ظهور لمبة التشك فى شفرولية اوبترا 2009

[emadeee]

رحت الى التوكيل قام بالفحص على السيارة عن طريق الكمبيوتر وقال لى ان خساس الكامة وحساس الشكمان بايظين ولابد من تغيرهم قمت بتغيرهم واختفت لمبة التشك بعد يوم واحد ظهرت لمبة التشك
ارجو الحل مع الشكر

[Ahmed Amin]

أرجع لهم تاني يشوفو العربية مسجلة عطل أيه عشان اللمبة تنور,
ممكن تكون فيه حاجة أتركبت مش مظبوط,,

أو ممكن تكون المشكلة مكنتش فيهم من الأساس وبعد ما غيرهم لك مسح العطل القديم من علي الكمبيوتر عشان كدا بعد ما أنت مشيت وسيبت العربية يوم ودورتها رجعت لك اللمبة تنور تاني.
لو كانو عملو فيك كدا ومشخصوص العيب زي الناس ربنا يحسابهم.

[ysamerlabib]

انا رأي انك تروح لواحد ميكانيكي شاطر ويكون ثقة ويشخص العطل على الكمبيوتر وبعدين ميصلحوش
بعدين تروح التوكيل وتشوف حيقولك ايه ولو لقيت حاجة غير اللي قالك عليها الميكانيكي اعمل معاهم الصح

[Amado ali]

هو يعنى لما يطلع كود حساس يبقى لازم يتغير...ايه الناس دى!!....عموما ممكن يكون طلعلك عيب تانى بس ما اعتقدش... روحلهم تانى و شوف العيب ايه المره دى ومتسكتلهمش...

[MIGOS]

اولا حضرتك احنا اتكلمنا هنا مليوووووووووووووووووووووون مرة عن منصور الشيخ منصر و وكلاؤة زعماء العصابات وقلنا ان دول شوية بهايم وحرامية وتقريبا كلنا اتلدغنا منهم قبل كده
ثانيا المفروض سيادتك زي ماعرضت مشكلتك هنا الان كان المفروض تعرضها قبل ما تاخد اجراء بالذهاب للوكيل
ثالثا حضرتك لو متابعنا هنا كنت عرفت ان احنا قد ايه شكرنا في المهندس هاني ميخائيل صاحب سبيد سيرفيس ومدى فهم وامانة الراجل ده
رابعا (بعد وصلة التأنيب السابقة) إليك الحل
هتروح التوكيل وتعرض المشكلة بتاعتك عليهم (سامحني) بقلة ادب من اول كلمة وماتديهمش فرصة لأي اسلوب غير لائق منهم لسيادتك
وهتحاول تعرف السبب ويكون معاك الفواتير بتاعة المرة السابقة لو كان نفس العيب يصلحوه واوعى اوعى اوعى اوعى تدفع جنيه
لو طلع عيب تاني يبقى شكرا ليكوا وعليك وعلى المهندس هاني وهوا هيجيب من الاخر وانت بنفسك هتعرف الفرق
سامحني على الاطالة وعلى التأنيب بس اسأل مجرب ولا تسأ ل توكيل

[كابتن أهلاوى]

انا مش فاهم ليه بتروحوا برجليكم للى بيسرقكم ديما؟؟؟ توكيل ايه بس اللى بتروحوه ده ماحنا عارفين انهم نصابين وحرامية.....وبعدين استحالة يكون حساسين قطعوا مع بعض فى نفس الوقت اصلا....هتلاقى العيب ابسط من كل ده وفيشة عاوزة تتنضف ولا حاجة وهما طبعا زى المغفلين ماصدقوا لقوا العيب ده قالولك غير الحاجة عشان يكسبوا ..........روح طلع عينهم هناك بس قبلها روح اى مركز صيانة خارجى محترم من اللى الاخوة هنا بيشكروا فيهم واعرف عيبك الفعلى ايه ومتصلحوش وارجع التوكيل بقى بهدلهم

[ysamerlabib]

اولا حضرتك احنا اتكلمنا هنا مليوووووووووووووووووووووون مرة عن منصور الشيخ منصر و وكلاؤة زعماء العصابات وقلنا ان دول شوية بهايم وحرامية وتقريبا كلنا اتلدغنا منهم قبل كده
ثانيا المفروض سيادتك زي ماعرضت مشكلتك هنا الان كان المفروض تعرضها قبل ما تاخد اجراء بالذهاب للوكيل
ثالثا حضرتك لو متابعنا هنا كنت عرفت ان احنا قد ايه شكرنا في المهندس هاني ميخائيل صاحب سبيد سيرفيس ومدى فهم وامانة الراجل ده
رابعا (بعد وصلة التأنيب السابقة) إليك الحل
هتروح التوكيل وتعرض المشكلة بتاعتك عليهم (سامحني) بقلة ادب من اول كلمة وماتديهمش فرصة لأي اسلوب غير لائق منهم لسيادتك
وهتحاول تعرف السبب ويكون معاك الفواتير بتاعة المرة السابقة لو كان نفس العيب يصلحوه واوعى اوعى اوعى اوعى تدفع جنيه
لو طلع عيب تاني يبقى شكرا ليكوا وعليك وعلى المهندس هاني وهوا هيجيب من الاخر وانت بنفسك هتعرف الفرق
سامحني على الاطالة وعلى التأنيب بس اسأل مجرب ولا تسأ ل توكيل

يا باشا براحة على الراجل .. انا كنت حبعتلة لينك م/ هاني بس الراجل من قنا

[emadeee]

من مدة يومين حاولت فرد الدفيرة واختفت لمبة التشك فقمت بمراجعة الاسلاك المادية الى الحساس الكامة فوجت تلامس بين الاسلاك فعزلت الاسلاك كل على حدة فاختفت لمبة التشك

[كابتن أهلاوى]

مانا قولتلك هتلاقى العيب ابسط مما تتخيل ....فيشة عاوزة نضافة او سلوك ملمسة....نصيحتى ليك بقى رجع السلوك زى ماكانت ملمسة واطلع على التوكيل اعمل معاهم السليمة خصوصا لو حساساتك القديمة لسة معاك عشان تطلع عنيهم براحتك