نويت اشترى الاوبترا ----حد ندمان او ليه تحفظات

[محمد سماحة]

السلام عليكم
رجالة انا نويت اشترى الاوبترا الاوتوماتيك زيرو...حد ندمان انه اشترى العربية دى او له تحفظات عليها فى حاجات او فى عربية تانية ممكن تكون احسن فى نفس الفئة السعرية (117000 جنية)

اخيرا حد يعرف معرض فى القاهرة الاقيها عنده و يكون بيقسط مباشر(اسلامي) ؟ ولا لازم عن طريق كونتاكت؟

[madinabaza]

انا جبتها يا باشا وهي زي الفل والي في نفس سعرها الصني الجديده بس بصراحه معجبتنيش كليا غير انها تقفيل مصري

[midooo_119]

الاوبترا عربيه محترمه و اعتماديه مفيش كلام ربنا يباركلك فيها

[saddam]

صديقي المواطن
هي عربية محدش إشتكى منها بس يعيبها إن شكلها خلاص راحت عليه من كام سنة كتير حلوين وهي بنفس الشكل الكئيب وكمان هي قليلة الكماليات ومش حلوة في حقك في المنطقة بتاعتك جايب عربية زيرو شكلها قديم أنا شايف إن اللي يدفع فيها فلوس اﻷوبترا فوق ال 70 ألف جنيه حتى لو كانت زيرو محتاج يقعد مع نفسه ويراجع ويسأل نفسه هو بيعمل في روحه كده ليه وبيظلم نفسه وعيلته وجايبلهم عربية شكلها قديم بفلوس عربية جديدة ليه وإنت الصح مهما كرهت الصني الجديدة ومهما حيظهر فيها من عيوب وهمية مستقبلا فهي أحسن من أوبترا بكتير شكلا وموضوعا وعندك البيجو 301 عشان تجيب من اﻵخر وبالمناسبة لو بتحب اﻷشكال القديمة فخليك في صني الشكل القديم برضو أشيك من أوبترا
أنا عارف إنك نويت خلاص وكلامي مش حيهمك ودي فلوسك وإنت حر بيها ولكن أنا قلبي بيتقهر على إخواتي في المنتدى لما أشوفه بيضيع نفسه وفلوسه على حاجة متستاهلش نص ثمنها معلش يا جدعان دي الشبح بأقل من 120 ألف جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[shaaban2008]

صديقي المواطن
هي عربية محدش إشتكى منها بس يعيبها إن شكلها خلاص راحت عليه من كام سنة كتير حلوين وهي بنفس الشكل الكئيب وكمان هي قليلة الكماليات ومش حلوة في حقك في المنطقة بتاعتك جايب عربية زيرو شكلها قديم أنا شايف إن اللي يدفع فيها فلوس اﻷوبترا فوق ال 70 ألف جنيه حتى لو كانت زيرو محتاج يقعد مع نفسه ويراجع ويسأل نفسه هو بيعمل في روحه كده ليه وبيظلم نفسه وعيلته وجايبلهم عربية شكلها قديم بفلوس عربية جديدة ليه وإنت الصح مهما كرهت الصني الجديدة ومهما حيظهر فيها من عيوب وهمية مستقبلا فهي أحسن من أوبترا بكتير شكلا وموضوعا وعندك البيجو 301 عشان تجيب من اﻵخر وبالمناسبة لو بتحب اﻷشكال القديمة فخليك في صني الشكل القديم برضو أشيك من أوبترا
أنا عارف إنك نويت خلاص وكلامي مش حيهمك ودي فلوسك وإنت حر بيها ولكن أنا قلبي بيتقهر على إخواتي في المنتدى لما أشوفه بيضيع نفسه وفلوسه على حاجة متستاهلش نص ثمنها معلش يا جدعان دي الشبح بأقل من 120 ألف جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

متفق معك تماما

[dodo2000]

عربية بدائية
موتور كويس و ثبات كويس و واسعة
مفيش كماليات - سواقتها عادية و مش ناعمة

[كابتن أهلاوى]

عربية مريحة جدا واوسع صالون نزل فى فئتها...فتيس يابانى بتاع تويوتا محترم جداا جداا وموتور قوى جداا...اعتمادية ومش مستهلكة لقطع الغيار...تكييفها جبار بمعنى الكلمة...رخيصة ...عيوبها ان شكلها وتصميمها مش اللى هو من برة بس عادى يعنى العربية فعليا ممتازة جدا

[محمد سماحة]

طب بالنسبة للنيسان الصنى الجديدة السوير صالون ...مشاكل الفرامل و التيل و الطنابير ..انا عارف انهم كانوا بيغيروها فى الضمان و سمعت انها اتعالجت فى الانتاج الجديد هل الكلام ده سليم ؟

[Hosam_fouad]

عربيه اعتماديه بمعني الكلمه ..... والثبات والمتور زي الفل . . .

المشكله زيها زي اي عربيه بعد 5 او 7 سنين هتفتح معاك في قطع الغيار :d

[Hosam_Optrawy]

شوف يا أستاذ محمد , بما إننا داخلين على 2014 بعد أيام إن شاء الله فيفضل إن الواحد يخليه فى الحديث لأن الأوبترا فعلا تعتبر قديمه

يعنى لو الماديات تسمح لحد 124 يبقى بيجو 301 أوتوماتيك أول فئه , أو ستروين C Elysee ب 120 الف أوتوماتيك أول فئه ولو انها مانتشرتش بالرغم من انها توأم ال 301 فنيا فى كل شئ موتور وفتيس وعفشه وكله وخارجين من نفس المصنع , بس يمكن عشان علامة بيجو ليها سوق عن الستروين فى مصر , وكمان كان حصل مشاكل فى بعض العربيات الستروين فى أول دفعات فى السحب والتكييف بس إتحلت دلوقتى بتنزيل سوفت وير

لكن لو الماديات ماتسمحش وهاترسى على صنى سواء جديد أو قديم , يبقى خليك فى الأوبترا أفضل وقديم بقديم بقى :)

[J A G U A R]

الاوبترا عربيه محترمه وعن تجربه ولكن عيبها زى ما الاعضاء قالو مفيش كماليات وقدمت شويه وخصوصا المقدمه

[madinabaza]

صديقي المواطن
هي عربية محدش إشتكى منها بس يعيبها إن شكلها خلاص راحت عليه من كام سنة كتير حلوين وهي بنفس الشكل الكئيب وكمان هي قليلة الكماليات ومش حلوة في حقك في المنطقة بتاعتك جايب عربية زيرو شكلها قديم أنا شايف إن اللي يدفع فيها فلوس اﻷوبترا فوق ال 70 ألف جنيه حتى لو كانت زيرو محتاج يقعد مع نفسه ويراجع ويسأل نفسه هو بيعمل في روحه كده ليه وبيظلم نفسه وعيلته وجايبلهم عربية شكلها قديم بفلوس عربية جديدة ليه وإنت الصح مهما كرهت الصني الجديدة ومهما حيظهر فيها من عيوب وهمية مستقبلا فهي أحسن من أوبترا بكتير شكلا وموضوعا وعندك البيجو 301 عشان تجيب من اﻵخر وبالمناسبة لو بتحب اﻷشكال القديمة فخليك في صني الشكل القديم برضو أشيك من أوبترا
أنا عارف إنك نويت خلاص وكلامي مش حيهمك ودي فلوسك وإنت حر بيها ولكن أنا قلبي بيتقهر على إخواتي في المنتدى لما أشوفه بيضيع نفسه وفلوسه على حاجة متستاهلش نص ثمنها معلش يا جدعان دي الشبح بأقل من 120 ألف جنيه
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

لا انا مش معاك خالص اولا انت معظم كلامك عن شكلها وبتحكم عليها من وجهة نظرك الشخصية وبتقول قديمة وكئيبه في حين ان غيرك ممكن يكون شايفها جميلة جدا وشيك ومبتقدمش فا مش لازم تكره الناس في العربيه والصني غير ان شكلها مش حلو والكلام ده متفق عليه هي عربيه تقفيل مصري يعني الاوبترا افضل ومونور اقوي

[د.محمود صلاح]

اشتريتها لمدة شهرين وكانت ممتازة وما اشتكيتش منها

[hossam_elwani]

بيجو خيار افضل بكتير كما ذكر الاعضاء المحترمين

[waleedrahmy]

انا وقعت في نفس حيرتك
وبعد الاستخارة
وتجربة الصني بتاعة خالي وقيادتها ومشاهدة التقفيل المصري السئ لها وخفة وزنها في السرعات العالية وفقرها من الداخل
وشكل البودي الخارجي ال مليان تنافيخ علي الفاضي والمليان
وبالبحث في النت وجدت ان العربية ياباني هندي مصري
وبسؤال مراكز الخدمة وبشهادة مهندس قريبي في نيسان قال لي ابعد تماما عن الشكل الجديد وخليك في القديم
وبسؤال الفنيين والميكانيكية والتجار والسماسرة اجمعوا جميعا علي البعد عن الشكل الجديدالمغري فقط بكمالياته
لكن العربية الاوبترا
تتميزفي
تقفيل ممتاز كوري
عفشة مالتي لينك
اثقل وزنا واثبت في السرعات العالية
مبنية علي شاسية وموتور وعفشة الاوبل
عربية حمارة شغل قطع غيار عند البقال تبيعها في ثواني وباعلي سعر
الفرامل الخلفية سكاكين
في النهاية اشتريت اوبترا اتوماتيك زيرو لانها كاساسات عربية قوية جدا وسعيد جدا باختياري رغم قدم شكلها ال منذ 2006 الا اني شايفه ميزة وليس عيب
وعلي فكرة انا شايف ان لو حاتقارن لا تقارنها بالنيسان الشكل القديم قارنها بالبيجو 301 الهاي لاين ال سعرها للتسليم الفوري وصل الي 142 الف جم
وهي تتفوق علي البيجو في الاعتمادية واعادة البيع والانتشار ومع الاحترام طبعا للبيجو
ودمتم للنضال ...
يا رفيق القتال.....
علي راي الاستاذ/صدام....:0002014a: