ركبت زينون للأوبترا فوج لايت

[كابتن أهلاوى]

السلام عليكم ورحمة الله وبركاته...
طبعا انا طلبت فى دماغى اركب فوج لايت جديد اصلى بدل القدام لأنها خلاص صلاحيتهم انتهت تماما :(
طبعا دوخت على الاصليين لحد ما لقيتهم عند ابو الحسن ب600 جنيه ....المهم اشتريتهم وقولت اركب عليهم زينون بقى احسن طالما مصاريف بمصاريف....لفيت طبعا على طقم نضيف عندى ملقتش غير نوع اسمه الجولد ب350 جنيه بالتركيب....بالصدفة افتكرت انى لما كان معايا عربيتى القديمة كنت شاريها بزينون راكب فيها مكملش شهر وانا لما اشتريتها شيلته وركنته عندى...طبعا اللمبة كانت مختلفة بس الاجهزة تمام....
مقاس لمبة فوج لايت الاوبترا 880 دورت على حد يبيع اللمبات بس لحد مالقيت حد عنده نوعية كويسة اشتريتهم ب140 جنيه درجتهم 8000....المهم الجهاز طبعا 35وات....سألت الكهربائى هل محتاجة كتاوت او مكثفات قالى لا طالما مش اعلى من 55 وات مش هحتاج وركبتهم وفعلا ماحتجتش كتاوت وشغالين الحمدلله زى الفل........
المستفاد من الموضوع ده ان مقاس لمبات الشبورة عشان لو حد عاوز يعرف هو 880 .....
اللى عاوز اعرفه بقى هل لو ركبت زينون كمان تانى على النور الواطى هحتاج تعديل فى الكهرباء او اركب كتاوت؟؟؟ والاقى فين الكوبرا او الكانبوس؟؟؟ وسعرهم كام؟؟؟

[abou-yahia]

http://www.nilemotors.net/Nile/269274-a.html

[Akram.Gamal]

انا كمان بفكر اركب زينون بس للاسف معرفش عنه اي حاجه

[ABO MALEK]

الف مبروك..كفاك الله شرها

[ra3d]

جبت منين لمبات الزينون ؟؟؟

[J A G U A R]

مبرووك .. بس متعاكسش الناس بالنور

[mansy212]

السلام عليكم
انا عضو جديد فى المنتدى
وكنت عاوز اشترى عربية اتوماتيك ومعايا 60.000 ممكن السعر ده يجيب اوبترا
واايه اقتراحاتكم لاى عربية تانية غير الاوبترا فى حدود هذا السعر

[كابتن أهلاوى]

اللمبات اشتريتها من محل قطع غيار عادى عندنا وتمنهم 140 جنيه....ولونهم 8000 وهما مش ضاربين فى وش اللى جاى قوى لأنهم تحت فى الفوجات ومظبوطين على ظبطة الفوانيس الاصلية الجديدة .....

[كابتن أهلاوى]

السلام عليكم
انا عضو جديد فى المنتدى
وكنت عاوز اشترى عربية اتوماتيك ومعايا 60.000 ممكن السعر ده يجيب اوبترا
واايه اقتراحاتكم لاى عربية تانية غير الاوبترا فى حدود هذا السعر

بصراحة مستحيل 60 الف تركبك اوبترا اوتو محترمة....العربية النضيفة بتبدأ من 70 الف فما فوق....