حاجه غريبه جداااااا فى الاوبترا

[haythamolwan]

الحمد لله استلمت الاحد اللى فات اوبترا 2013 المهم من ساعت ما استلمتها حاسس بحاجه غريبه جدا فى المرايه الشمال مبشوفش منها حاجه و حاسس ان المرايه مبتصغرش .. المهم انهارده نزلت بصيت فيها و اكتشفت انها فعلا مرايا عاديه جدا نسبة 1:1 زيها زى مراية الحمام .

انا توقعت ان تكون المشكله عندى انا فقط و قولت اكيد اتكسرت منهم ولا حاجه و غيروها بكف مرايا صينى مثلا فروحت اتاكد و اشوف اوبترا تانى و المفاجأه انى بصيت على اتنين تانين لقيتهم زى عندى بالظبط اليمين ساليمه و الشمال بايظه !!!!!!

الغريب باردو انا قولت جايز شيفورليه بينزلو عربيتهم كده لحكمه انا معرفهاش فروحت شوفت الافيو لقيت ان التنين سلام !!! حد عنده اى تفسير للموضوع ده ؟؟

[dr_7ooda]

ممكن تشوفلك كف استعمال خارج لعربيه دركسيونها شمال وتبص عليه لو عجبك ركبه وامرك لله

[HeMa_LanCeR]

هي كده فعلا
مرايا متخلفة جدااااااااا

[merosss]

انا عندى فى النوبيرا كدة والاوبترا تطوير النوبيرا اعتقد هى كدة .....الهدف بيكون ان بيعتقدوا ان كدة احسن عشان كمان لما ترجع وانت بتركن تبص فى الشمال مش تتخدع ..... وفى شركات عربيات (محترمة)بيعملوا المرايا الواحدة 2/3 منها مرايا عادية وال 1/3 الاخير مرايا مصغرة عشان تجبلك باقى الطريق وشركات بيعملوا واحدة وواحدة (الاوبترا)بيعتقدوا المرايا القريبة من السائق مش هيحتاج مصغرة وانا عندى فى نوبيرا وعادى جدا انا شايفها احسن بصراحة !!!!.....وشركات بيعملوا الاتنين مصغرين

[haythamolwan]

مع احترامى لرأيك الاختلاف هنا مش فى انهى الاحسن اطلاقا ! الموضوع منطقى تماما لان بالمنظر ده المرايا هتوريك على اد حجمها فقط !!! و عشان ميبقاش موضوع خلافى تقدر تشوف المرسيدس و البى ام و تويوتا و اوبل و هوندا و فولكس كل دول مرايتهم بتنزل مصغره ..

[Mostafa.Mahran]

عندى برضه نفس المرايات

[dr.hazem]

عجيبه
عربية اخويا اوبترا خليجي مكنتش كده ابدا!!
تحياتي

Sent from my Xperia Arc S using Forum Runner

[Elkordy2000]

انا الاوبترا عندي كده فعلا واحده واحده والشيفروليه لانوس كانت كده برضو , تقريبا الشيفروليه كلها كده

[lanos2004]

حتي المرايا مش هاين عليهم يظبطوها

[elmkaneeki]

النيسان التيدا الي معايا كدة ...مكسيكي

[Hosam_fouad]

بالعكس هي كدا حلوه اوي الشمال ..... انا اتعودت عليها ... لو عايزه مرايه مصغره زي اليمين هاتلك كف صيني او مرايه صيني .

[zaza2002]

هو ده العادى والطبيعى عشان وانت راجع او لو فى عربيىة جنبك تبقي المسافة حقيقية مش زى المرايا اليمين...

[د.عماد صلاح]

شفت عندي وطلعت زي بتاعت حضرتك

[haythamolwan]

بالمناسبه انا غيرت كف المرايا خلاص جبت واحده بتصغر :) رجعت عربيه طبيعيه الحمد لله