ان شاء الله هشتري كروز وفي أشد الحاجة للنصيحة

[memaid]

انا ان شاء الله أدامي كروز اول فئة اتوماتيك رشة برة ماعدا سقف ماشية ٥٦٠٠٠ كم بيتكلم في ٨٧٠٠٠، وادامي كروزهاي لاين ٢٠١٠ فابريكة برة وجوه بس عاملة ١٠٨ كم وبيتكلم ٩٥٠٠٠ ة،بس انا قلقان من مشاكل الفتيس هل هي مشكلة عامة
وهل يمكن الكشف عن الفتيس اثناء الكشف على حالة العربية قبل الشراء،
وهل أفكر في العربية اللي عدادها اقل (عشان الفتيس)، أرجوكم مستني مساعدتكم عشان أخد قرار

وشكرا لتعاونكم

[Eng_hatemfathy]

رأىى تعلى شوية فى الموديل وتقل فى الكيلو متر ولو تقدر تجيب كسر زيرو بالفتيس الجديد هيكون احسن لانى اكتشفت ان قطع غيارها غالية واعتقد ان محدش حمل فتيس
انا اعرف ناس معاهم 2010 ومفيش مشاكل بس قريت عن ناس تانيه حصلها مشاكل
فمن رأىى بلاش تغامر
انا بعد ما اتكلفت 3206 جنيه علشان اغير اكصدام عربية كورى لمجرد خبطة فيه من ورا من ملاكى
كرهت العربية وحسيت ان ده منتهى الاستعباط سواء فى التحمل(يعنى ايه الاكصدام يتكسر والجسر تحته يتعوج) او اسعار قطع الغيار ل(لما يبقى الاكصدام ب 1995 جنيه )
طب ليه!!!!!

[Elkordy2000]

بصراحه الكروز مشكلتها في الفتيس واعتقد انها شكوي عامه وخصوصا انك هتشتري مستعمل خارج الضمان ,يعني الفتيس لو حصل فيه مشكله هتتعور جامد في الفلوس وهتزعل , انا كنت ناوي اجيبها من سنه مستعمل برده بس الميكانيكي واكتر من واحد قال لي بلاش , مشاكل الفتيس كتير وتكلفته عاليه جدا جدا حتي الاستيراد , فصرفت نظر وجبت اوبترا كسر زيرو برقبه الكروز بصراحه .... رأيي فكر تاني كويس

[memaid]

انا ان شاء الله هاكشف على العربية في ابو غالي وهعرف حالة الموتور
انا اتفرجت على عربية ما شاء الله فابريكة جوه وبرة بس الغريب ان اللي ببيعها مصمم يركبلها فرش جلد وانا رحت النهاردة لقيتها فاكك الكتب والكراسي و بيركب فرش ، هل ده طبيعي لو حد بيبيع

[mido]

بصراحه الكروز مشكلتها في الفتيس واعتقد انها شكوي عامه وخصوصا انك هتشتري مستعمل خارج الضمان ,يعني الفتيس لو حصل فيه مشكله هتتعور جامد في الفلوس وهتزعل , انا كنت ناوي اجيبها من سنه مستعمل برده بس الميكانيكي واكتر من واحد قال لي بلاش , مشاكل الفتيس كتير وتكلفته عاليه جدا جدا حتي الاستيراد , فصرفت نظر وجبت اوبترا كسر زيرو برقبه الكروز بصراحه .... رأيي فكر تاني كويس

ازاي بس الاوبترا برقبة الكروز..في عرف مين يعنى :)

[Elkordy2000]

ازاي بس الاوبترا برقبة الكروز..في عرف مين يعنى :)

في عرفي انا برنس , وفي عرف اي حد مايفرقش معاه الاوبشن الكتير اللي في الكروز واللي ممكن تكون مصدر ازعاج للكثير ., ده مش معناه ان الكروز وحشه اكيد لأ ., انما انا شايف ان الاوبترا اعتماديه اكثر, ماتور جبار متناسب مع بودي العربيه بعكس الكروز اللي هي هي نفس ماتور الاوبترا ., عافشه ممتازه تتناسب مع حواجز الخيل اللي في الشارع مش مع المطبات بس , فتيس مشاكله تكاد تكون معدومه , عاليه عن الارض علشان المطبات وده ميزة رائعه ., الدليل كمان علي كلامي شوف سعر اعاده البيع بتاع الكروز وشوف بيقع اد ايه ؟؟؟!!! وقارن بينه وبين سعر الاوبترا اللي ماسكه سعر

[mido]

في عرفي انا برنس , وفي عرف اي حد مايفرقش معاه الاوبشن الكتير اللي في الكروز واللي ممكن تكون مصدر ازعاج للكثير ., ده مش معناه ان الكروز وحشه اكيد لأ ., انما انا شايف ان الاوبترا اعتماديه اكثر, ماتور جبار متناسب مع بودي العربيه بعكس الكروز اللي هي هي نفس ماتور الاوبترا ., عافشه ممتازه تتناسب مع حواجز الخيل اللي في الشارع مش مع المطبات بس , فتيس مشاكله تكاد تكون معدومه , عاليه عن الارض علشان المطبات وده ميزة رائعه ., الدليل كمان علي كلامي شوف سعر اعاده البيع بتاع الكروز وشوف بيقع اد ايه ؟؟؟!!! وقارن بينه وبين سعر الاوبترا اللي ماسكه سعر

علي فكرة الكروز مفيهاش اوبشنز عايز اوبشنز هات سيراتو
الكروز شاسيه اويل و بمقارنته ب الكوري من النوبيرا و الالنترا و السيراتو و الاوبترا فرق السما و الارض العربيات دي كانت معايا و مجربها كويس
عموما طالما مقتنع يبقي تمام :) احنا شعب يعشق الفرنا و يفضلها عن الستروين و الرينو

[Elkordy2000]

علي فكرة الكروز مفيهاش اوبشنز عايز اوبشنز هات سيراتو
الكروز شاسيه اويل و بمقارنته ب الكوري من النوبيرا و الالنترا و السيراتو و الاوبترا فرق السما و الارض العربيات دي كانت معايا و مجربها كويس
عموما طالما مقتنع يبقي تمام :) احنا شعب يعشق الفرنا و يفضلها عن الستروين و الرينو

يا بيه انا بقارن الاوبترا اللي مفهاش اوبشن خالص بقارنها بالاوبشن اللي في الكروز زي الملتي فانكشن وحساسات المطر والضوء والبلوتوث وغيره وغيره واللي هي في الاساس متهمنيش اوي انا شخصيا لكن يهمني جدا الاعتماديه في المقابل زي مثلا الصيني ممكن يديك اوبشن كتير جدا وكمان ممكن شكل حلو بس الاعتماديه زفت والامثله كتير للأسف .., وده اللي بنسميه ثقافه الانتقاء حسب الحاجه واللي احنا كمصريين نفتقدها كثيرا ....
الستروين والرينو عربيات هايله جدا اعتماديه ورفاهيه اخر حاجه بس عايزه اللي يقدر يصرف عليها

[د.عماد صلاح]

الاخ اللي بيقول ان الاوبترا برقبه الكروز ....انا فاهم قصده هو عايز عربيه قليله المشاكل و عمليه و مايفرقش معاه اوي الاوبشنز ...و بصراحه دي نفس طريقه تفكيري ...عايز عربيه تخدمني و تستحملني مش انا اللي اجري اخدمها

[د.عماد صلاح]

فعلا الفتيس القديم فيه مشاكل ... و كمان جسم العربيه كبير علي الموتور ....يعني الموتور اللي شايل الاوبترا هو اللي كان شايل الكروز

[mido]

يا بيه انا بقارن الاوبترا اللي مفهاش اوبشن خالص بقارنها بالاوبشن اللي في الكروز زي الملتي فانكشن وحساسات المطر والضوء والبلوتوث وغيره وغيره واللي هي في الاساس متهمنيش اوي انا شخصيا لكن يهمني جدا الاعتماديه في المقابل زي مثلا الصيني ممكن يديك اوبشن كتير جدا وكمان ممكن شكل حلو بس الاعتماديه زفت والامثله كتير للأسف .., وده اللي بنسميه ثقافه الانتقاء حسب الحاجه واللي احنا كمصريين نفتقدها كثيرا ....
الستروين والرينو عربيات هايله جدا اعتماديه ورفاهيه اخر حاجه بس عايزه اللي يقدر يصرف عليها

ما الكروز مفيهاش غير زرار الصوت بس :) ولا فيها بلوتوث ولا حساسات
بس عفشة و ثبات محترم و مريحة عموما دى اراء يعنى

[Eng_hatemfathy]

على فكرة مقارنة الاوبترا بالكروز ظلم
مش بس علشان الاوبشنز اللى بينهم
لا انما فرق السعر والحجم والرفاهية والشكل
واكيد المصنع والوكيل مش عبط علشان تبقى واحدة مرة ونص ضعف التانية واوحش منها
المقارنة محتاجه تبقى على اسس وضوابط علشان تبقى عادلة
يعنى تمسكها من اول الابعاد مرورا بوسائل الامان مرورا باختبارات السلامة مرورا بالشكل مرورا بالرفاهيات ومرورا بالاسعار
لان مينفعش اقارن عربية ب 160 الف بعربية ب 117 الف واقول فى الاخر ان الرخيصة افضل من الغالية لان ده بيقول ان المصنع والبياع مبيفهموش حاجه وانهم يقعدوا فى بيتهم احسن
مجرد وجهة نظر عملية فنية مع احترامى لوجهات النظر المخالفة
وابسط مثال نفسى كده مالك الاوبترا يمشى على 50 او 60 فى شارع فاضى ويدوس فرامل مفاجأة ويشوف العربية وصلت لصفر كم/ساعة بعد كام متر ويركب الكروز ويعمل نفس التجربة ويقولنا ايه الاخبار وده تطبيق عملى لمواقف بتحصل كل يوم فى الشارع وبتلبس ناس كتير فى الللى قدامها واعتقد انى دقت من الكاس ده والعربية زيرو وبسبب بروتون والبروتون طبعا باظت وانا اتكسر الاكصدام والجسر !!!!
نفسى مالك الاويترا ينزل يشترى ميكروويف 34 لتر ويشوف هيشيله فين لانه مش هيدخل على الكنبة ولا فى الشنطة ويركب الكروز ويقولنا انه نفع على الكنبة وفى الشنطة
نفسى مالك الاوبترا يركب 3 رجالة ورا على الكنبة ويقولنا ايه الاخبار وينزلهم يركبهم الكروز ويشوف الفرق
نفسى مالك الاوبترا يركب طفل ورا على الكنبة ويشوف هيتحكم فى اغلاق الزجاج والابواب ازاى من عنده وينزل يركب الكروز ويشوف الفرق
طبعا لو قعدت اقارن للصبح مش هخلص
وبالمناسبة هو موتور الاوبترا كام حصان علشان نقارنه بموتور الكروز -اعتقد 107 حصان صح -طب الكروز القديمة 110 حصان والجديدة 115 حصان
طب هو الفتيس كام نقلة علشان نقارنة بفتيس الكروز -اعتقد 4 صح - طب الكروز القديم 6 نقلات والجديد 6 برده
طب لما يبقى الكروز موتورها وفتيسها هما هما بتوع الاسترا يبقى اوبل برده فاشلة!!!
يا جماعة وجهات النظر جميعا تحترم وعلى عينى بس لازم نكون موضوعيين فى المقارنة من غير كلمات ومصطلحات براقة زى " الاعتمادية" لانها كلمات ليس لها ترجمه فى القواميس العلمية والمالية
واللى خلى الناس تقول على اللادا 2107 افضل من 2110 وطبعا من خبرة مالك ل 8 سنوات فرق السما من العما
واللى خلى الناس تقول على البومة افضل من الشارك وطبعا من خبرة مالك سنتين فرق السما من العما
مينفعش اصدق ان الاوبترا افضل من الكروز وده برده من خبرة مالك شهر ونص
نفسى تشتركوا فى منتدىات شيفروليه برا مصر وتشوفوا الناس بتتكلم عن الكروز ازاى -طبعا مع كامل اشفاقى علينا من منصور وعمايله السودا اللى فضى بيها الكروز من الكماليات اللى المفروض تنزل بيها
وتحياتى للجميع

[Elkordy2000]

على فكرة مقارنة الاوبترا بالكروز ظلم
مش بس علشان الاوبشنز اللى بينهم
لا انما فرق السعر والحجم والرفاهية والشكل
واكيد المصنع والوكيل مش عبط علشان تبقى واحدة مرة ونص ضعف التانية واوحش منها
المقارنة محتاجه تبقى على اسس وضوابط علشان تبقى عادلة
يعنى تمسكها من اول الابعاد مرورا بوسائل الامان مرورا باختبارات السلامة مرورا بالشكل مرورا بالرفاهيات ومرورا بالاسعار
لان مينفعش اقارن عربية ب 160 الف بعربية ب 117 الف واقول فى الاخر ان الرخيصة افضل من الغالية لان ده بيقول ان المصنع والبياع مبيفهموش حاجه وانهم يقعدوا فى بيتهم احسن
مجرد وجهة نظر عملية فنية مع احترامى لوجهات النظر المخالفة
وابسط مثال نفسى كده مالك الاوبترا يمشى على 50 او 60 فى شارع فاضى ويدوس فرامل مفاجأة ويشوف العربية وصلت لصفر كم/ساعة بعد كام متر ويركب الكروز ويعمل نفس التجربة ويقولنا ايه الاخبار وده تطبيق عملى لمواقف بتحصل كل يوم فى الشارع وبتلبس ناس كتير فى الللى قدامها واعتقد انى دقت من الكاس ده والعربية زيرو وبسبب بروتون والبروتون طبعا باظت وانا اتكسر الاكصدام والجسر !!!!
نفسى مالك الاويترا ينزل يشترى ميكروويف 34 لتر ويشوف هيشيله فين لانه مش هيدخل على الكنبة ولا فى الشنطة ويركب الكروز ويقولنا انه نفع على الكنبة وفى الشنطة
نفسى مالك الاوبترا يركب 3 رجالة ورا على الكنبة ويقولنا ايه الاخبار وينزلهم يركبهم الكروز ويشوف الفرق
نفسى مالك الاوبترا يركب طفل ورا على الكنبة ويشوف هيتحكم فى اغلاق الزجاج والابواب ازاى من عنده وينزل يركب الكروز ويشوف الفرق
طبعا لو قعدت اقارن للصبح مش هخلص
وبالمناسبة هو موتور الاوبترا كام حصان علشان نقارنه بموتور الكروز -اعتقد 107 حصان صح -طب الكروز القديمة 110 حصان والجديدة 115 حصان
طب هو الفتيس كام نقلة علشان نقارنة بفتيس الكروز -اعتقد 4 صح - طب الكروز القديم 6 نقلات والجديد 6 برده
طب لما يبقى الكروز موتورها وفتيسها هما هما بتوع الاسترا يبقى اوبل برده فاشلة!!!
يا جماعة وجهات النظر جميعا تحترم وعلى عينى بس لازم نكون موضوعيين فى المقارنة من غير كلمات ومصطلحات براقة زى " الاعتمادية" لانها كلمات ليس لها ترجمه فى القواميس العلمية والمالية
واللى خلى الناس تقول على اللادا 2107 افضل من 2110 وطبعا من خبرة مالك ل 8 سنوات فرق السما من العما
واللى خلى الناس تقول على البومة افضل من الشارك وطبعا من خبرة مالك سنتين فرق السما من العما
مينفعش اصدق ان الاوبترا افضل من الكروز وده برده من خبرة مالك شهر ونص
نفسى تشتركوا فى منتدىات شيفروليه برا مصر وتشوفوا الناس بتتكلم عن الكروز ازاى -طبعا مع كامل اشفاقى علينا من منصور وعمايله السودا اللى فضى بيها الكروز من الكماليات اللى المفروض تنزل بيها
وتحياتى للجميع

اشكرك علي المقارنه الموضوعيه ده بجد ., هو مافيش خلاف ان الكروز عربيه رائعه وانا قولت كنت عايز اجيبها وطبعا هي تختلف عن الاوبترا مافيش كلام ., لكن انا بتكلم عن مشاكل الفتيس تحديدا في الكروز , اللي من الواضح انها مشكله عامه , وطبعا لو الفتيس باظ وعرفت ان هيتكلف في التوكيل اكثر من 30000 جنيه هلعن ابو العربيه بكل جمالها وحلاوتها اللي انا مغرم بيها , فمشكله الفتيس لوحده مصيبه سودا مش عارف التوكيل حلها ولا لأ في الموديلات الجديده ., علشان كده بقول الاوبترا من وجهة نظري تكسب لانها عمليه اكثر وزي ما قلت قبل كده لاحظ سعر اعادة البيع في الاتنين وشوف الكروز سعرها بيقع ازاي بسبب مشاكل الفتيس

[د.عماد صلاح]

تمام كده ...كلام مظبوط
بس اعتقد ان الموتور القديم بتاع الكروز هو هو بتاع الاوبترا و صاحب الموضوع بيتكلم عن 2010 يبقي بيتكلم عن الموتور القديم و الاتنين واحد
الفتيس القديم 6 نقلات و عامل بعض المشاكل مع الناس يعني مشاكله اكتر من بتاع الاوبترا فعلا
بالنسبه للطفل اللي هيقعد ورا ...ففي زرار يبمنع فتح الباب او الزجاج تماما
بالنسبه للميكرووف ال 34 لتر ....افضل اجيب 30 لتر ال 34 كبير عليا الصراحه
اما ال3 رجاله ...اصلا انا مش هقعد في عربيتي كل العدد ده حتي لو معايا مرسيدس 500
بالنسبه للفرامل طبعا حضرتك بتتكلم عن الكروز اللي فيها اي بي اس لكن الفئه الاولي فراملها هي هي الاوبترا

لكن لو هتقارن الكروز الجديده بالموتور الجديد و الفتيس الجديد فالكروز تضرب بالقاضيه لان الموتور تكنولوجي جديده و 115 حصان وفتيس جديد و الاتنين بتوع الاسترا
احنا كنا بنقارن بين الاوبترا و الكروز قبل الفيس ليفت الفئه الاولي
اسف علي الاطاله ...وهي وجهات نظر في الاخر و احترم للغايه و جهه نظر حضرتك

[Eng_hatemfathy]

هههه- ال 30 لتر مش هيقضى الصنية بتاعة الفراخ

تقبل تحياتى وصباحك زى العسل
وربنا ميحكمش عليك تكون فى مشوار وتلاقى كام واحد بلدياتنا بيقولك خدنا فى سكتك لان هيبقى شكلك مش لطيف لو قلتله العربية صغيرة -ههههه