عربيتي الاوبترا رجعت بعد سنه ونص الحمد لله

[mahmoud_ali]

الف مبروك ياباشا

[saddam]

صديقي المواطن
أنا متخيل بس المكالمة اللي قالولك فيها لقينا عربيتك يااااه تحسه يوم أهم من اليوم اللي حيجيلك فيه عيل ﻷنك بجد مش مصدق وحصلت معايه إتسرقت مني عربية وبعد سنة ظابط مقدم بيكلمني تعال إستلم عربيتك طبعا أنا مصدقتوش وقلت ده كمين فيه حد عايز يستدرجني وبعت محامين وبعت ناس وإتأكدت اﻷول وبعدين رحت إستلمتها خلوني أحمل العربية بونش للإسم عشان يثبتوا حالتها في المحضر وبعدين خدتها بالونش عالبيت وكانت شبه خرابه حتى مفيهاش مفتاح وصرفت عليها 7500 جنيه
أما بالنسبة ليك فأنا سعيد عشانك
ومبدئيا إياك حتى تعدي من الشارع اللي فيه التوكيل حتخلصلصي المكنة وتغير زيوت وفلاتر وعفشة وراديتير وتعدل فوانيس وسمكرة ثم وش نظافة وتديها لونين وطقم جنوط حنبلي 16 فما فوق ثم كار كير تطلع وساخة السنين وطقم عوازل وشوية إكسسوارات وتغير خريطة المفاتيح ثم كأنك راكب عربية زيرو
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[hugan]

بص يا باشا عشان نبقي متفقين

طول فترة السنة ونص لو تلفونك كان رن (وواحد قالك الو عربيتك عندي 20 الف جنية وتاخودها ) كنت هتروح تدفع ال 20 وانت ساكت عشان عربيتك ترجعلك

الصح .. تنزل تجيب فتيس جديد نص اماي كامل بالعفشة كاملة

لأن الواضح ان العربية اشتغلت سنة ونص فحت وردم ومطبات وتعدي الرصيف وكل ما تتخيل

فا تجيب نص كامل تاخد الماتور الجديد بفتيسو بالسربنتينة بكل حاجة وتشيل الي اتبهدل وتح دة مكانو

والعفشة الجديدة ب 4 فرد جداد وشنطة وكبوت بدل الي اتبهدلو

وكار كير وسروجي يجددلك عفش العربية

ومبروك عليك :)

+111111111111
كلام سليم

[felfel2010]

الف مبروك على رجوعها والحمد لله على كدة

[adelghanem]

الف مليون مبروك

[S.Hasan]

الحمد لله انها رجعتلك وحاول تظبط فيها علي قد ما تقدر

[mostafablidy]

الحمد لله انها رجعت من غير ماتدفع فلوس اعتبر نفسك دفعت فلوس ورجعت العربية هتغم 5او 6 الاف جنية افضل ماكنت هتدفع 15 او 20 الف جنية وبرضة هترجع متبهدلة فالحمد لله على كل شىء والف مبروك

[Hosam_Optrawy]

مبروك رجوع العربيه وان شاء الله تظبطها وترجع زى الأول

[محمد طايع]

مبروك رجوع العربيه وان شاء الله ترجع زى ما كانت واحسن

[J A G U A R]

الف مبرووك وان شاء الله ترجع احسن من الاول

[كابتن أهلاوى]

مبروك عليك العربية ياباشا اهم حاجة هتغير الفتيس وتظبط الماكنة الاول قبل اى شىء...نصيحة ليك احسب كل حاجة العربية عاوزاها على مرة واحدة وهاتها استيراد عشان تنزل فى السعر جامد....والحمدلله انها جات فى العربية لأن اللى ييجى فى الحديد يتعوض بأذن الله

[S O P H O S]

الحمد الله
مبروك