الاوبترا وال120 الف كيلو

[hpxp]

راي في الاوبترا من اول ما جبتها غير راي لما عرفتها
كان راي فيها في الال انها زي الفيرنا لكن مع الايام اثبتتلي كفائتها
بعد اما عربيتي الكورولا اتسرقت اتضرينا نجيب الاوبترا ركبتها لا abs ولا ايرباج وطالما كوري تبقي خفيفه ومش ثابته وانها عربيه زباله
درات الايام والعربيه كل يوم عن يوم بتثبتلي كفائتها من جوده وتحمل انا من الاخر العربيه الي بتيجي تحت رجلي كانها دخله حرب استنزاف
العربيه في التحميل مبتقولش لا
في الثبات بتبقي لزقه في الارض
سحب طياره
ولحد من اول يوم اشتريتها فيه لسه زي ما هيا بنزل من بيتي ادورها وامشي
العفشه مغيرها علي 110 الف وده رقم معايا كويس لاني بالصلاه علي النبي باخد مطبات علي 140 وحجات غريبه كده لاني بنظاره
العربيه الحمد لله وبعد ال120 الف لحد الان مش بعملها الا الصيانات العاديه بس
ومحصلش معايا غير مشكله واحده بس هيا انها سخنت مني بسبب طرمبه الميه اكسرت لاني مغيرتهاش في معدها صلحتها بس لسه في مشكله بسيطه كده الميه بتنقص ولسه هفك الردياتير واغسله واشف بقيه الخراطيم
لكن الاوبترا اثبتتلي يعني عربيه اعتماديه
عربيه تخليك مطمن عليك وعلي اسرتك انت معاك انها مش هتوقفك علي طريق ولا تخلي شكلك وحش في يوم هتتناسب مع كل طرقق سوا حلوه عاديه مكسرة حمل ولا يهمك
من الاخر عربيه ناجحه جدا غلبت الكورولا بتاعتي في حجات كتير اولها التحميل والسحب والثبات
والسلام عليكم

[amr011111]

ربنا يباركلك فيها ويكفيك شرها ويديك خيرها

[J A G U A R]

الاوبترا عربيه محترمه .. بس عيبها انعدام وسائل الامان

[Hosam_Optrawy]

ربنا يباركلك فيها

[lanos2004]

شكرا لنقل تجربتك

[gadoo30]

ما شاء الله ربنا يباركلك فيها

[drmagieed]

ربنا يبارك لك فيها ... والرحمة حلوة (مطب علي 140 كم) أمال بتهدي أمتي!!!

[ahmedhilmy]

ربنا يباركلك فيها

[د.عماد صلاح]

انا ماشي بها 5 الالاف ....اجمل حاجه الثبات الممتاز و السحب القوي و الكومبو الرائع بين الفتيس و الموتور تحس ان بينهم ماهو اقوي من قصه حب تحس ان العشره الطويله بينهم ..العربيه من ايام 2006 ...خلت الحب معاه تفاهم فلما تحب تزود بسرعه تلاقي اوامرك اجيبت في ثانيه
الفرامل جيده جدا ينقصها الاي بي اس عشان تعرف تجري براحتك بالموتور ده استهلاك البنزين اللتر من 10 الي 12كيلو للتر
العيوب....صاج السقف و الكبوت ....

[medo500]

مشكور ياباشا وربنا يستر عليك وعلينا وعلي الجميع

[assaf]

ربنا يبارك لك فيها

[khaled181169]

الف مبروك وربنا يديك خيرها ويكفيك شرها

[ahmed khedr]

انا اتخضيت من عنوان الموضوع
بس الحمد لله

اصل انا لسه حكمل 120 انا دلوقتي 118

الحمد لله

[mostafablidy]

ربنا يبارك فيها ويكفيك شرها

[S O P H O S]

عربية قدرت تثبت نفسها فالسوق
ربنا يبارك