سؤالي بخصوص اوبترا 2007

[modi7610]

السلام عليكم....
انا الحمدلله مرتاح مع عربيتي جدا لحد من قيمة شهرين كده بدأت احس ان العربية فيها رعشه بحسها وانا قاعد في العربية ومش عارف دي ظهرت امتا ولا ازاي وبسبب ايه ... فياريت حد يفيدني اعمل ايه لاني مخنوق من الرعشه دي
مع العلم ان العربيه عامله 60200 كيلو

[ysamerlabib]

متابع وعندي نفس الوضع
بس السؤال .. عندك ال rpm بيلع مع الرعشة ولا لأ؟
لو بيلعب عندك يبقى غالبا محتاج تنظف البوابة
انا عندي rpm سليم فاغلبا ممكن تكون قواعد الموتور عندي فيها مشكلة ومحتاجة تغيير

[modi7610]

شكرا على ردك السريع ... بس ال rbm عادي ثابت يعني محستش بمشكلة فيه....

[كابتن أهلاوى]

قواعد الموتور ممكن تكون محتاجة تتغير وممكن تكون عيب بوجيهات او سلوك بوجيهات او بوابة عاوزة تتنضف وفى الحالة الاخيرة مانصحش تستخدم اى منظف

[modi7610]

تسلم يابو الكباتن بس يعني ماتنصحش باي منظف.... اومال اعمل ايه بعد اذنك

[كابتن أهلاوى]

بص البوابة دى حساسة جدا جدا فوق ماتتخيل لازم عشان تتنضف يكون فى مركز صيانة محترم عنده الجهاز وبمعرفتهم هما عشان يكونوا مسئولين عنها ........لو باظت تمنها استيراد 500 جنيه...عشان كدة خلى بالك منها كويس...

[Hosam_fouad]

بص البوابة دى حساسة جدا جدا فوق ماتتخيل لازم عشان تتنضف يكون فى مركز صيانة محترم عنده الجهاز وبمعرفتهم هما عشان يكونوا مسئولين عنها ........لو باظت تمنها استيراد 500 جنيه...عشان كدة خلى بالك منها كويس...

+1 (لو اي ميكانيكي حمار ) هجيلك منظف بتاع كربيراتير ..... وهينظفها بيها وغالبا هتلاقي البوابه فصلت خالص وبقيت بيتهيس . . . . زي ما حصلت معايا .

وهتلاقي الجديده ب 1200 واستراد ب 500

[modi7610]

الله يباركلك يا كابتن ..... شكرا يا استاذ حسام..... ربنا يقدم اللي فيه الخير وهابلغكم باللي حصل

[كابتن أهلاوى]

+1 (لو اي ميكانيكي حمار ) هجيلك منظف بتاع كربيراتير ..... وهينظفها بيها وغالبا هتلاقي البوابه فصلت خالص وبقيت بيتهيس . . . . زي ما حصلت معايا .

وهتلاقي الجديده ب 1200 واستراد ب 500

الله ينور عليك...عشان كدة بقوله لازم مركز صيانة محترم تتنضف بمعرفته ويكون مسئول عنها وعن نضافتها لو جرالها حاجة او نضفها فى التوكيل بمعرفتهم بس اتاكد انها هى الاول