الافيو .. واصوات غريبه ..

[schengen]

السلام عليكم ورحمة الله

العربيه عامله 51 ألف كيلو ولسه ماعملتش صيانة الخمسين

الصوت1:

في المطبات ..ساعات اجي أطلع المطب اسمع زي مايكون فيه حاجات في شنطة العربيه بتدلق مع انها فاضيه .. الصوت ده من قدام أصلا .. و ساعات اخد المطب ماسمعش صوت خالص ..

الصوت 2:

لما بدوس فرامل بسمع صوت عضه كده .. وانا باركن في الجراج فيه نزلايه .. نازل براحه ودوست فرامل مره واحده علشان أجرب .. سمعت صوت الدلدقه ده وصوت العضه جامده

الصوت 3:

الكرسي اللي جنب السواق بيزيق بس مش عارف احدد منين بالظبط



ايه بقي الأصوات اللي بسمعها دي؟؟ :d

ياتري هاتروح لو عملت صيانة الخمسين ؟؟


وشكراً :)

[J A G U A R]

متابع

[مهند-النجار]

بالنسبة لموضوع العضة دة هل كان موجود قبل كدة ولا اول مرة تلاحظه
الموضوع دة موجود عندي لما تدوس فرامل للاخر والعربية تقف دة صوت التيل بيسمك ف الطنبور ة و الصوت دة سالت عليه وعرفت انه طبيعي علي الاقل عندي

[abou-yahia]

السلام عليكم ورحمة الله

العربيه عامله 51 ألف كيلو ولسه ماعملتش صيانة الخمسين

الصوت1:

في المطبات ..ساعات اجي أطلع المطب اسمع زي مايكون فيه حاجات في شنطة العربيه بتدلق مع انها فاضيه .. الصوت ده من قدام أصلا .. و ساعات اخد المطب ماسمعش صوت خالص ..

الاغلب مساعد

الصوت 2:

لما بدوس فرامل بسمع صوت عضه كده .. وانا باركن في الجراج فيه نزلايه .. نازل براحه ودوست فرامل مره واحده علشان أجرب .. سمعت صوت الدلدقه ده وصوت العضه جامده

راجع بيض الطرف وجلب المقصات

الصوت 3:

الكرسي اللي جنب السواق بيزيق بس مش عارف احدد منين بالظبط

رش wd-40 علي الصواميل

ايه بقي الأصوات اللي بسمعها دي؟؟ :d

ياتري هاتروح لو عملت صيانة الخمسين ؟؟


وشكراً :)

حضرتك محتاج تعمل كشف عند عفشجي محترم عشان تعرف ايه حاله العفشه بالضبط

[schengen]

حضرتك محتاج تعمل كشف عند عفشجي محترم عشان تعرف ايه حاله العفشه بالضبط

طب حضرتك تفتكر لو وديتها صيانة الخمسين ممكن يظبطوا الدنيا ولا لازم زياره خاصه لعفشجي؟

[AHMADALY1999]

و لا حيعملوا اى حاجة
العفشجى اهم

[medo_h_e]

بالنسبه للصوت التانى ده عادى ... ده موجود فى اى عربيه لما بتدوس فرامل بتحس بصوت تحجير كده ! خصوصا لو العربيه فى منزل او مطلع
اما الصوت التالت هتلاقى مسامير الكرسى عاوزه تتربط تانى مفيش فيه مشكله سهل يتعمل
لكن المشكله فى الصوت الأول ده حاول تقول لهم عليه فى التوكيل او اتأكد يمكن يكون الاستيبن بيتحرك او كوريك مثلا
لكن كلها حاجات بيسطه