6 التابلوه فيه شياكه مع تصميم العدادات بالون الاخضر و الاحمر
7 شنطتها واسعه
8 التقفيل المصري يعني معقول متخافش منه قوي

و الله يوفقق للاختيار الموفق واي استفسار قول و انا هارد عليك عشان انا معايا الافيو 2008

[fady.bekatcho]

شكرا ليكم يا جماعة على سرعة رجكم وتجاوبكم

طيب يا جماعة بالنسبة للعربيات الى فى نفس السعر دة

هيا الاحسن فى الاختيار ولا اية

معلش انا عارف انى تعبتكم جامد معايا

[Hosam_Optrawy]

الافيو والرينو كليو هما احسن اتنين فى الفئه السعريه دى
يعيب الكليو ان قطع غيارها هاتبقى اغلى من الافيو
لكن فى الاجمالى اعتقد ان الكليو افضل

[A_Mando]

طيب ما البونتو كلاسيك 2008 كمان فى نفس السعر دة ولا ايه رايكم؟

[hanyelwaly2010]

بص الشيفروليه وانتا نازل يعني بين كل دبابه و دبابه دبابههههههههههههههههه
خليك في الافيو انا جيبتها من 6 شهور و تمام التمام

[NABILL_TIDA]

والله يا اخي ما انصحك فيها

لانها من ضمن اسوء عشر سيارات في العالم لعام 2007

راجع التقارير على الانترنت

[egyptianmafia]

el 3yoob...takfeel masry wehesh gedan.....ana sokt
el Aveo fe Canada wa kanet zay el fol.....laken el Aveo hena mesh helwa khales......el Aveo el waheeda el kawayesa heya el HB alashan heya Korean....bas heya manual bas wa ana basook AT bas....

[mohamed_magdi]

ممكن سؤال انا فعلا ناوى اجيب افيو بس خايف من نقطة ان سحبها مع التكيف ضعيف ممكن التوضيح بالظبط ازاى

[gassermohyaldin]

لو شغات التكييف فى الافيو العربية سبحان الله بتتحول الى عربية سيات تقرقر وتنهئ

[menabigboss]

هي مش من اسوء 10 سيارات في العالم.........
هي اسوء سيارة في العالم.....:k20:
دة رايي....بعد ركوب اللانوس والنوبيرا...........ولا داعي لمقارنتها بأعلي من كدا