فتيس الكروز عملها ومحتاجين مساعده بالرأى

[abo_anas]

السلام عليكم
صديق لى اشترى كروز 2010 استبترونيك قعدت معاه شهرين ، والفتيس مابينقلش والعربيه مش بتمشى .

يعنى المشكله بالظبط انه بيدور العربيه بتدور عادى ،يجيب الفتيس على d يدوس بنزين ال ار بى ام يعلى والعربيه واقفه فى مكانها ، طيب يجيب الفيس على الحاره المانيوال نفس النتيجه
العربيه مابتتحركش قدام ولا وره
فهل كده الفيس باظ ولا ممكن تصليحه ، وعاوزين عنوان حد يكون شغال فى فتيس الكروز ويكون فاهم مش يبفتى وخلاص
فى ناس قالولى على واحد اسمه صابر فى مدينه نصر جنب بنزينه موبيل اللى فى رابعه وجنب توكيل منصور ,
فى حد اتعامل معاه
برجاءالافاده
شكرا

[فادى محمد]

وعليكم السلام ورحمه الله وبركاته
فعلا صابر متميز في الشغل في العربيات الحديثه
ومتخصص اوبل وشيفروليه

[Ahmed Amin]

الفتيس كدا محتاج عمرة,, في الغالب الكلاتشات متكسرة جواه,
طقم شنابر,, كلاتشات وبريك بادز.
بس لازم يكشف عليه الأول عند حد بيفهم ممكن تكون مشكلة تانية,,

لو طلع محتاج عمرة هيبقي أفضل لو يشوف الأستيراد عامل كام الأول,,
عشان ممكن لو عمله يكلفه كتير وميرجعش زي الأول.

[monamize4]

هو ايه حكاية فتيس الكروز ؟

[abo_anas]

ياجماعه شكرا للمشاركه

الاخ اللى بيقول ممكن تكون كالاتشات هل ممكن تتغير ب عمرة ؟؟ ولا هندخل فى فتيس كامل
انا عارف ان الامور مش هتوضح الا لما نروح لمتخصص

طب هو ممكن يكون ال بادى فلف فيه مشكله انا سامع انه غالى تقريبا 14500 ج
واحد تانى قال ممكن تكون المشكله فى كارت الكهربا ب 5500 ج
كلها اجتهادات لحين الذهاب للفنى المتخصص
ربنا يبارك لكم

[Ahmed Amin]

ما هو الفالف بادي مش بيبوظ بسهولة,,
ومش بيبوظ إلا لما الزيت يفضل في العربية فترة طويلة ويتحرق ويقل أووي ويبدأ يحصل رايش كتير
فيبدأ الفالف بادي يبوظ,, بس حتي لو الفالف بادي فيه مشكلة وفيه رايش العربية بتبقي بتتحرك لما تديها غيار بس مش هتلاقي النقلات مستريحة و هيبقي فيها نتش وترزيع,,

لكن إن العربية متتحركش خالص مع أختيار ال d بتبقي في الغالب كلاتشات,
واللي يحرقها أن الفتيس يكون سرب زيت وأتمشي عليه كتير لحد ما الكلاتشات أتحرقت,,
وممكن كمان زي مانت قلت تكون المشكلة في كارتة الكهرباء,, لو العربية محصلش مفهاش تسريب زيت من الفتيس عشان كدا قلت لك لازم يتكشف عليها الأول عند حد متخصص فتيس أوتوماتيك وشغال في الشيفرولية,,
وزي مانت قلت أحنا كلنا بنجتهد عشان نحاول نعرف العيب,,

والمشكلة لو في الكلاتشات بس ممكن تتغير بعمرة أه,, ومش هتدخل في فتيس كامل,,

ولو كان حصل رايش من الزيت القديم والفالف بادي مش متضرر منه مش هيحتاج يتغير,,

و أنت هتحسبها وتشوف تغير الكلاتشات كام والمصنعية كام والزيت كام,,
وتقارنهم بتمن الفتيس الأستيراد ولو التكلفة قريبة من بعضها, هيبقي الأستيراد أفضل
أما لو التكلفة النص,, يبقي تصلح اللي عندك أحسن,,
لأن كدا كدا لو اللي هتجيبه أستيراد هيبقي محتاج يغير زيت ومش هتبقي عارف حالة الفالف بادي فيه عاملة أيه هيا والكلاتشات حتي لو هيديك ضمان 6 شهور لأن الحاجات دي مش بتبان أعراضها غير بعد فترة من المشي.

[abo_anas]

ما هو الفالف بادي مش بيبوظ بسهولة,,
ومش بيبوظ إلا لما الزيت يفضل في العربية فترة طويلة ويتحرق ويقل أووي ويبدأ يحصل رايش كتير
فيبدأ الفالف بادي يبوظ,, بس حتي لو الفالف بادي فيه مشكلة وفيه رايش العربية بتبقي بتتحرك لما تديها غيار بس مش هتلاقي النقلات مستريحة و هيبقي فيها نتش وترزيع,,

لكن إن العربية متتحركش خالص مع أختيار ال d بتبقي في الغالب كلاتشات,
واللي يحرقها أن الفتيس يكون سرب زيت وأتمشي عليه كتير لحد ما الكلاتشات أتحرقت,,
وممكن كمان زي مانت قلت تكون المشكلة في كارتة الكهرباء,, لو العربية محصلش مفهاش تسريب زيت من الفتيس عشان كدا قلت لك لازم يتكشف عليها الأول عند حد متخصص فتيس أوتوماتيك وشغال في الشيفرولية,,
وزي مانت قلت أحنا كلنا بنجتهد عشان نحاول نعرف العيب,,

والمشكلة لو في الكلاتشات بس ممكن تتغير بعمرة أه,, ومش هتدخل في فتيس كامل,,

ولو كان حصل رايش من الزيت القديم والفالف بادي مش متضرر منه مش هيحتاج يتغير,,

و أنت هتحسبها وتشوف تغير الكلاتشات كام والمصنعية كام والزيت كام,,
وتقارنهم بتمن الفتيس الأستيراد ولو التكلفة قريبة من بعضها, هيبقي الأستيراد أفضل
أما لو التكلفة النص,, يبقي تصلح اللي عندك أحسن,,
لأن كدا كدا لو اللي هتجيبه أستيراد هيبقي محتاج يغير زيت ومش هتبقي عارف حالة الفالف بادي فيه عاملة أيه هيا والكلاتشات حتي لو هيديك ضمان 6 شهور لأن الحاجات دي مش بتبان أعراضها غير بعد فترة من المشي.

هو فعلا الفتيس كان مسرب زيت كتير من خرطوم الفايظ ومن جوان تحت الفتيس ، زيت كان مغرق الحوض كله.
المهم احنا توصلنا لورشه بيشتغل فى الفتيس الاتوماتيك اسمه الحاج محمد على فى المنصورة واتصلنا بيه وقال هات الفتيس يوم الاتنين.
والسؤال هنا نحل الفتيس ونروحله بيه ، ولا ناخد العربيه كلها على ونش؟؟

[Medo.Malek]

هو فعلا الفتيس كان مسرب زيت كتير من خرطوم الفايظ ومن جوان تحت الفتيس ، زيت كان مغرق الحوض كله.
المهم احنا توصلنا لورشه بيشتغل فى الفتيس الاتوماتيك اسمه الحاج محمد على فى المنصورة واتصلنا بيه وقال هات الفتيس يوم الاتنين.
والسؤال هنا نحل الفتيس ونروحله بيه ، ولا ناخد العربيه كلها على ونش؟؟

نصيحة لله
المكان اللى هاتفك فيه الفتيس و تنزله على الارض لازم يكون هو نفسه المكان اللى هاتصلحه فيه ولازم يكون عنده قطع الغيار الجديدة
و المنصورة مفيهاش قطع غيار للعربية دى و كل اللى هايشتغل في العربية هاينزلك الفتيس على الارض و هايقلك روح هاتلى قطع الغيار دى من اسكندرية و هاتتسوح معاه و العربية هاتفضل بايته عنده ده غير انه ممكن بعد ما ينزله على الارض يقلك مش نافع و هات فتيس جديد
و ما ادراك ما الفتيس الجديد (50 الف جنيه حسب اخر مرة سألت عليه )
روح توكيل العامرية فى الاسكندرية و ان شاء الله المشكله هاتتحل هناك ومش هاتكون قلقان على العربية
ربنا يعينك عليها

[Ahmed Amin]

هو فعلا الفتيس كان مسرب زيت كتير من خرطوم الفايظ ومن جوان تحت الفتيس ، زيت كان مغرق الحوض كله.
المهم احنا توصلنا لورشه بيشتغل فى الفتيس الاتوماتيك اسمه الحاج محمد على فى المنصورة واتصلنا بيه وقال هات الفتيس يوم الاتنين.
والسؤال هنا نحل الفتيس ونروحله بيه ، ولا ناخد العربيه كلها على ونش؟؟

طالما الموضوع كدا كان فيه تسريب زيت كتير, والزيت كان مغرق الحوض يبقي كدا الفتيس أتاذي جامد من جوا و في الغالب الكلاتشات أتحرقت أو أتكسرت طالما العربية مش بتدي أي أستجابة معاك ولا أي حركة علي d

وزي ما الزميل قالك أنا كمان مش مرتاح لمشوار المنصورة دا,,
أولاً مش أي حد بتاع قتيس أوتوماتيك يشتغل في أي فتيس,, لازم يكون بتاع شيفرولية وفاهم فيه,,
ثانياً مش هتضمن أنك تلاقي قطع الغيار بسهولة, أو تلاقيها أصلية لو كانت متوفرة,

وطبعاً لازم العربية تروح أي مكان علي ونش,,
لأن بعد أصلاح الفتيس لازم هيحتاج هوا وأنت أنك تجرب العربية وتشوف لو فيه مشكلة تانية تتعالج في ساعتها,,
لكن عشان تحل الفتيس,, وتروح له بيه ويترومي علي الأرض عنده أو حتي طربيزة ويشتغل فيه,,
بعدين يحتاج يجرب الشغل علي العربية,, تقوم واخد الفتيس علي عربية وتروح تركبه في المكان اللي هيا مركونة فيه .؟!!
ولو مشتغلش لأي سبب هتفكه وترجع له تاني.???
طبعاً حل مش عملي,,

وطالماً هندفع فلوس ونصلح يفضل تبقي في التوكيل في الحاجات اللي زي دي,,
لأنك هتاخد قطع الغيار الأصلية, والمفروض مكان مهيئ ومنظم وشغل نضيف,,
والأهم من كل دا انك هتاخد ضمان علي الشغل اللي أتعمل,, لأن الميكانيكي مش هيديك ضمان ولو الفتيس ضرب بعد اسبوع بسبب غلطة أو تقفيل غلط هتدفع فلوس تاني من الأول,,

شوف الفتيس هيتكلف كام أصلاح في التوكيل,, وشوف سعره كام أستيراد قبل ما تروح
لان طالما الفتيس اتمشي عليه وهوا مسرب زيت, في الغالب هيحتاج شغل كتير من جوا يتغير وهيبقي أوفر تجيب فتيس أستيراد شغال.

[abou-yahia]

هو ايه حكاية فتيس الكروز ؟

مالوش حكايه

كل الحكايه ان الفتيس 6 نقلات

فالناس اغلب سواقتها في الزحام والفتيس بيجيب الغيارات بدري

فتلاقي اللي سايق بيقرص علي الغيارات

وده طبعا بيهلك الفتيس

ده غير ان الناس بتهمل تغيير الزيت وكمان بتعامل الفتيس غلط

بانها بتفضل معلقه الفتيس علي d طول ما العربيه واقفه

ديه مش مشكله الكروز خالص

[Ahmed Amin]

فعلاً هيا مش مشكلة الفتيس لأن أبو أنس قال,,

الفتيس كان مسرب زيت كتير من خرطوم الفايظ ومن جوان تحت الفتيس ، زيت كان مغرق الحوض كله.

وأي فتيس يسرب زيت أو حتي ماتور عربية لو سرب زيت والتسريب دا ميتعالجش بسرعة لازم يقفش سواء فتيس أو ماتور,
لان هيبقي كله حديد بيحك في حديد جوا..

وأي عربية عدي عليها ٣ سنين لازم يتراجع علي زيت الفتيس بتاعها وكمية الزبت ولزوجته,
وخصوصاً لو كانت العربية أستعمال لأن أبو أنس قال أنها ٢٠١٠ وعطلت بعد شهرين من الشراء,,
فا ضروري جداً إن الواحد أما يجيب عربية أستعمال يغير كاتينة لو كاوتش ويكشف علي كل الزيوت موتور وفتيس وفرامل وباور وكمان السيور لأن محدش يعرف المالك السابق ليها كان بيعاملها إزاي أو بيركب لها قطع غيار أصلية ولا لأ.

[A.Helmi]

وأي عربية عدي عليها ٣ سنين لازم يتراجع علي زيت الفتيس بتاعها وكمية الزبت ولزوجته,
وخصوصاً لو كانت العربية أستعمال لأن أبو أنس قال أنها ٢٠١٠ وعطلت بعد شهرين من الشراء,,

حتي لو عاملة كيلومترات قليلة؟ 15000 مثلا

[Ahmed Amin]

حتي لو عاملة كيلومترات قليلة؟ 15000 مثلا

أيوة عندك مثلاً زيت الموتور التخليقي كامل المفروض بيعد من ١٠ الأف ل ١٥ ألف علي حسب الأستخدام,
أو سنة,,,, ودي النقطة اللي ناس كتير بتغفل عنها أو متعرفهاش,
وهتلاقي ناس كتير ممكن تعمل ٣ الأف كيلو بس في السنة ويقول الزيت لسه قدامه ٧ الإف كيلو علي الاقل ويسيبه في العربية,
وساعتها بدل ما الزيت يبقي بيزيت ويحافظ علي الموتور بيبدأ يأزيه,
لأن مضادات الأكسدة والمواد اللي بتاحفظ عال موتور من الأحتكاك مفعولها بيروح,
والزيت بيفقد لزوجته وصلاحيته.

نفس الحال مع الزيت الفتيس,, المفروض يتغير بمتوسط ٦٠ ألف كيلو من الزيرو أو ٣ سنين
ولما بيتساب أكتر من كدا بيفقد لزوجته وبيبدا يعمل رايش والرايش بيبهدل الڤالڤ بادي وممكن يسد الفلتر.
دا غير أنو بينزل لونه أسود ومحروق لما بيعدي ال ٣ سنين او ٦٠ ألف.

[DarkTemplar1]

بص يا باشا نصيحه انا حصل معايا الحصل معاك و جبته استيراد و باظ و صلحته و باظ المشكله ان الفتيس ده مش بيتصلح اصلا مفيش قدامك غير حل عشان متكرهش العربيه و تتعب هتروح توكيل الرحاب و تقوله إلي حصل هيخيرك بين استيراد أو جديد و الاتنين عليهم ضمان بلاش تجيبه استيراد مع نفسك و تركبه بره لأن الفهمته أن الفتيس ليه قياسات معينه مش هتظبط غير في التوكيل من الاخر ولو حصل وركبته بره الفتيس هينتش في الغيار و يرزع معاك أو هيسقاط في الغيارات

[abo_anas]

شكرا لكل الاخوة الكرام
هو حمل العربيه على ونش الان وفى طريقه لواحد بيصلح فتيسات اتوماتيك اسمه رافت فى عين الصيره ، وان شاء الله هنقل لكم التجربه اول باول