كام استفسار بخصوص اوبترا 2008 اوتو

[كابتن أهلاوى]

السلام عليكم ورحمة الله وبركاته...
عندى اوبترا 2008 اوتو وكنت بدور على شريط الازاز الامامى الخاص بيها اللى هو كاوتشة ده ومش لاقيه نهائى حتى فى التوكيل ناقص جدااا....حد ممكن يقولى الاقيه فين تحديدا؟؟؟؟
تانى حاجة كنت لما بمشى على 30-40 بسمع صوت الكاوتش على الارض واضح جدا لكن لما بزود السرعة الصوت ده بيروح ...ممكن اعرف السبب ايه والحل ايه؟؟؟
وكنت عاوز اعرف الاقى فين فوانيس الشبورة الاصلية للعربية لأن كل الموجود صينى والاصلى فى التوكيل غالى جدااا...هل ممكن الاقيه فى اى مكان تانى برة التوكيل؟؟؟ او حتى الاقى التايوانى النضيف؟؟
وممكن اعرف ارخص مكان اجيب منه سربنتينة التكييف الاصلية بتاعة العربية منين؟؟ وسعرها كام؟؟ ولو غالية جدا اجيبها استيراد احسن ولا جديدة كورى والسعر كام؟؟؟

[midooo_119]

السلام عليكم ورحمة الله وبركاته...
عندى اوبترا 2008 اوتو وكنت بدور على شريط الازاز الامامى الخاص بيها اللى هو كاوتشة ده ومش لاقيه نهائى حتى فى التوكيل ناقص جدااا....حد ممكن يقولى الاقيه فين تحديدا؟؟؟؟
ممكن تلاقيه عند جريش فالعاشر من رمضان اتصل بيهم واسال
تانى حاجة كنت لما بمشى على 30-40 بسمع صوت الكاوتش على الارض واضح جدا لكن لما بزود السرعة الصوت ده بيروح ...ممكن اعرف السبب ايه والحل ايه؟؟؟
اعتقد يبقى الكاوتش نوع سىء والله اعلم
وكنت عاوز اعرف الاقى فين فوانيس الشبورة الاصلية للعربية لأن كل الموجود صينى والاصلى فى التوكيل غالى جدااا...هل ممكن الاقيه فى اى مكان تانى برة التوكيل؟؟؟ او حتى الاقى التايوانى النضيف؟؟
وممكن اعرف ارخص مكان اجيب منه سربنتينة التكييف الاصلية بتاعة العربية منين؟؟ وسعرها كام؟؟ ولو غالية جدا اجيبها استيراد احسن ولا جديدة كورى والسعر كام؟؟؟
تلاقيهم فشارع دمشق

[كابتن أهلاوى]

انا لقيت الفانوسين الاصليين بتوع الشبورة ب600 جنيه ...مش عارف كدة كتير ولا قليل....ممكن حد يفيدنى بسعر الكاوتش اليوكوهاما ال14-195-60 اليابانى؟؟؟ وانا مش من القاهرة عشان كدة نزولى شارع دمشق صعب الا لو نازل على حد معين او عارف السعر تحديدا عشان اعمل حسابى بالنسبة للسربنتينة فهل من معلومات عن سعرها؟؟

[Hosam_fouad]

السلام عليكم ورحمة الله وبركاته...
عندى اوبترا 2008 اوتو وكنت بدور على شريط الازاز الامامى الخاص بيها اللى هو كاوتشة ده ومش لاقيه نهائى حتى فى التوكيل ناقص جدااا....حد ممكن يقولى الاقيه فين تحديدا؟؟؟؟

دا اللي هو الكاوتش اللي بيتركب بيه الازاز اللي هو بين الصاج والازاز ... لو هو دا يبقي بلاش تدور عليه علشان لفيت جامد عليه في اسكندريه والتوكيل ومش موجود

تانى حاجة كنت لما بمشى على 30-40 بسمع صوت الكاوتش على الارض واضح جدا لكن لما بزود السرعة الصوت ده بيروح ...ممكن اعرف السبب ايه والحل ايه؟؟؟

الكاتوش لما يكون معفن بتسمع منه كل الأصوات

وكنت عاوز اعرف الاقى فين فوانيس الشبورة الاصلية للعربية لأن كل الموجود صينى والاصلى فى التوكيل غالى جدااا...هل ممكن الاقيه فى اى مكان تانى برة التوكيل؟؟؟ او حتى الاقى التايوانى النضيف؟؟

بلاش تجيب لا تيواني ولا صيني هات الأصلي انا اشتريتهم من 6 شهور ب حوالي 500 او 550 جنيه ..... اشتري من اي محل موزع معتمد زي أطلس او محل شغال في الأصلي وبتثق فيه

وممكن اعرف ارخص مكان اجيب منه سربنتينة التكييف الاصلية بتاعة العربية منين؟؟ وسعرها كام؟؟ ولو غالية جدا اجيبها استيراد احسن ولا جديدة كورى والسعر كام؟؟

خليك في الأصلي ومن حد بتثق فيه
؟

[كابتن أهلاوى]

انا لقيت شريط الازاز فعلا ب150 جنيه عند ابو الحسن فى بين السرايات علما ان سعره فى التوكيل 200 جينه....سربنتينة التكييف لقيتها ب2400 جنيه اصلية بس انا شايف السعر ده مبالغ فيه جدا............والفوانيس الاصلى جبتهم منه ب600 جنيه...انا عاوز مكان اجيب منه السربنتينة الاصلية بس بسعر اهدى من كدة شوية او استيراد....وعاوز كمان اعرف سعر الجنوط الاصلية استيراد كام...والكاوتش لو هجيب يوكوهاما مقاس 15 يعمل سعره كام؟

[كابتن أهلاوى]

هو ليه محدش بيرد هنا؟؟

[ysamerlabib]

على فكرة .. مقاس الكاوتش اللي انت كتبة ده غلط .. ولو هوه فعلا الموجود يبقى ده السبب في الصوت اللي بتسمعة
مقاس الكاوتش 14 -65 - 185
لو حتغير الجنط وتجيب 15 لازم تمشي على معادلة الكاوتش Tyre Size Calculator - Legal Requirements - Etyres
حطحط المقاس الاصلي فوق ... وتكتب المقاس اللي انت عايز تجيبة تحت
حيطلعلك رقم بنسبة مئوية .. الرقم ده لو زاد او قل عن 2.5% حيكرهك في العربية
انا لسه مغير الكاوتش عندي وطلع عيني لغاية لما جبت المقاس الاصلي بتاعها 15-65-185 ب 425 جنيه للفردة

اما موضوع السرينتينة ممكن تسأل عليها في شارع دمشق ومش لازم حد معين .. كده كده في فصال
وممكن تدور في القسم هنا على ارقام تليفونات بتوع قطع الغيار (دمشق او الحرفيين) وتتصل وتسأل

[abou-yahia]

على فكرة .. مقاس الكاوتش اللي انت كتبة ده غلط .. ولو هوه فعلا الموجود يبقى ده السبب في الصوت اللي بتسمعة
مقاس الكاوتش 14 -65 - 185
لو حتغير الجنط وتجيب 15 لازم تمشي على معادلة الكاوتش tyre size calculator - legal requirements - etyres
حطحط المقاس الاصلي فوق ... وتكتب المقاس اللي انت عايز تجيبة تحت
حيطلعلك رقم بنسبة مئوية .. الرقم ده لو زاد او قل عن 2.5% حيكرهك في العربية
انا لسه مغير الكاوتش عندي وطلع عيني لغاية لما جبت المقاس الاصلي بتاعها 15-65-185 ب 425 جنيه للفردة

اما موضوع السرينتينة ممكن تسأل عليها في شارع دمشق ومش لازم حد معين .. كده كده في فصال
وممكن تدور في القسم هنا على ارقام تليفونات بتوع قطع الغيار (دمشق او الحرفيين) وتتصل وتسأل

هوه مش غلط اوي

هوه ممكن يركبه وده اللي انا بنصح بيح عشان يحسن من اداء الفرامل وثبات العربيه

وفي نفس الوقت يستحمل الشوارع بتاعتنا


هوه حيفرق 1% فقط والنسبه المعتمده 2.5%

انا بفضل للاوبترا 14 عشان فرده غير مكلفه ممكن تجيب حاجه عاليه بسعر فرده 15

والجنط 14 مريح للعفشه ومناسب لشوارعنا ومناسب للطلعه